ادري ما بتصدقوني..بس خلاص مب عيون القرعة..شوفوا شو سويت
عيون بوظبي
02-01-2006
183 رد
30,302 مشاهدة
السلام عليكم ..
بمناسبة اننا 90% نعاني من التساقط و الشعر الخفيف والجبهه الكبيرة :dd: احب اتحفكم بالي انا اتحفت فيه :dd: وانتوا بنات غاليات علي .. وغير جي في موضوعي الي هو استويت قرعة ريلي يضحك علي
البنات ما شالله ما قصروا .. وانا قرعتي راحت الحمدلله ... وبدون لا احس ولا اشعر .. ومن فرحتي ما عندي موضوع غير اراوي الناس شعري من جدام واخبرهم السالفة .. لا وقمت اعالجهم بيديني بعد :cool2:
ادري طولت ولا عت جبودكم .. قبل لا ارمس اختي مواااادعة الروح احب اقولج ,,(اشكرج من صميم قلبي وربي يجزيج الخير من وين ماتروحين يارب آمين وكل الدعاوي الحلوة لج .. ) انعقد لساني :sad:
حبيباتي .. هالأخت الفاضلة الطيبة.. قالت لي في موضوعي ..
مواااادعة الروح:
كانت اختي تعاني من هالمشكلة غلاتي ..
وأنا اللي عالجتها بعد ما سألت مطوع وعطاني الطريقة... صحيح هالطريقة شوي متعبه .... بس اللي يبه الحلو لازم يصبر على المر
أول شي قصيت لها قدلتها...(قصتها)... بحيث تكون لمستوى الأنف..
و غسلتها لها فروتها بالماي الدافي ... وبعد جي ... يبت موس.. وحاولت اسوي خدوش بسيطة في المنطقة اللي تريد الشعر ينبت منه
وصدقيني ما يألمج.... سويت الها حتى ان في بعض المناطق ظهر فيها دم...
وعقب جي على طووول فركت فروة رأسها بثوم.... تقريباً خمس دقايق.... وأخليها مدة قصيرة وبعدين أشطف شعرها بالماي
وفي كل اسبوع مرتين...
والله والله .... شعرها صاااااار رهيب .... كثيف بشكل ما تتخيلينه و فيه لمعة فظيعه...
وأي سؤال او استفسار .. انا حاظرة
وقمت انا في حالة يأسي الشديدة وبعد تفكير اكثر من اسبوعين في كلامها .. قلت خلني اجرب مب خسرانه شي .. وانا في قمة الخوف اني اعور نفسي .. (جبانة) تشجعت ويبت الموس .. بدون ما اقص قصتي نفس ما الاخت ذكرت .. وسرت عند مقدمة الجبهه .. وين مكان الحفرتين :dd: شخطت بالموس شخوط صغيره يعني يالله يالله احس حتى لا بين حمار ولا دم يعني ما حاولت اسوي بقو ولا اعور نفسي وهالمطلوب..
بعد ما شخطت في الجهتين وفراغات صغيرة داخل القصة .. يبت زيت الزيتون بدال الثوم لأنه الوقت متأخر وخفت اسير المطبخ .. وفركت شوية زيت في المكان الي سويت فيه بالموس . ودلكت هالمكان بحركات خفيفة .. و.............
و الله يسلمكم نسيييييييييييييييييت السالفة من بعدها هيه مرة ولا سويت عقبها .. طاف اصلاً نسيت اني قرعة :dd: تعودت على شكلي ..
ومن اسبوع.. اطالع عمري في المراية .. :eek2: ياربي يا سلام طلع لي شعر صغير تحت القصه .. (ماشالله) شعر يديد.. ومستانسة انا ..
وبعد نسيته .. لكن من يومين ياني الهام عجيب وذكرني بسالفة الموس .. ونقزت ..( الله هذا الموس الي سويته ذاك اليوم ) ومن ساعتها استلمت خوات ريلي وقمت اشخط فيهم :dd: ههههههههههه لأنه الصلع عندهم وراثة (مساكين عيالي )
تخيلوا انا سويت هالشي مرة وحدة بس وشفت النتيجة مبهرة ماشالله لا قوة اللا بالله (لا احسد عمري) قلت انا لو سويت في الأسبوع مرة شو كان صار عيل .. :shy:
والله يا بنات مب خسرانات شي .. وما يعور .. بس عقب ساعة او ثاني يوم شوي بيحرقج المكان وبتحصلين تشميخات صغيرة مكان الموس وتروح .. واصلاً هالطريقة علاج الثعلبة بعد ..
حبيت افيدكم ودعواتكم لي وللأخت الكريمة مواااادعة الروح ... وان شالله عيبتكم الطريقة بس يبالها صبر واستمرار .. سويها وانسي لا تفكرين فيها
والسموحة على الأطالة
ممكن بتفصل اكثر الطريقة
وياليت اتصوريلي الخطوات ممممممم ادري قويه بس انا مااعرف الا اشوف الصور
اختي رمز المحبة الله يهديج كيف اصور :dd: يعني اقوم اسوي في عمري اللحين واصور مايصير الغالية :dd:
لأنه حتى لو صورت المشكله مب في الخطوات المشكله كيف تتحكمين في الموس ..
الغالية عادي شوفي المكان الفاضي عندج مقدمة الشعر مثلاً فوق اول شي مب اليبهه عاد .. ومرري الموس شوي شوي يعني كأنج تسوين خطوط صغيره في كذا مكان من غير ما تعورين عمرج .. لا تدوسين على الموس حتى انج عادي لو ماحسيتي بأي شي مب تقومين تزيدين .. وتيبين شويه زيت زيتون او ثوم وتفركين فيه المكان نفسه ودلكيه .. وخلاص انتهت السالفة ..
والأخت موادعة الروح عندها تفاصيل اكثر ..
اختي مشكوره على هالنصيحه
ان شاء الله الحين بقوم وبجربها ما بخسر شي
بس تعتقدين ينفع اذا بين الشعر سويت نفس اللي سويتيه للجبهه؟؟
اعتقد ينفع بس احسن جربي قدام اول
غير جي لازم تنتبهين عشان الموس ما يقطع شعرج
ماشاء الله تبارك الله
بس فعلا لو فيه طريقه او صور يكون افضل
ماشاءالله عليج.. شجاعه
انا شعري واااايد خفيف ويتساااقط.. شفتي الراس من فوق .. عندي خط من بداية القصة ورايح لورا جهة اليمين
مادري فهمتي علي ولا لأ.؟؟!.. طبعا هالخط قرعة والشعر فيه وايد خفيف.. واي تسريحه اسويها يبين هالخط فراغ
شواسوي؟؟!؟؟
ابي اجرب طريقج بس خايفه.. كيف بحط الموس.؟؟؟!.. واكيد المنطقة فيها شعر بس خفيف واذا مررت الموس بينحش الشعر
والموس راسه عريض صح؟ يعني مررتيه بعرضه عالمنطقة ولا كيف؟!!؟؟
انا قالولي عن هالطريقة يوم بهدلتني الثعلبة بس ماسويتها.. ريحة الثوم ما تخوز من الراس.. بيفطس ريلي ..ههههههههههههه
بس دام زيت الزيتون ينفع حلو..
بس كيف عرفتي تسوين لنفسج؟ احس صعبه.. بخلي اختي ولا امي تسويلي ..
مشكورة الغلا عالموضوع :)
والله صعبه اصور .. شو بصور الموس :down: كلكم عارفينه المشكله ..
عزيزتي بزنس جيرل انتي سويه على الجلد على حفة الموس يعني اوكي بتنقص كمن شعره بس مب تحشينه كله ..
فهمت كيف شعرج ..
بس شوفوا انا بحاول اصور لكم .. خلكم في الانتظار واشكركم على المرور الحلو
الف الف الف مبروك عيووون والله فرحت لك :shy:
ماتحسين انه يعوور
بس ماشالله عليج
يبتيها والله يثبتج ويصير شعرج كانج حاطه باروكه من لالغلظ
ياااااااااااااااااااااااااااااااااااااااااااارب
فديييييييتكم مشكورين على الدعاوي
وان شالله اتريوني باجر ان شالله بصور لكم الخطوات لأنه من باجر خلاص ابتدي اجازة
لا تنسون باجر
مبروووووووووك حبيبتي
3yoOon_AD
وان شاء الله في ازدهار وازدياد ملحوظ
انا كانت عندي طريقة اسهل:)
اتبرع لج من شعور خواتي
بس شعري بخليه لي :) ،،،،"انانية"
والصراحة عجبتني شجاعتج :eek2:واذا كنت محلج مستحيل اسويها<<<طلعت انا الجبانة
ياحظج بدت اجازتج :(
وانا مسكينة بروحي الي اداوم :cry:
فديت روحج ونحن في الانتظار
والخطوط اسويها بالطول والعرض والا هالشكل # ؟؟ يعني مربع وخطوط
م
مريومة القطوة
عروس برونزية
02-01-2006 | 08:14 PM
تسلمين عالموضوع
و مبروووووووووووووووووووووووووووووووووووووك
حبيبتي عيون
انا من خلال قرايتي للموضوع لبنات ملتبس عليهم
نوع الموس
هل هو موس الحلاقة مثل جيليت ؟؟ اللي بالتلفزيون للرياييل
والا موس قاطع (cutter )
انا اعتقد الثاني صح ؟
ارجو التوضيح .ز
تحياتي لج
وتتهنين بشعرج يارب
والله يخلي لنا هالمنتدى المفيد
فديتكم خواتي
الموس مال الحلاقة الغادي اللي ايي في ورقة خضرا جيليت مب الكتر
عزيزتي رمز المحبة اي خطوط تبينها سوي عادي
باجر بوضحلكم اكثر ان شالله
[frame="2 80"]تسلمين على الموضوع وان شاء الله ما يحتاج اني اجربه .. الله يخلي لي شعري [/frame]