السلام عليكم ورحمة الله وبركاته
كل عام وانتم بخير
محتاجة لرايكم ماعندي اخوات غيركم
بقولكم مشكلتي ياليت اللي تقدر تساعدني تدلي علي برايئها الله يجزاها خير
اليوم اول يوم في العيد طيب كانو اهلي قايلين لي نبي نملكلك في البيت بعد العيد
انا فرحت ورحت اشتريت الفستان واشتريت لة هدية وغلفتها
وجهزت نفسي خلاص استنى الملكة متولعة ابي اشوفة واكلمة
ويجي هذاك الخبر الي زي الطامة طاح على راسي
مانبي نملك صعبة
رايح جاي علينا
المهم انكسر خاطري وجالسة ابكي الى الحين حتى العيد ماعيدت على امي وابوي ولاسلمت على احد
مشكلتي اني مرة حقووووووووووووود
زعلانة لية كدا
اتجهز وافرح وتقولون لا
والله خاطري مرة مكسور اكتب لكم وابكي
وجاتنا عماتنا ولاسلمت على احد يقولون ايش فيها يقولون مدري فيها عين
ايش اسوي
احسني مولعة نار
مقهورة
محتارة
زعلانة عشان زعلت امي وابوي وبنفس الوقت موقادرة اتنازل واخرج من غرفتي
ابي حل
من يساعدني محتاجة رايكم
ر
10-01-2006 | 06:11 PM
F
10-01-2006 | 06:33 PM
اللي بيملكك.. يصيرلج ولا غريب؟؟؟
من متى الموضوع يدور..؟
بعدين الدنيا عيد.. و ونسي روحج....
ردي على الأسئلة عشان يكمل عندي الموضوع
من متى الموضوع يدور..؟
بعدين الدنيا عيد.. و ونسي روحج....
ردي على الأسئلة عشان يكمل عندي الموضوع
ن
10-01-2006 | 08:58 PM
اختي لا تفكرين ولاتبكين
انسي الموضوع وعيشي العيد بفرحته وانسي الحزن
وكل تاخيره فيها خيره
ان شاء الله التاخير يكون فيه خير لك
وهل هم قالوا تاجيل ام انهم الغوا الملكه نهائيااا؟؟
وبالتوفيق اختي
انسي الموضوع وعيشي العيد بفرحته وانسي الحزن
وكل تاخيره فيها خيره
ان شاء الله التاخير يكون فيه خير لك
وهل هم قالوا تاجيل ام انهم الغوا الملكه نهائيااا؟؟
وبالتوفيق اختي
ر
10-01-2006 | 10:05 PM
اللي بيملكلي ابوي هو ولي امري
الموضوع من ليلتين
مو قادرة استانس
قلبي مولع نار
من القهر
الموضوع من ليلتين
مو قادرة استانس
قلبي مولع نار
من القهر
غ
11-01-2006 | 02:59 AM
حبيبتي لا تزعلي ولا عبالك
يلي الله كاتبه بيصير ولو بعد 1000 سنة
يلي الله كاتبه بيصير ولو بعد 1000 سنة
k
11-01-2006 | 03:29 AM
تبين الصراحه زين سوو اهلك
شوفتك من النوع المطيور تركدي يابنتي تركدي وانتبهي ان مو من اولها هدايا وخرابيط
ترى حلاة الشي بوقته يابنتي
وعسى ان تحبو شيئا وهو شر لكم فديري بالك
شوفتك من النوع المطيور تركدي يابنتي تركدي وانتبهي ان مو من اولها هدايا وخرابيط
ترى حلاة الشي بوقته يابنتي
وعسى ان تحبو شيئا وهو شر لكم فديري بالك
أ
11-01-2006 | 10:36 AM
السلام عليكم ورحمة الله وبركاته..
كـــــــــــــــــل عامــــــ وأنتي بخير الغاليه..
الغاليه لا تزعلين من كلامي بس حبيبتي رضا الوالدين ولا تاخير الملكه؟!؟!
تبغين ربج يزعل عليج وابد ما تتزوجين!؟
حبيبتي هذا عيد وكم من سنه انتي اتعيدين؟! والعيد لمه وصفاء القلب وصلة الرحمة مش نكد وضيق وزعل؟!
اذا انتي من الحين جيه باجر لما تتزوجين عادي ما تزورين اهلج ان صار شي لا سمح الله!؟
اتقي الله وقومي اتلبسي واستسمحي من اهلج.. والديك جنتك ونارك.. ورضاهم رضا الله..
انتي ما تعرفين يمكن لما تروحين لهم واتباركين لهم العيد كل شي يمر بسهوله واتصيير اشياء ما تتوقعينها..
وتذكري قول الله تعالى -( وعسى ان تكرهو شيئا وهو خيرا لكم)- ووالله العظيم ان اهلج رضو عنج بتتيسر امورج كلها..
الحين جدامي روحي استسمحي منهم ولا تتعجلين بالامور وكل شي بوقته حلو.. واركدي يا الغاليه شوي شوي..
ر
11-01-2006 | 05:04 PM
جزاكم الله خير
بحاول اسوي اللي تقول عليها
حنا ممن عوايدنا ان العروس تهدي لخطيبها
اللي ماتهدي ناقصة عندنا كدا؟؟
بحاول اسوي اللي تقول عليها
حنا ممن عوايدنا ان العروس تهدي لخطيبها
اللي ماتهدي ناقصة عندنا كدا؟؟
f
13-01-2006 | 07:50 PM
ليش حبيبتي
مستعجلة كذا
حلاة البنت رزينة
أنا أدري أنه هذا الحدث ممكن يكون احلى حدث في حياة كل بنت
بس البنوتة الذكية و الفاهمة
ما تبين أنها مهتمة بالموضوع
و طنشه لغاية ما تشوف أنه صار حقيقة ملموسة قدامها
يعني الملكة اليوم و الشيخ قدامها ساعتها تحاول تظهر مشاعرها الحقيقية و بهدوء
و أما الهدية أنا لو كنت مكانك ما عطيته
المفروض الرجال هو اللي يقدم للبنت الهدية من البداية مش البنت هي اللي تقدم له
حنا عوايدنا في المنطقة الشرقية كذا
أنا عندي نسايب في المدينة المنورة بس ما قالوا لي و لا مرة أنه هذا الشئ موجود عندهم
و الله شئ عجيب
لا تنقهري و لا شئ
طنش تعش تنتعش
و إن شاء الله تتزوجينه ياعمري
وتحياتي الطيبة و العطرة لك
مستعجلة كذا
حلاة البنت رزينة
أنا أدري أنه هذا الحدث ممكن يكون احلى حدث في حياة كل بنت
بس البنوتة الذكية و الفاهمة
ما تبين أنها مهتمة بالموضوع
و طنشه لغاية ما تشوف أنه صار حقيقة ملموسة قدامها
يعني الملكة اليوم و الشيخ قدامها ساعتها تحاول تظهر مشاعرها الحقيقية و بهدوء
و أما الهدية أنا لو كنت مكانك ما عطيته
المفروض الرجال هو اللي يقدم للبنت الهدية من البداية مش البنت هي اللي تقدم له
حنا عوايدنا في المنطقة الشرقية كذا
أنا عندي نسايب في المدينة المنورة بس ما قالوا لي و لا مرة أنه هذا الشئ موجود عندهم
و الله شئ عجيب
لا تنقهري و لا شئ
طنش تعش تنتعش
و إن شاء الله تتزوجينه ياعمري
وتحياتي الطيبة و العطرة لك
م
13-01-2006 | 08:58 PM
أختي وضحي أكثر ؟؟؟؟؟؟
يعني خلاص كنسلو الزواج ( بعيد الشر ) أو مجرد تأجيل
فهمينا أكثر عشان نساعدك ياالغالــــــــــــــــية
يعني خلاص كنسلو الزواج ( بعيد الشر ) أو مجرد تأجيل
فهمينا أكثر عشان نساعدك ياالغالــــــــــــــــية
3
14-01-2006 | 12:05 AM
ياحلوه انتي
ولا تزعلين ولا تحقدين ماتسوى عليج حبيبتي
المهم انا كنت حابه اعرف شو كانت الهديه ؟
انتي تاخرتي بالرد ع ابنات اتمنى خير ويااااااااااااااااااارب تردين علينا بخبر ملكه ولا خبر موعد للملكه
ولا تزعلين ولا تحقدين ماتسوى عليج حبيبتي
المهم انا كنت حابه اعرف شو كانت الهديه ؟
انتي تاخرتي بالرد ع ابنات اتمنى خير ويااااااااااااااااااارب تردين علينا بخبر ملكه ولا خبر موعد للملكه
س
14-01-2006 | 03:55 AM
حاسة فيكي اختي.. بتعرفي ما رح قول لا تزعلي.. انشالله محتاجة وقت وشوي شوي بتنسي الموقف... بصراحة انا من انصار مقولة كل تاخيرة ووفيها خيرة.. وانشالله بتلاقي خير هل تاخير وبتفرحي اكتر من ما كنتي رح تفرحي لو عقدتي يوم العيد... والف مبروك مقدما..
م
14-01-2006 | 11:12 AM
السلام عليكم و رحمة الله و بركاته
ما شاء الله الأخوات ما قصروا...
إن شاء الله تبشرينا قريب :)