حامل شبكة العروس

ما توقعت هذا الخذلان بصررراحة

:down::cry::think:

والله بصراحه انا معرفشي بس دخلت اقولك ألف ألف مبروك وعقبال ماتشوفي اولاده وتفرحي بيهم

يبارك في عمرج الغالية يكفيني مرورج الشفاف ..

ممكن تسوين له ستاند ورد وتكون الشبكة محطوطه في منتصفه او على جنب..على حسب تصميم ستاند الورد ..اللي يسمونه في محلات الورد flower arrangment بتلاقين عندهم اشكال كثيرة في الصور يعني اختاري منها وخل يحطون لج الشبكة فيه.

فكره ثانيه...اتكون في وصط صينية شوكولاته كبيرة بحيث انج تمررينها على الحضور والضيفه تاخذ حبة شوكولاته وتطالع الشبكة لين ماتخلصين وعقب يلبسها الشبكه.

فكره ثالثه...تنحط في وسط صندوق مبيت..مليان ورد مجفف وتكون في النص..وتنعرض جنب المعاريس بشكل مائل بحيث يبين اللي داخل الصنوق.

اتمنى افدتج...:) والله يوفقه انشاء الله ويجعله زواج مبارك

تقدرين تجيبين امممم القاري اللي له عجلات يحطون عليه الاكل عرفتيه ؟ ناسيه اسمه لوووووووول
مشكله توهقت
المهم اذا عرفتيه تلبسينه بمخمل وتزينينه بالورد وتنزلين منه سلاسل لولو وكريستال وتحطين الشبكه والدبل بالوسط
وتخلين بنوته حلوه تدزه علشان المعازيم يشوفونها واخر شي توصل صوب المعرس ويلبس عروسته
والله يوفقه ان شاء الله وتفرحين فيه

الحلم الهادي ،، عمري قطر ،، بعد عمري والله ما قصرتن والسموحة على تأخير الشكر عسب توني رادة من السوق لتجهيزات العيد والملجة مرة وحدة ،، والغاليات فعلاً أفكاركن إبداع ،،، علشان جذي أنا حطيت كل ثقتي بهالمنتدى الرائع


ألف شكر عيوني

ياعمري والله ودي اساعدج بس ماعندي غير اني ازف لج التباريك من ديرتي الكويت ..
والف مبرووووووووووك

العفو يالغاليه...وانشاء اللله تكون ملجه كلها خير وبركه عل المعرس والعروس :)

الغالية بنت الديرة الغالية ( مديونيرة ) والحلم الهادي الرائعة ،، شكري وامتناني للوقفة الرائعة معي ،، وأنا على يقين بأن قلوبنا و آمالنا مترابطة واحدة أينما كنا .

خالص تحياتي ،،،

غلاي زايد حبيت ابارك لج بملكة ولدج .. عسى الله يوفقه ويهنيه اللهم آمين ..

للاسف ماعندي فكره حاليا .. بس حبيت ابارك =)

RoO7 QtR يباركلي في عمرج الغالية ،، وعسى ربي يجعل أيامج كلها مسرات وأفراح وجعل ربي هذي السنة عليج خير وبركة


مشكورة حبيبتي كلج ذوق

تقدرين تجهزين طاوله على جنب وتزينينها بمفرش مخمل راقي وتنحط عليه الكيكه وستاند الشبكه وشموووووع او بالونات مربوطه على جنب اللي منفوخه بغاز الهيليوم وعليها اسم المعرس والعروس او مجموعه كبيره من بالونات الهيليلوم وتخلونهم يقصون الشرايط وتطير البالونات امممممم وتقدرين تحطين عالطاوله كاس كبير فيه ماي ملون وسمك زينه ترى هالحركات
تطله شييييييي فالتصوير واي سؤال او تفاصيل اكثر حابه تعرفينها انا حاضره
والف مبروك مره ثانيه

عمري قطر ماقصرت والله ،، عجبتني فكرتج الأولى الغالية وأنا في صدد تنفيذها الآن ،، لاحرمني الله منج

وأتمنى في يوم أشاركج أنا بعد أفراحج ..

بارك الله فيج