توهقت ساعدوني بليز

[grade="00008B FF6347 008000 4B0082"]القطاوه يبيلهم اهتمام

اول شي بالنسبه للحمام في بالجمعيات اكياس فيها تراب مكتوب عليه للقطط توسخ عليه القطه وبدون ريحه وانتي اذا حطيتي القطو فيه لماتحسين انه يصدر صوت وانتي مو عارفه شنو يبي هو راح يعرف انه مكانه وراح يحفظه بروحه وانتي تنظفين هالتراب تشيلين الوصخ منه بس مو كل تراب لا بس تشيلين وصخ وتزيدين كميته بين فتره وثانيه

واما عن الاكل اذا ناويه تشتري فهو شوي مكلف لان عندك 2 انا افضل من اكل البيت دجاج تخلطينه مع عيش او لحم او حليب
تاكل كل شي دام انها يوعانه

والقطو مرات بليل تلقينه يروح وايي يبي يلعب هذا شي عادي وتلقينه يركب على كل شي وممكن ينام باي مكان بس حاولي ماتعودينه ينام بغرفتك او على سريرك

والشور سمعت انه مو زين للقط لانه ينظف عمره بس اظن لو تسالين بيطري افضل

وفي نقطه ثانيه وديه البيطري يفصحه عن الامراض ويعطيه ابره

واما عن الاطفال عادي يلعبون معاهم بس الاطفال مايعرفون لهم تلقين ياذونهم فيطر القطو انه يشمخه او يعضه فانتي انتبهي على هالشي

وان شالله اكون افدتج[/grade]

مشكوووووووووره اختي حشمه

ستانست وايد يوم رديتي علي بس مب غريبه على بنات الكوييت الله يحفظهن

الحمدلله افدتيني وماقصرتي

السلام عليكم ورحمة الله وبركاته

عزيزتي بنت النعيمي .. انا ربيت قطوه تقريباً اكثر من سنه .. و هم يحتاجون الى رعاية كبيره ..

أول شي تاخذينهم إلى بيطري يسوي لهم فحوصات و تطعيمات عن الامراض .. و خليه يعطيكم جواز سفر لهم عشان اذا بغيتي تبيعينهم يقبلونهم بالاسواق ..

اذا كنت ساكنه في شقه تحتاجين للرمل اللي ذكرته الاخت حشمه فهو يمتص الروائح .. و كيف تعلمينهم عليه حطيهم فوق الرمل بين فتره و فتره .. و هم بفطرتهم راح يحفرون و يعملوها (i)

تشترين لهم شامبو خاص للقطاو ... حاسبي يوم تسبحينهم لانهم ما يحبون الماي .

حاسبي على عيالج منهم لا يتلصقون فيهم وايد لانهم يسون امراض .. و انا شالوا عني قطوتي لما حملت لانهم قالوا عادي اجهض بسببها :sad:

لا تعودينهم يدخلون غرفكم لان شعرهم يتساقط واااايد .. و لانهم بعد يخربون الاثاث مثل الغنفات و الستاير بسبب اضافرهم ..

لا تشترين اكل من السوبرماركت لان فيها مثل مشهي يبون ياكلون وااااااايد اشتري التونه اللي مغلفه بلون اصفر ... او خليهم ياكلون من البيت .. عادي و هو افضل

هذا اللي عندي الحين و اي شي تبينه حاظره

:flower:

ماعندي اي خلفيه ع هل مووضووووع ..

لاني بكل صراحه اخاف منهم وااااااااااااايد :( .. ومن كثر ما اخاف اجز من القطاو لوووووول ..

هههههههههههههههه لاحول وش الله حادك عليهم صرتي مثل الامريكيات

ترا والله مقرفات ووصخات ويجيبون الصلع

وناظري تكفين القناة الرابعة من ام بي سي شوفيهم اذا جابوا بيوتهم وهي مليانه بالقطاوة انواع القرف والوصاخه

نصيحة لاتربين حيوانات بالبيت يكفي اوادم والله يعينا عليهم نقوم نجيب حيوانات ؟؟

ابفهم فيه احد يحب يعيش مع حيوانات ؟؟ حتى لو انها قطط اهم شئ انها منهم مب آدمي انتي مطالبة بتربيته وتعليمه وتنظيفه والاهتمام فيه !!

مشكوريين على الرد

عروس الليل: ماقصرتي الغاليه على النصايح الحلوه ومشكوره على مرورج

خواتي اسيرة قلبه والإمارات انا احب القطاو بس ماتوقعت ان ربيعتي بتهديني

ولا انا بصراحه مافكر اربي قطاو بس شو اسوي ماروم اخليهن وخاصة انهن

حلوات وايد وينحبن بسرعه وبتحملهن

هلاا اختي..

ماايحتااج حماام اختي.. يبالهم مكاان في رمله او تراااب وروحن يسيرن ..

ولكن الله عززج ريحه الترااب بيكوون رريحه ترااااا واااااايد.. وانا توني عااطيه قطووتيه لاربيعيت.. وماترووح الريحه بسرعه..


اما بخصوص الاكل ترووحين الجمعية بتحصلين اكل قطااوه خااص يبااع في علب.. دجاج وسمك ..

ولكن مخااسيرهن واااااااااااااااااايد..