طريقة عمل الwaxing خطوه خطوه وبتخليج تقولين مع السلامه يا الصالونات ولا ترجعينلهم!؟

** اول شي اتجهزين المعدات وهم:

1- جهاز الwax machine لابقاء حرارة الحلاوه.. تاتي بعدة مسميات wax warmer او wax machine وتاتي باشكال مختلفه..


2- حلاوه جاهزه من السوبرمركت جربو حلاوة (ميم) السوريه الي تيجي على شكل رول..


3- قطعة قماش لازالة الشعر..


4- Spatulas خشب او حديد لتوزيع الحلاوه وتاتي باشكال مختلفه..


ملاحظه:
تقدرين تستخدمين حلاوه من صنع يديك وتحطينه في الجهاز..
زورو الروابط لمعلومات كيفية عمل الحلاوه بالمنزل..
طرق عمل الحلاوه بالمنزل هنا الرابطه

---------------------)) يتبع الطريقه خطوه بخطوه

1- تسخنين الحلاوه وبعده جربي على الاصبع هل هي ساخنه كفايه ويتحمله الجلد..

2- توزعين البودره على المنطقه المراد النزع الشعر بها.. البودره لا تكون معطره..


3- تاتين بالخشبه او الحديد Spatulas وتوزعين الحلاوه باتجاه نمو الشعر..

4- تاتين بالقماش وتحطينه على الجزء اذي توزع بالحلاوه وتشدينه عكس اتجاه نمو الشعر.. مره مرتين..

انتهى الموضوع :) ما يباله شي بس الاغراض وخلاص.. والوقت كله على ازالة الشعر مره مرتين بتتعودون وبتصيرون حريفات مثلي :)



وبعد ما تشلين كل الشعر بالحلاوه في طريقه اتهبل لشد البشره وتنظيف المسامات وغلقها..

1- تغسلين المنطقه بماء بااااااااااااااااارد او تدعكينه بالثلج..

2- تاتين بقطن وماء ورد وتنظفين به المنطقه..

هاتان الطريقتان رائعتااااااااااااااان..

يالله توكلو على الله وروحو واشترو الجهاز من محلات الي تنباع بها اغراض الصالون وغيرها..
جربو وردو علي بر وش صار معاكم..

تسلم الأنامل

مشكوره عيوني

يسلموووو

مشكورة فديتج والله اليوم اطري حق اخت ريلي اقولها خلاص انا ببدا اسوي واكس حقي بروحي في البيت

تسلمين يا احلى ام سعيده

تسلمين الغاليه أم سعيده

عندي العده كلها بس ما جربت و إستفدت وايد من الموضوع

صدقتي جريب العيد لا نظافه في الصالونات و كمن مره حرقو لي إيدي و لين الحين البقع ما خازت

يسلمو عزيزتي شي جمييييييييييييييييييييل ومفيييييييييييييييييييييييد

الحمد لله افتكينا اليوم .. بس هاذي الحلاوة الهندية و انا تعودت على الحلاوة المصرية و أصعب شوي ..

جزاج الله خير أختي أم سعيدة على إفادتج للبنات .. و إن شاء الله نكون حريفات مثلج : )

والله ما قصرتي يا ام سعيده

وفعلاً التنظيف في البيت وايد احسن وانظف ،، غير قذارة الصالونات ،، يسون لج اي كلام ..

اليوم استخدمت القطع لرجلي ويدي وبنفس طريقتج

لأن الحلاوه العاديه ما تمسك الشعر الصغير ..

و طريقتج وايد سهله و سريعه ،، و تنفع مع الشعر الصغير ..

عيدج مبارك ،، و بوسي لي سعيده الحلوه

مشكورة ياام سعيدة,,,,,,,,,,,,,,,,,, والله يعطيك العافية

يسلمووووووووو حبيبتي ام سعيده الصراحه شجعتيني ان اسوي لي بروحي
ان شالله باشتري الاغراض وباسوي لي
يسلموووووووو يالغلا

اي والله صح كلامج يا ام سعيده
السالفه مايبيلها شي ولو نستخدم الجهاز مع الحلاوه السايله بتكون العمليه اسهل واسرع من الحلاوه العاديه
بس يبيلي اشوف وين ينباع الجهاز وولا اعود ارد لهم

بس عندي سؤال غريب شوي

هالجهاز شلون ننظفه عقب؟
اقصد ماتتجمع فيه بقايا الحلاوه؟

السلام عليكم ورحمة الله وبركاته..



الغاليات تسلمون على الرد والمرور الطيب..

ام خالد المشكله سعيده سويت لها بارسل لبيت اهل زوجي علشان يكشخونها حق العيد من الحين ههههههههههههههههه.. تعرفين قص اظافر والحنة وتعديل الشعر هالحركات لاني ما اقدر اسيطر عليها خلاص she is out of controll علشان جذيه وديتها بيت اهل زوجي عند عماتها تسمع كلامهم.. بوسيلي خلود فديته..

الغاليه دلوعه الي بقى تقدرين تغطين الجهاز وكلما بغيتيه شغلتيه حرالج الحلاوه واستخدمتيه ما يخترب ولا ينعق شفتي كيف.. توفير وتقدرين تستخدمينه كذا مره..


وشكرا..






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

تسلمين عزيزي أم سعيده

وانا معظم الأحيان تقريبا اسوي في البيت

اشتري الحلاوة من الصالون .. بس اتلعوز لأن ما عندي جهاز التسخين

فأسخنه في الميكروويف.. طريقة مؤقتة بس مب عمليه ابدا

وهالمره قلت مافيني عالعفسه وسرت الصالون .. والله انهم ضاربين اسعارهم ضربه واشكره تقول لي رافعين الأسعار عشان العيد

اللي يسمعهم مول ما يدخلون شي الأيام العاديه

وكرهت حيااااتي وايدي من امس لابقه حمره وحبوب صغيره الله لا يراويج

وانا اول ما خلصت مسحتها بمناديل ديتول ورديت البيت وحطيت عليها ماي ونشا .. ومرتين حطيت بكريم فيوسيدين

ولين في الليل ما خفت .. وعقب استخدم كريم اصفر اظن اسمه ليكويد .. يقولون قوي وايد هالكريم بس شواسوي انقهرت من ايدي

وفكرت احط اسكينول.. ماشي شغله بجرب كل شي اليوم.. حتى فكرت احط عليها دوا احمر بس عاد خوفي ما يخوز لين باجر

قلت قصة حياتي من القهر >>> بسج هذره..

وتسلمين

وعيدج مبااارك مقدما

السلام عليكم ورحمة الله وبركاته



سبحانك اللهم لا اله الا انت استقفرك واتوب اليك



عزيزتي business giirl اايد كلامج 100% البارحه وحده مالت الصالون تحني وحده من الزباين وقالت لها اليد الوحده ب120 يعني الايدين حنى= 240 درهم؟! فقالت لها الزبونه باجر جم بيستوي قالت لها اليد الوحده 200؟! يعني الايدين 400 درهم!؟ ونص يد بعد!؟ سالتها الزيونه ليش قالت لها بسبب العيد؟! يعني بسبب العيد تذبحون الزباين!؟ صح ان رزق لكم بس مش معناته طرو جيوب الناس!؟ ومعاملتهم صارت ارف..

الغاليه حطي روب+ ماء ورد وبيخفف عنج الاتهاب ان شاء الله.. ولا تستخدمين اسكينول بيحرقلج واااااااااايد..



تسلمين حبيبتي rose2006 على التوقيع الطيب كثيرا

مشكووووووووووووووووووورة الغالية على الموضوع

والله يجزيك كل خير يااااااااااااااااااااااااااارب

السلام عليكم ورحمة الله وبركاته
الله يعطيك الف عافيه ياام سعيده والف شكر لك على هالموضوع المميز

السلام عليكم ورحمة الله وبركاته



سبحانك اللهم لا اله الا انت استقفرك واتوب اليك



تسلمون حبايب قلبي على المرور الطيب والاطراء الجميل وكل عام وانتو بخير..



تسلمين حبيبتي rose2006 على التوقيع الطيب كثيرا