ساعدوني اثابكم الله هل احساسي في خطيبي صادق

مرحبا صبايا شحالكم

انا بدخل في الموضوع عطول

انا مملوكه من سنه تقريبا وانا وخطيبي متفاهمين لدرجات كبيره والحمد لله نحب بعض وماشيين زين بس شو المشكله
المشكله اني احس ان خطيبي بخيل بس ما قادره احدد تمام

يعني ما يشتريلي هدايا بكثره واذا اشترى يشتريلي اشياء بسيطه مع اني اهديه بمناسبه وبدون مناسبه وهو يفرح وايد بهداياي ويقول انه يحب سالفه الهدايا بس هو مو وايد يهديني
ثاني شي لما اطلب منه شي يقول اوكي او بعدين وانشالله حبيبتي بس ما اشوف شي لحد ما اشتري الحاجه بروحي واخبره اني اشتريت ولا كانه يقولي تمام ويكمل عادي وانا ما عمري حسسته اني زعلانه لانه ما يابلي حاجه طلبتها اقول يمكن ظروفه ما سمحت مع اني اعرف ان عنده الوقت الكافي وماشاء الله مقتدر وايد

تكفون قولولي شو اسوي
ابيه يكون كريم يجيب الحاجه بدون ما اقوله واساله

مع العلم اني دلوعه موت وهو يقولي دايما انتي دلوعه وانا اخاف ما اعطيج حقج بس انا اقوله اني راضيه معاه باي وضع كان
بس هاي مشكلته لاييبلي شي لا من نفسه ولا بطلب

ساعدووني تكفون
هل هو بخيل ولا شو
بعد لما ابي اشتري شي واخبره يكسلني يقول شو تبي فيه وليش واحسن ما تشتري بعدين بشتريلج بعد الزواج ومع العلم اني ابي اشتريه بفلوسي

انتظر ردودكم

جزاكم الله الف خير