من وين أبدى (الزهبه)

:confused: ليش محد ساعدني

بنت الكويتى حبيبتى ابغى أقولج اول شي لا اتقولين مربربه بالعكس البسي ولا اتفكرين في المتن يعنى البسي المرصص والتنانير يعنى لا اتقصرين الريال ترا ما ايحب ايشوف حرمته دووووم بجلابيات عنى أنا والله ريلى ما ايدانى الجلابيات وااايد يعنى ايموت في الموضه وانا مب انقصره فيه كل يوم بشي ( يختى عشان ما ايشوف برااا خله ايشوف عندي ) :o

وفي دبي خذيلج لفة في الستى سنتر ، وافى ، برجمان وبتلقين كل اللى تبينه بس ياختى لا اتكثرين ترا الثياب والله اتخلص موضتهن وحرام اتعقين فلوسج في ثياب وااايده مالهن لزمة

والمخاوير عندكم في العين ماعليهن كلام والله كل اربيعاتى ايفصلن في العين

وسلامى لج

العنقاء .........
مشكوووووووره للرد :)

:confused: :confused: :confused: :confused:
لــــــــــيــــــــــش ما ســـــــــــــاعدتــــــوني ...................................
:confused: :confused:

حابه أقوووولكم شغله ...:(
أنا أمس ماخذه فلووووس الزهبه مثل ما قلت لكم ...تدرووون شو
صار ....( انفدعت ) ريلي وانا توني داشة الكارفور ورديت البيت :(
شفـــتوا النحــــــــــــــــــــــــــاســــــــــــــــــــــــة:( يعني أكيد 3 أيام
ما بقدر أطلع :(

سلامتج يابنت الكويتى وما اتشوفين شر:D:D

المهم لا تعطين موضوع الزهيه هلااهميه كلها صدقينى بتخلصين وفى الوقت المناسب بس انى شد حيلج وخلى خواتج ايساعدنج
عيل انتى شو بتقولين في انا وعرسي 26/2 وعليه الزهبه والشقه وبعدنى ما سويت شي؟؟:o:o

هلا أختي العنقااااااااااااااء :)
الله يسلمج والشر ماأييج ......
بس كيف ماتبيني أعطي الزهبه أهمية ؟؟؟؟؟؟؟؟؟؟؟
وبعدين انا مب خايفه اني ما اخلص من وقت انا خايفه اني
اضيع الفلوس على الفاضي أتشرى أشياء ما لها لزوووم ..!!
وتخلص الفلوس وانا بعدني ما خلصت المشترا

هلا والله بعرايسنا الحلوات

بنت الكويتي ، والعنقاء

المواضيع هذي راح تفيدكم :-

http://www.3roos.com/forums/showthread.php?s=&postid=66990#post66990

http://www.3roos.com/forums/showthread.php?s=&threadid=15464

http://www.3roos.com/forums/showthread.php?s=&threadid=14668

وعلى فكرة يا بنت الكويتي

الفلوس بإذن الله راح تكفي وتزود بعد ، والمفروض تشيلين منها بعد

يعني إحسبي إن معك 40 ألف ، والباقي إنسية ;)

الباقي إشتري لك ساعة حلوة مرة ، وباقي الفلوس شيليها للهدايا

(( إهدي الوالد ، والوالدة )) ......... ممكن تستفيدين منه عقب الزواج

;)

هلا همسة ....:)
انا بعد قلت 40 الف حق الملابس وهالشغلات
و20 حق الصالون والفستاااااااان
بس والله انا خايفة تراني لعابة وااااايد واخااااف الفلوس ما تكفيني
يلا خليها على الله ... ;)
بس على فكرة الساعة والذهب كله على أهل المعرس انا بس أشتري
الملالالالالالابس .. اختي عطاها زوجها 50 ألف ولا كفاها واختي متزوجه من زماااااااااان ، الحين كل شي غالي في الهدنيا اتغيرت وااايد وردت اختي وطلبت من زوجها 20 .............................. :( الله يعـــين
ومشكووووووووووووره الغاليه على الرد

ممكن سؤال ...............؟؟؟
انا مثل ما قلت لكم ( مربربه) من وين أقدر آخذ قمصاااان نوم
اتكون مقاساتها كبيرة انا مقاسي 18 .....أخف ما ألقى شي يناسبلي
وحتى لو حصلت اخاف يكون ضيق ومرصرص عـلي ..
أرجوووووووووووووووكم ساعدوني من وين أحصل قمصان
نووووووووووم مقاسات كبيرة ....في العين ولا دبي ولا بوظبي او الشارجه يعنييييييييييييييي في أي مكاااااااااااااااااااااااااان ...

هلا حبيبتي

تعرفين شو تسوين

انتي المفرووض تاخذين هالشهر لفة في الاسواق والمحلات

من دبي وبوظبي والشارجة والعين

وعقب سوي لج جدول عن الاسعار وعدد الملابس
والمقاسات

بترتاحين صدقيني

والسموحة

مشكورة الغالية للرد

بنت الكويتي هلا فيج ليش مكبره السالفه امي اقولج
لا تعورين راسج وايد ولا تقلقين اسمعي قمصان النوم مب لازم تكون واسعه شرات العبايه (يدوه العبايات الحين اضيق من قمصان النوم) المهم اقولج انا اشتريت قمصان نوم روعه من جبور ومن هوازن ومن جمانه تهبل وذوقي مب اي كلام وبعدين من فلاش بالكارفور مقابل مصرف ابوظبي الاسلامي من العين اممم ونعومي بعد حلو بس اقولج شي روحي صالون الريم هناك في وحده اسمها سميحه تجيب قمصان نوم من لبنان حركات وااااااااايد روعه انا خذيت من عندها لو تبينا اعطيج اسمي تكلمينها هي تعرفين زين المهم قمصانها روعه تيجيبهم من لبنان وبعد سيري جاردينيا هذول اعرفهم زين بعد لو تبين مستعدع اساعدج فيهم ويلا عاد تيك كير
ولا تقلقين وتسوين لنا قلق (لقافه ) زين انا موجوده وعرسي شهر سبعه بدايته
يلا عاد ادري اني وايد اقرقر

عزيزتي ابدي بالكنادير .. لانهم يبوون وقت لين ما اتفصلينهم .. مثل الخوااوييير طبعا.. واشتري اللي فخاطرج المهم دامج مابتاخذين ذهب مب مشكله ابدي من وين ما تبين... بس لا اتكثرين لان الموضه دايمن تتغير .. و انتي بعدج ما لبستي اللي خذتيهم .. ;)