ممكن تستحملون هالسؤال المهم للمقبلين !!

شوفي اختي الشيخه اول شي تحسين بصير تغير في حياتج بيكون اهتمامج حق زوج المستقبل

وبالنسبه حق العباده ماراح يتغير شي ادعي ربج يوفقج مع ريلج ويهدي سركم

وبالنسبه حق النظافه واللاهتمام بنفسج

عودي نفسج انج بعد ماتستحمين تحطين لج كريمات مرطبه للجسم ذات ريحه حلوه وهاي تلقينها عند البودي شوب عشان لم يقرب منج ريلج يشم الريحه الحلوه

واهتمامج بملابسج وكشختج هاي يكون على حسب مزاجج انا وحده بالنسبه عن نفسي يوم تشوفيني كاشخه وفي كامل زينتي وساعات اكون سبورت كل هاي على حسب نفسية الشخص ومزاجه

وبالنسبه حق العلاقات الاجتماعيه حوالي قد ماتقدرين تكسيبن اهله وامه بالاخص عشان ماتصير مشاكل بينكم بس الله يعنيج اذا كان عند اخوان متزوجين حوالي تكسبين زوجاتهم في صفج بالكلام الحلو والطيب
والله يعينج اذا كان عندج خوات ريل منافقات لانهم بيكونون جدامج بويه وجدام ريلج بويه ثاني وهاي الفئه انصحج تجنبينها احسن لج

وبالنسبه حق التعليم نصيحه لاتفرطين فيه يعني كملي جامعتج ااذا كنت في الجامعه لان الشهاده تنفع الوحده منا عقب للزمن الغدار


أخيرا سوري على الاطاله
بس حبيت اشارك معاج
اتمنى اني وفيت جزء من االلي تبين تعرفينه

الله يوفقج ان شاء الله

هلا أختي ..

شوفي عموماً بعد ما تملجين تحسين إنج مرة وحدة صرتي مسؤولة و لازم تنتبهين لتصرفاتج و عاداتج يعني تحسين بتغيير و إن في

شخص مسؤول عنج فتحاسبين على كل حاجة ..

بالنسبة لعبادتج و الأدعية طبعاً بتحاولين دايماً تطلبين إن الله يطرح البركة في حياتكم و يجمعكم على خير و يكون لج سكن و تكونين

له سكن ... الخ من الأدعية الطيبة ..

بالنسبة للإهتمام الشخصي هذا راجع لج يمكن تكونين انتي من طبيعتج تكونين دايماً مهتمة بس هالمرة بيزيد إهتمامج لنفسج لأن

عندج زوج يبي يشوف كل شي طيب منج تحاولين تطلعين جدامه بأحلى منظر و أجمل ريحة طبعاً هذا كله يجي من إهتمامج من راسج

لرجولج .. صدقيني مو لازم تبالغين شفتي لما تكونين مرتبة ممشطة شعرج و لابسة ملابس مرتبة و حتى لو ما حطيتي ميك آب و

متعطرة هذا بروحه يجذب الرجال ..

إحنا ما نعرف طبيعة زوجج لكن لما تعرفينها أنتي بنفسج راح تعرفين شممكن تسوين و ممكن ما تسوين ..

نقطة مهمة : انتبهي لأطباعج .. في أطباع ما تكون محبوبة مثل العصبية الزايدة أو العناد .. حاولي تغيرينها للأفضل ..

العلاقات الإجتماعية .. مهم جداً تكون علاقتج بأهله طيبة و هالشي يعكسه مدى إحترامج و تقديرج للزوج نفسه ,, تقربي منهم

كوني أخت لخواته و صديقتهم و كوني بنت لأمه .. صدقيني لما يشوف هالتقدير منج راح يحطج فوق راسه ,,, شي ثاني لا سمح

الله صارت مشكلة بين أهل زوجك و زوجك أنتي ما لك علاقة بهالشي علاقتك تستمر معاهم مثل ما هي .. الا اذا طلب منك زوجك

هذا شي ثاني ,,, توددي لأهله و حبيهم مثل ما تحبين أهلك وودك إن زوجك يعامل أهلك ..

ذكري زوجك بوالدينه لا تغفلين عن هالشي حنني قلبه لا شفتيه قسى .. خلي زوجك على طول راضي عنك .. خلك قريبة منه ..

ارفعي من معنوياته على طول لا تحطمينه لا تقللين من قدره قدام الغير ..

تذكرت شي لما تكونين قاعدة في جمعة مع خواته و حريم اخوانه .. و قاموا تكلموا عن ازواجهم نصييييحة خلي زوجك قدامهم شخص

مثالي ركزي على مميزاته وانسي عيوبه لا تذمينه او تنتقدين تصرفاته تكلمي عنه على إعتبار إنه " الـ hero " و ما أقصد إنك

تقولين جاب لي ولا فعل لي و لا سوا لي .. أقصد امدحيه قدام امه و خواته ..

بالنسبة للتعليم كملي دراستج اذا بعدج في الجامعة او المدرسة و لا تخلين الزواج عقبة خليه دافع يخليج تجتازين الدراسة ..

الثقافة .. هاذي تكتسبينها من واقع حياتج الشخصية و بتعرفين شلون تديرين حياتج تذكري إنتي كنتي فرع من أسرة و الحين

صرتي أساس لأسرة ثانية .. تحسين ناقصتج الثقافة اقري في المصادر التربوية اللي تخص الأسرة لمجرد المعرفة مو للتطبيق ..

اييي تذكرت شغلة بعد .. تذكري إن زوجك يختلف عن زوج أختك اللي كنتوا تتكلمون عنه و تشوفين انه واااو .. و يختلف عن زوج

صديقتك اللي دايماً تتكلم عن زوجها بكل حب و تقدير و مصورته على إنه ملاك ..

أنتي زوجك شخص آآآخر يختلف عنهم .. متميز و منفرد في نظرك بمميزات أفضل من زوج فلانة و لا فلانة ..

هاذي نصايحي لكم .. أنا حالياً أطبقها و إن شاء الله تفيدكم ..


** دعواتكم لي في ظهر الغيب **

انا بعدني لا مالجه ولا متزوجه بس ادعولي اتزوج وانشااااااااااااء الله بغير وايد اشياء في حياتي عشان تتناسب مع الحياه الجديده

تسلموووووووون على هالنصااايح

اشكر كل الغاليات الي تفضلوا واتحفونا بأرائهم ووجهات نظرهم في جميع الامور

واتمنى من المشرفات التثيبت لانه موضوع شامل ومفيد

وكل الي نتمناه اننا نستفيد ونفيد

تحياتي للجميع

وفي انتظار اراء الغاليات من المنتدى الغالي