لو سمحتو بنات قطر شوي عندي سؤال؟

بالنسبة للمصميين هذولا ..ماعرفهم...بس انصحج بانوني في السد...خياطه وموديلاته فظيعه وشغله مرتب وايد...وعندج بعد كارولاين..خياطها راقي ومرتب .

بالنسبة لشريفه..انا مجربه مكياجها اكثر من مره واهي وايد زينه بس الاهم لاتخلينها تحطلج بدون ماتوضحين لها انتي شتبين بالضبط...والاحسن تودين معاج صوره مثلا لمكياج يكون عاجبج عشان تفهم اللي تبينه عدل.

مره سوت لي بروحها بدون ماتدخل..وكان وايد ثقيل ماعجبني كلش

وبالمرات التاليه كنت اوريها صور..وتسوي لي مثلهم...واهي شاطره وايد بتوزيع الاساس ورسم الحواجب يعني يتغير في شكلج وايد الا اذا انتي طلبتي غير جذيه...اهم شىء تفهمينها انتي شتبين بالضبط.

اهي في صالون مدى اللي في الدفنه طلبيه من الاستعلامات.


بالنسبة لعبير مكياجها روعه بس ثقيل الا اذا انتي قلتي لها ناعم ..انتي وذوقج يعني بس اهي مكياجها وايد مرتب وحلو انا شخصيا شفته على عرايس ويختلف من وحده للثانيه على حسب الطلب :)

بطرش لج رقمها مع رقم مرسيديس مالت الشعر ..وايد تسريحاتها تهبل وسشوارها بعد ممتاز.

الله يوفقج انشاء الله :) وعقبال العرس

ألف مبروك اختي ..

شيك ليدي خياطهم اوكي ومرتب بس انا احس موديلات مودا ليدي احلى .. وهم الاثنين بنفس مستوى الاسعار

اما ستنزا في ناس يقربون لي يخيطون عنده بس انا ماجربته بصراحه ..

احس ميك اب عبير احلى من شريفه شريم ..

والسموحه ع القصور .. = )

انا احب شغل مودابيلا .... والمكياج ...انا ماجربت شريفه بس عبير سوت لي الميك اب حق عررسي ... الصراحه هو طلع في الصور حلو
بس عالطبيعه ماعجبني لاني حسيته دفش .... حاليا انا افضل سعاااد ..
والشعر سنااااء تسريحاتها حلوه وراقيه وتسوي لج اي تسريحه في اي صوره تعجبج ....وماتترس شعرج سبراي وهالخرابيط
وحتى قصها على فكررره رووعه

مشكورين حبايبي

وما قصرتوا

your angel

ممكن ترسلين لي رقم سناء على الخاص


وشريفه مكياجها للخطوبه حلو ولا ؟

لاني انا مجربتها وطلعتني اووكي

وعبير ولا مره جربتها وخايفه لا تطلعني زفت

وبس

وما قصرتوا

بنات خرعتوني انا حاجزه عبير لعرسي
شفيهم يشتطون اول ما ينشهرون وبعدها ينزل مستواهم وايد
والله متردده وافكر اغيرها على كثر ما اقرا ان دينا وعبير مكياجهم مب حلو

يور انجل ما عليج امر دزيلي رقم سناء وهي وش جنسيتها ؟ وشلون اسعارها ؟ وتعرف تمكيج والا بس شعر ؟

alqaalb ااذا انتي متمكيجه عند شريفه شريم لاتروحين لها في الخطوبه اخذي وحده غير عشان تتغيرن
عندج سعاد البلوشي مكياجها حلو وناعم حق خطوبه
وآمنه شاهين حلو مايل على السموكي
وشريفه المهندي بعد حلووو


وبالنسبه حق الشعر عندج مرسيدس ونجوى ومنى هاي اللي وايد يمدحونهم لي

وانا بعــد انصحج بانوني في السد...خياطه وموديلاته فظيعه وشغله مرتب وايد...


والمكــيــاج عــنــدج .... ســـعاد القطــــــرية ... ماعليــها كــلام ..... مكياجها ناعم ومرتب ...

.... والشعر عندج منــال مرتب شغلها .. وايــد .. اذا تبين الارقام . . ابشـــري حبوبة ...

والله يوفقج .. (^_^)

هلا والله اختي

هالمصممين ما جربتهم بس وحده اعرفها كانت مسويه عند ستنزا وخربلها فستانين دمرهم كلش في العرس القطعه خياطها يتفتح واضطرت تخيطه لها خالتها بابره وخيط ... مادري يمكن هي حظها مب حلو معاهم بس لا تجازفين
انصج بلورين في محل اسمه كارولاين جنب الرفيرا فالسد شغلها وايد راقي وحلو انا دايما اخيط عندها

بنوتات
حبيت اسئلكم عن كارولين
شلون اسعارها؟
يعني غاليه بالنسبه للتصميم ولا تسوى وبحدود كم تبدى؟

وين مكانه استنزا ؟

دلوعه فديتج ماعرف ماجربت كارولين ولا مره ..

عمري قطر استنزا اظن ف السد في نفس صفة مودابيلا وموداليدي ..

في خياط وايد شغله حلو اسمه سبسيال دونا والمصمم اسمه كلود شغله مرتب وأسعاره من 3500 وطالع

اذا تبين مكياج ناعم وحلو عند وحدة اسمها نعمات هي تسوي الشعر بعد وحسب ما أذكر تسوي الشعر 500 والمكياج 500 بس سمعت انها زودت اسعارها بس مكياجها حلو وتسريحاتها بعد حلوة

هي مكيجتني في خطوبتي وسوت شعري شكلي اوكي 100 %

تحياتي.............................

عمري قطر..........عبير مكياجها روعه والله انا شفت عرايس وايد مسويه لهم..بس اهم شىء لاتخلينها تسوي لج ثقيل وايد :) انتي تحكمي بالموضوع بس صج فنانه احسها وااااااااااايد احسن من دينا

كارولاين اسعارها تبدا من 3500 وطاله بعد واذا الفستان فيه شغل بتطلب اكثر ...يعني الفستان بقصه بس بدون شك وحركات بيكون 3000 مثلا مب اقل

عنادي قطر..........ممكن رقم سعاد القطريه؟ على الخاص لو سمحتي؟ :)

مشكورين حبااايبي على المساعده

تعبتكم معاي

وعندي سؤال سعاد القطريه غير عن سعاد البلوشي؟

وما قصرتوا

طمنتيني الله يطمن قلبج الحلم الهادئ
ومكياج نعمات هالايام صاير مووووووووووووووووووشي موليه لووول
ما انصحكم فيها
بثينه مكياجها حلو

عمري قطر...لا انشاء الله بيطلع مكياجها عليج حلو:)...بس مثل ماقلت لج انتي فهميها اللي تبينه بالضبط...بقولج سالفه..مره رحت عرس وكانت العروس تارسه عيونها شدو اسود واصل لعين حواجبها..صراحه كان وااايد اوووفر ودفش ماعجبني كلش والحضور كلهم قالوا نفس الشىء..وكانت عبير مكيجتها بس طلع ان ام العروس اهي موصيتها تسوي لها جذي عاد انه عابجهم ويبون عيون العروس تطلع كبيره !

وفي عرس ثاني...العروس كانت اخت رفيجتي...وكان مكياجها روعه روعه روعه ناعم بس يبين ...يعني رسمت عيونها بطريقة حلوه والشدو كان وردي وازرق ناعم وحواجبها خطتهم لها بطريقة عجيبة ...البنت طلعت على يدها قمررررررررر وبالصور طلعت شىء عجيب بعد احلى واحلى :) وكانت عبير مكيجتها طبعا

المهيييييييم انج انتي توضحين لها شللي تبينه بالضبط والا اهي فنانه :)

الحلم الهادئ شلون كان مكياجها العروس هذي
البودره عالبيج والا الوردي ؟
الشدو والوانه ؟ ورسمة الكحل بداوي والا مفتوحه
لون الروج ؟
وين حطت لها لمعه عالوجه كامل والا عالجسم ؟
اممم واسمحيلي عالازعاج

هلا الغاليه...والله البنت اصلا بيضا ..فكانت بودرتها على وردي...الشدو ثل ما قلت قبل وردي وازرق والكحل بداوي وناعم مب عريض كلش ولا مفتوح..مغرقه عيونها بالكحل من داخل وحد العين من برا بطريقة ناعمه وسحبة ناعمه جدا...الروج من درجات الوردي بس مب باهت...لا لون حلو ويلمع شفاف على شفايفها وكانه مبلول وااااااااايد حلو

بس اللي شد انتبهاي اكثر...حواجبها...خطتهم لها بطريقة وااااااايد حلوه غيرت شكل البنت وطلعتها عجيبة

ماتذكر اللمعه وين كانت صراحه العرس كان السنه الماضيه ولا اتذكر كل التفاصيل...السموحه:)