ُصوَر ومشاكل ايام الخطووووبة

هند: الو
على: هلا بنور عيني
هند: وينك ما جيت صارت الساعة ثلاث متى بنوصل السوق
علي: والله عيوني مرة تعبان كنت سهران معك لقبل الدوام وما خلص الدوام
إلا الساعة 2 الظهر وحاس نفسي تعبان موت.
هند: وشو يعني منت جاي توديني السوق
على: حبيبتي اعذريني خليها ليوم ثاني.
هند: والله يعني انت ما تهتم فيني ولا في مطالبي إذا هذي أولها ينعاف تاليها.

وزعلت البنت وقفلت التليفون وغصبا عنه بعد دقائق وبدون مايغسل ولا يسخن السيارة تشوفيه داق هرن
*
*
*
*

علي: خففي شوي حياتي ترى الراتب خلص
هند وكيف خلص مداه تونا باول الشهر
على: أي عيوني مو فاتورة جوالي وجوالك
وروحات السوق والعشاء في المطاعم استهلكت الراتب كله
هند: صراحة هذي مي حالة كل ما اقول لك شيء ماعندي ماعندي
ويروح الرجال يتسلف من افلان وعلان عشان بحر الحنان لا يزعل

*
*
*
*
علي : مو لازم هذا حبيبتي اللي شفناه هناك احلى منه
هند: لا والله يعني تبي صاحباتي يقولون اثاثها (دأى اديمه<<<<بالمصري) إذا ما يكون موديل السنة وسعره شيء ما آخذه ابدا
ردود افعال مختلفة ستجدها هنا.!!

*
*
*
سلمى: مي حالة هند كيف هذا زوجك كل اليوم والثاني قاط وجهه(من الغفافه) وجاي البيت
احنا مو عارفين ناخذ راحتنا ابدا في البيت

هند: ليش محتره علشان ما عندك خطيب
إذا ما استمتعت معاه الحين متى راح استمتع
سلمى:بس ما يصير ظهر وعصر وليل وفجر إذا ما كنتم طالعين هو وياك في البيت
هند: مو عاجبك اشربي من ماي البحر مقدر اقوله ما يجي هو يحبني وما يستغني عني.


*
*
*
هند تتصل بعلي وهي باكية:
على لازم نقرب زواجنا وما نخليه السنة الجاية
على: ما اقدر تدري المصاريف كثير وما وصلنا دورنا في الجمعية
هند: انت مو فاهم انا حامل لازم نتزوج قبل لا احد يدري عنا

وتبدا رحلة التفكير والعذاب والخوف ومحاولة الزواج وكانهم في دوامة يعرف لها قرار

*
*
ما رايك في هذه الصور والمشاهد وكيف من المفترض ان نحول سلبياتها الى ايجابات؟؟
ياترى ماهي ابرز السلبيات التي تراها او تسمع فيها فترة الخطوبة والتي يعاني منها الناس وتجعلك تخاف من الأقدام عليها؟؟




بانتظار ردودكم



تحياتي