عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'
...........................
طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره
..............................
الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...وافي الجروح
...............................
خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني
................................
مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....
................................
كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني
..............................
عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي
.................................
لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكــــــاني ..؟!
..............................
اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عند سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى
..................................
حبيتك وهجرتني
أغليتك وبعتني
من فينا الظالم ومن
ياتري فينا المظلوم
-----------------
آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجيتك ولا فايدة فيك
الحين جيت تقول انسى عشاني
جابك زمانك خلك اليوم
(ما أبيــــــــك)..
----------------------------------
لا صار هذي سواتك راح تخسرني
ما عمر أحد راح من كيفه وناديته
عند الكرامة أبيعك وأنت خابرني
الله وكيلك ترى كل شيء مريته
كأنه هجر بسلامه روح وأهجرني
أخوي وهو أخوي لا صد عني ما ترجيته
-----------------------------------------
تحسبني ميت عليك؟
صدقني تراك غلطان..
احبك انا قلتها صحيح!
بس ترا وش كثرها بهاالزمان..
هي كلمه زيها زي غيرها عند الناس صارت دايم تنقال..
اي نعم مني سمعتها!
بس تراني مااعتبرها الا زلة
لســـــان!!!
---------------------------------
ترافقت انا وحبيبي وذيب
تحالفنا ثلاثتنا للخوف لا داعي
حبيبي من يجينا الليل انومه على ذراعي
خوف(ن) من الذيب لايغدر ويجرحني
وخوفي هيج اوجاعي قمت من نومي متخوف
لقيت الذيب يحرسني وحبيبي بايق امتاعي
----------------------------
ياللي جاي تهدد تحسب انك
قدي
ولا عرفت من ابوي
وجدي
بعدك يابابا ماشفت ولاعرفت
التحدي
عهد علي لأخليك تكلم نفسك وانت
ماتدري
--------------------------
أي محبه وأي عشره وأي حنان؟؟
وأي شوق اللي انت تتكلم عليه؟؟
يعني واثق ان باقي لك مكان؟؟
وإن قلبي يرد لو ترتجيه؟؟
قلبي اللي غلطته حبك وصان
لو يصافح قلبك كنت اقطع له ايديه
اي محبه بعد مافات الأوان؟؟
اي حنان اللي تبي تعوضني فيه؟؟
وين كنت يوم انا احتجتلك زمان؟؟
وين حبك يوم انا ميت عليك؟؟
روح للي لأجله بعت الحب زمان
بس لاتنسى تسلملي عليه!!!
------------------------------
أنا مجنوونك
وأدري مجانين الغرام كثار
ولكـن !!
من ردى حظي محدٍ في هذا يشبهني
غريبـة !!
كثر كرهك لي أحبك
وأخلق الأعذار
وأقول إنك على حق وصواب
يوم تكرهني !!
------------------------------------
عيشة عدوك عيشتي عقب فرقاك
عايش ولكن عيشتي ماتسرك
ظلمتنا وتقول حنا ظلمناك !
وأنت الذي كفيت خيرك وشرك
حبل الموده لاقطعته وصلناك
متربع بالقلب لله درك
آمر وحنا من يمينك ليسراك
وتشوف عينك ياشيخ مايسرك.
------------------------------------
انا مابيك تهواني ولاعن حالتي تسأل
ابي تبعد وتنساني ابي عن دنيتي ترحل
تراك اتعبت لي قلبي تطاردني هنا وهناك
اذا كانك تبي قربي انا آسف ابي فرقاك
---------------------------------------
محال ان طحت من عيني ترد انت وانا اصحاب
انا يا صاحبي لي عين عن الزلات ارفعها
حقيقه ما يشرفني اصادق واحد كذاب
انا ايدي واهي ايدي اذا تخذلني اقطعها
--------------------------------------
انا انسان مع نفسي قبل ماكون معك انسان
لي مبدأ ولي نظره تحكمني قناعاتي
احب الصدق واعمل به كسبت او كنت انا الخسران
ولو صدقي يخسرني تشرفني خساراتي
-------------------------------------
ماجيت يمك اطلب اليوم تبرير
ولا جيت أبشكي لك زمان الهواني
شفت الأذى منك ومن دون تقصير
زدت الجروح اللي سببها حناني
النفس طابت ما تبي منك تفسير
لا تحسب اني ارتجي من نساني
-------------------------------------
لو عيوني تذرف الدمـع الحزيـن
لاتظن اليـوم لـك قلبـي يعـود
مات حبك وانتهـى كـل الحنيـن
بعد غـدرك لاتظـن منـي ردود
صابني هوجاس في قلبـي لعيـن
ماهقيت ان الغـدر منـك يسـود
يتركك تلهـى وتلعـب بالسنيـن
لين ترجع تكتشف مالـي وجـود
الحقيقـة تكشـف السـر الدفيـن
الخيانـة مالهـا عنـدك حــدود
الخيانـة اصبحـت علـم اليقيـن
وسرك الغامض توضح في الوجود
..........................................
أحلى وطن
