للعــــــازبات فقط

نجمة الليل 31-12-2005 68 رد 4,746 مشاهدة
ن


السلام عليكم ورحمة الله وبركاته

المووووضوع يتحدث عن بعض الفتيات المهملات انفسهم وجمالهم وهن فئة قليلة جدا ولا يتحدث عن الاغلبية لان اغلبية فتياتنا باسم الله عليهم معروفات بالجمال والدلال وربي حارسهم من العين ويخليهم لنا


للاسف البنت قبل تنخطب انواع الاكل والتسدح والتبطح والدق في الكبسات ظهرا وليلا والشحوم تتراكم وتلعب بجسمها لعب
الخصر ثلاثة اشبار
والرقبه خضراء
ومفاصل الاصابع غامقه
والركب سودا
وخشونة الجلد هنا وهناك
وحبوب الشباب واثارها على وجهها وزنودها ولا شايفه لعمرها حل ولا هي متحركه من الاساس
والسنون لاعب فيها السوس
وبعضهم ايديها تقل ايدين ام اربعه واربعين...
مدري ليش مهملتها

وان تكلفت عجنت خميره بموية ورد وحطتها على خشتها ولا اخترعت لها خلطة اعشاب ..من زود ماهي تحب الطبيعه

والمشكلة يوم تنخطب تنتفض من الخوف انها ماتملى عين الرجال وتبدا عاد ذيك الساعه تقول بلا مواد طبيعيه بلا اعشاب بلا خرابيط

وتروح تركض لاحد هالمراكز..و تبي تصير نانسي عجرم في اقل من شهر

لا والمصيبة تقعد تسب فيهم..وتقول الله يصيبهم حرامية اكلو فلوسي ولاشفت نتيجه.

ياعمري البلا ماهو فيهم البلا فيك انتي وش يسوون لك في شهر او اقل

ذي بلاوي متلتله على مر السنيين تبينها تروح بين يوم وليله

وينك كل هالسنين؟؟

ليه تركتي عمرك كذا لحد اخر لحظه وتبين تغيرين عمرك في شهر واحد

طيب مو شرط تروحين مراكز متخصصه بس فيه شيء اسمه دكاتره لو واجهتك مشكلة بجلدك وبوجهك
وفيه مستحضرات طبيه مضمونه للعناية ببشرتك وفيه شيء اسمه نظام في الاكل وفيه رياضه اسمها المشي وهذي اقل الاشياء اللي ممكن تسويها البنت في بيتهم

ليه ماتهتم البنت بجمالها وقوامها وشعرها وببشرتها وتحط جدول يومي للعناية بنفسها وجدول اسبوعي للعناية بالجسم
ليه ماتفكرين في عمرك الا اذا قالوا لك جاااك عريس

مو شرط وخيتي تكوني مثل الفنانة الفلانية والممثلة العلانية لان هذول كلهم مسوين عمليات تجميل توصل لاربع او ست عمليات عشان تطلع بالشكل ذا

فعلا عند بعض البنات اهمال بالشكل والبشره والقوام والمشكلة تشوفون بنات صغار ويبانون اكبر من عمرهم

وشغله ثانيه لاحظتها في بناتنا العربجه وما ادراااااك مالعربجة وش خليتوا للشباب

تكبر البنت وتتقمص شخصية العربجي بالمشيه والحركات ولا صحت لنفسها وانوثتها تلقاها ضيعتها واذا انخطبت تحاول ترجع لطبيعتها الانثوية فيبين نعومتها ودلعها مصطنع ومتكلف لان عمرها كلة قضتة في العربجة بين البنات في الجامعة او المدرسة


يازين النعومه والرقه تحلي كثير الوحده حتى لو ماكانت حلوووه

وياسلام لو جمعت معها الاهتمام والذوق كذا يطلع مافيه ولا وحده شينه

هالوقت معد فيه شينه.... مع وجود ادوات الجمال وتوفيرها

فضي نفسك لمدة ساعة في اليوم للاهتمام بنفسك


صدقيني عزيزتي بالامكان ان تكوني امرأة جميله ..

ولكن كيف ؟!!

مافي عصا سحريه لتقولك كذا تكونين جميله وكذا تكونين غير جميله وانتي راقدة

لكل امرأة مكامن للجمال مخبأة غير مرئيه وبالاهتمام والتعلم والمثابره والاستئناس برأي الخبراء ومن يحوزون على ثقتها ومن الدخول لمواقع الجمال في الانترنت ويمكنها ان تكتشفها وتوظفها لصالحها وتصبح بهية الطله وذات شكل جميل وان كانت لاتحمل مواصفات الجميلات
وعلشان تزداد نسبه القبول لديك...شويه خفه دم
على شويه بلازما للاسنان
على شويه تقشير بركاني للبشره
على شوويه تبييض للجسم
على شويه صنفره للركب

وصدقيني راح تكوني اجمل الجميلات وكل التماسيح بيركضون وراك عشان تعطيهم وجه تناظريهم بغرور وتلتفتين عنهم وهم يترجون رضاك ويحاولون ياخذون ك صورة او توقيع ويحطونها تحت المخده ويحلمون فيك


ان شاء الله نشوفكم احلى الحلوات واجمل الجميلات
وابقا تعليقاتكم عليهم

وسلامتكم
ظ




ما شاء الله عليج كلامج صح


وماعليه خلاف
ف
اهليين ,,, فعلا اشوف كثير بنات مهملين ارواحهم وماهم مهتمين
لكن بيجيلهم يوم وبيصرون على سنقة عشره

الا عندي سؤال
انتي سعوديه ولا كويتيه ؟؟ لان كلامك مره سعودي

ويعطيك العافيه علموضوع
ن
تسلميين حبيبتي ظبية دبي على المروور الجميل..

وتقبلي تحيااتي..
ن
تسلميين على المروور حبيبتي فهدة..

ونورتي الموضوع..

وبنسبة لسؤالج انا مكس ..

انا كويتية الاصل..

بس امي سعودية فخالطة بين امي وابوي ..
ف
[grade="F4A460 00BFFF 800080 FF1493 4169E1"]يمكـــن (((البعض)) بس الحمدلله بناتنا فاهمين وعارفين معنى الجمال ومهتمين واكبــر مثال على هالشي البنات اللي في المنتدى احلى الخلطات منهم،،، بالعكس آنا اشوف ان المتزوجـــات(( البعض)) هم اللي هاملين نفسهم [/grade]
ن
تسلمين على المرووور حبيبتي الريم..

ويعطيج الف الف عافية ...

تحياتي ..
أ
صج كلامج عدل
ادري للعازبات بس تدرين اللقافه وماتسوي في الانسان
انا نص عازب نص متزوج هههههههههه
مشكوره على الموضوع الحلو
ح
موضوع حلو

بس اعتقد انه البنات مهمتمين بابراز جمالهم اكثر من المتزوجات

يعطيك العافية

تحياتي
ح
مشكوره فعلا في وااايد جذيه

والله لا يحرمنا من الموااضيع الحلوه جيه والاسلوب الاروع
ن
تسلميييين حبيبتي احلام صغيرة ..

على المروور الطيب ..

وتحياتي لج ..
ن
شكرا لج حبيبتي حنونة على المروور الطيب..

وتحياتي لج..
ن
العفوو حبيبتي حاشمة نفسي ..

وكل ذووق وسكر يا الغلااا..

وتسلمين على المرووور الحلووووو..

تحيااتي لج...
د
تسلمين اختي عالموضوع الرائع
وفعلا مافي احلى من اهتمام الانثى ( بنت او متزوجه) بنفسها
والله لما اهتم بنفسي احس اني غيييييير
راحه نفسيه والله
بعض البنات عندهم الماسكات وهالسوالف تعذيب
بس لو عرفوا فايدتها واهميتها والله بنصير متعه ووناااااااسه
وتسلمين على كلامج الحلو لانه صح 100%
ن
الله يسلمج حبيبتي دلوعة قطرية ..

وفعلا كلامج سليم ..

ويعطيج الف عافية على المروور الحلوووو..

تحيااتي ...
M
معاج حق و الله بكل كلمة قلتيها

الإهمال ما يروح بيوم و ليلة و اذا البنت غطت العيوب بالمكياج ولا بالملابس مسير المستخبي يباااااااان

المفروض الوحده تبدي تعدل نفسها و هي بالشكل الطبيــــــــعي .. و بعدين تفكر بالمكياج و اللبس
ن
تسلمين حبيبتي مس بي على المروور ..

ويعطيج الف عافية ..

نورتينا..
o
صراحة كلامك صج وضحكتيني لمن جولتي (وان تكلفت عجنت خميره بموية ورد وحطتها على خشتها ولا اخترعت لها خلطة اعشاب )
d
تسلمين حبيبتي على هالموضوع
بس ابي منج طلب تقولين لي وصفه او جدول اسويه كل يوم
لاني صج مع الدراسه نسيت روحي وابي ارجع اهتم بنفسي وبجسمي وشعري
وخصوصا اني متنت ونسيت روحي
بليز ساعدوني
ش
كفيتي ووفيتي

X