بنات الامارات وين ألقى بوتات او جواتي مسطحة وشنط قماشية كول

d

dady

عروس مبدعة

08-01-2006 | 03:39 PM

الاخوات الامارتيات طالبة منكم طلب واتمنى ما تردوني وادري آنى انكم تحبون المساعدة---

وجزاكم الله الف خير---

الطلب هو اريد اسماء محلات واماكن هالمحلات اللي تنباع فيها شغلات مثل جواتي مسطحة مرة وحركات يعني بوتات اللي تصلح تحت البنطلون وتكون عملية ومريحة والشئ الثاني اهو الشنط تعرفون الحين الشنط موضتها بالجامعات والمدارس فيها شغلات غريبة زي حروف انجليزية ولا خرابيش وتكون من قماش جنز ملون او انواع مختلفة وبعضها استايل غجري فيها ستراس وغيره
---
انا مزنوقة على قولة اخواتنا المصريات وبريد اعرف اسماء هالمحلات لا هنتوا انتم عايشين بالبلد وعارفين والبحر وما فيه ---

انطر الرد على نار ---

f

fashion girl

عروس برونزية

08-01-2006 | 04:00 PM

النعل من VINICCI من الميغامول و برجمان و في محل ثاني اسمه FAITH في صحارى سنتر

الشنط في كل المحلااااات و اذا اتحبين الماركات الغريبه عليج ب SAKS FIFTH AVENUE في برجماااان

d

dady

عروس مبدعة

08-01-2006 | 04:36 PM

فديت عمرج يالغالية ما رح انسى لك هالمساعدة

بس طليب صغيرون ادري زودتها بس ابي اعرف الاسعار

والله ينولج كل اللي ببالج

d

dady

عروس مبدعة

08-01-2006 | 09:27 PM

بناااااااااااااااااااااااااااااات وينننننننننننكم ضروري والله اليووم اريد اسماء محلات و اماكن اخرى واسعار متفاوتة

و

ورد جـــوري

عروس فضية

08-01-2006 | 09:42 PM

الصراااحه في اي موول في دبي أو الشارجة ممكن تحصلين الي تبينه

يعني في ابن بطوطة،، ميركاتو،، سيتي سنتر،، الامارات مول ،، وافي،، لامسي بلاازا،، برجمان

ماشاء الله المحلات كلهم رووعه

سوالف النعول والبوتات في ألدو والاسعار من 180 الى 300 درهم تقريبا ( ممكن تحصلين المحل في اي مول)

شو ستي ( اعتقد جي اسمه ) في سيتي سنتر الطابق الاول،، الاسعااار تختلف ،، يعني من 120 الى 300 درهم تقريبا

في وايد محلات في لامسي بلازا و الاسعار ممكن تكون على 70 درهم وفوق

الشنط ،،، اممممم يمكن تحصلين في زارا ( سيتي سنتر) و محلات وايد في ابن بطوطة

شوووفي الصراحه ( بما اني وايد افقد الذاكرة حزت الي احتاجها فيها هههههههه) انصحج انج تروحين ابن بطوطة مول وتشوفين المحلات

و مري على الامارات مول و برجمان و ان اشء الله تحصلين الي تبينه

اسفه ،، و اذا اتذكرت شي بخبرج

d

dady

عروس مبدعة

09-01-2006 | 01:17 AM

وردي جوري !!

ما اقدر اعبر لج عن تقديري وشكري لك

وهذي ابيات من الشعر توي والله اخترعتها لج

ورد جوري يا غزال بين الشجر.. سحر عيونج سحر كل البشر
يا نبع صافي يا قطرة مطر .. طيبتك ما تسوى ماي هالبحر

وسلامتكم

و

ورد جـــوري

عروس فضية

09-01-2006 | 02:30 PM

مرحبا الغالية

لا شكر على واجب ،، اسمحيلي كنت شوي مصطلة البارحة وكان فيني رقاااد

اليووم دورت لج سوالف يدية وان شاء الله اكون افدتج

ومشكوورة وايد على ابيات الشعر (( جااااااااااان استحي )) :shy:

__________________________________________

شومارت تدشن محلات "شيليز" للأحذية اللندنية الراقية في دبي

أعلنت سلسلة متاجر شومارت التابعة لمجموعة لاندمارك عن إنضمام ماركة "شيليز " اللندنية الراقية، إلى قائمتها المتنوعة من أشهر وأفضل الماركات العالمية في عالم الأحذية.

وتتوفر "شيليز" بشكل حصري في كل من مول الإمارات ومركز سنتربوينت الذي يقع على طريق مركز دبي التجاري ضمن متاجر مستقلة بها.

هذا اعلان قلت يمكن يفيدج

والغالية حصلت لج موقع شامل عن دبــــــى..من محلات وارقامهم وعن كلللل شــــــــــى بطرشه على الخاص

السمووووووحة