سوالف تجهيزات بنات قطر..عرايس2006

انا بابدا ............... بنات شرايكم في جمال التميمي لان اهل زوجي اتصلوا يبون يحجزونه وانا قلت اوكي ماحبيت اتشرط .................شرايكم ؟؟

جمال عليه طق فضيييييع بس بعد على حسب المزاج خخخخ
بس انصحج جمال حلوووو طقه يرقص من قلب

صج زييييييييين شجعتيني .............

صراحه ريحتيني اختي خطيبة الغالي صج كان رأسي يفتر كل دقيقه في موضوع وحده من البنات احسن شي سويته بصراحه الله يوفقج ان شاء الله

بنات انا اليوم اتصل في شريفه المهندي ماترد حتى لبنى خايفه يكون ماعندهم حجز الله يستر واليوم مارحت مكان عشان اشتري شي

بس في نقطه حبيت انبهكم لها اذا بتسافرون شهر عسل بتلبسون العبايه او لا؟؟

عشان اذا مابتلبسونها لازم تاخذون لكم قمصان طويله لان انا خطيبي صراحه مايرضى البس شي قصير وقاعده ادور قمصان طويله حق السفر حصلت 3 قمصان في زون خذتهم آخر مره يوم سوو المعرض الحين مارحت لهم ياريت اللي راحت وشافت عندهم شي حلو تقول لي
وكم قميص لازم اخذ لي امي تقول لي لاتكثرين مب عارفه احس صج انه بيكون سفر بس لازم الواحد يكشخ عشان اذا شفت الصور عقب استانس على نفسي حتى قلت باخذ شيل ملونه على لون الثياب لان انا وحده احب اكون في كامل كشختي حتى في السفر

انتو؟؟؟؟ شرايكم؟؟؟؟؟

تعالوا اشرايكم في اكوساتيكا زين والا لا؟؟ وامسيتي؟؟

تعالوا صح اشفيكم اليوم احسكم راقدين يله قالوا لنا وين رحتوا شنو سويتوا

هلا احلام صغيره اي والله عالاقل نفتك من الدوخه ...........

شهر العسل انا مب لابسه عبايه يعني يبيلي قمصان بس شلون تقصدين طويله لين الركب ماظن تلقين انا اهم شي عند زوجي انه يغطي جسمي من فوق .........بس شفت في دبنهامز جاكيتات طويله .............



اي والله مادري وين البنات اليووووووووووووووووووووووم

والشيل الملونه تللقينها في داري ( رويال بلازا ) ونوران الستي ..............اي حبيبتي لاتكثرين في البناطلين اهم شي الجنز بس اذا بتنوعين نوعي في الجاكيتات والقمصان والشنط ...........انا بسوي جذيه ..........

هلا ..
خطيبة الغالي والله عمرج اطول من عمري امس قاعدة افكر اقول تهنا بين المواضيع باشوف لو افتح موضوع واحد
توني يايه من برع وعلى طول على النت ..
اليوم درت على كم محل كوش .. صراحة لا اكسوتيكا ولا محل من اللي رحت لهم دشت خاطري اي كوشة بس يوم رحت ماسيس تغير الوضع نهائيا بس ما عرفت اسعارهم المرة كانت محد
صراحة باغير الميزانية واللي يصير يصير اهم شي شي يعجبني

احلام صغيرة .
انا باخذ لي قمصان طويله من الكويت وباخلي عباية احتياط مدري ليش كم مرة اسافر واستحي اقط العباية
انا بعد احس ريلي ما يرضى وانا بعد ما ارضى
انا شريفة كذا مرة ابغيها حق عرس وما ترد بس اعتقد عندها رقمين

°ˆ~*¤®§(*§*)§®¤*~ˆ°السلام عليكم ورحمة الله وبركاته°ˆ~*¤®§(*§*)§®¤*~ˆ°

فضل أيام عشر ذي الحجة
راجعها فضيلة الشيخ : عبدالله بن عبدالرحمن الجبرين
الحمد لله رب العالمين، والصلاة والسلام على سيد المرسلين.. وبعد:
فإن من فضل الله ومنته أن جعل لعباده الصالحين مواسم يستكثرون فيها من العمل الصالح، ومن هذه المواسم.



عشر ذي الحجة

وقد ورد في فضلها أدلة من الكتاب والسنة منها:
1- قال تعالى: (( والفجر * وليال عشر )) . قال ابن كثير رحمه الله: المراد بها عشر ذي الحجة كما قاله ابن عباس وابن الزبير ومجاهد وغيرهم، ورواه الإمام البخاري.
2- وعن ابن عباس رضي الله عنهما قال: قال رسول الله صلى الله عليه وسلم "ما من أيام العمل الصالح فيهن أحب إلى الله من هذه الأيام العشر" قالوا: ولا الجهاد في سبيل الله؟ قال: "ولا الجهاد في سبيل الله إلا رجل خرج بنفسه وماله فلم يرجع من ذلك بشيء".
3- وقال تعالى: (( ويذكروا اسم الله في أيام معلومات )) قال ابن عباس: أيام العشر التفسير ابن كثير،.
4- وعن ابن عمر رضي الله عنهما قال: قال رسول الله صلى الله عليه وسلم "ما من أيام أعظم عند الله سبحانه ولا أحب إليه العمل فيهن من هذه الأيام العشر؟ فأكثروا فيهن من التهليل والتكبير والتحميد" رواه أحمد .
5- وكان سعيد بن جبير رحمه الله- وهو الذي روى حديث ابن عباس السابق- " إذا دخلت العشر اجتهد اجتهادا حتى ما يكاد يقدر عليه" رواه ا لدارمي
6- وقال ابن حجر في الفتح : والذي يظهر أن السبب في امتياز عشر ذي الحجة لمكان اجتماع أمهات العبادة فيه، وهي الصلاة والصيام والصدقة والحج، ولا يتأتى ذلك في غيره.



مايستحب فعله في هذه الأيام

1- الصلاة: يستحب التبكير إلى الفرائض، والإكثار من النوافل، فإنها من أفضل القربات. روى ثوبان رضي الله عنه قال: سمعت رسول الله صلى الله عليه وسلم يقول: "عليك بكثرة السجود لله ، فإنك لا تسجد لله سجدة إلا رفعك الله بها درجة، وحط عنك بها خطيئة" رواه مسلم، وهذا عام في كل وقت.
2- الصيام: لدخوله في الأعمال الصالحة، فعن هنيدة بن خالد عن امرأته عن بعض أزواج النبي صلى الله عليه وسلم قالت: "كان رسول الله يصلى الله عليه وسلم يصوم تسع ذي الحجة، ويوم عاشوراء، وثلاثة أيام من كل شهر" رواه الإمام أحمد وأبو داود والنسائي. قال الإمام النووي عن صوم أيام العشر أنه مستحب استحبابا شديدا.
3- التكبير والتهليل والتحميد : لما ورد في حديث ابن عمر السابق: "فأكثروا فيهن من التهليل والتكبير والتحميد". وقال الإمام البخاري رحمه الله: "كان ابن عمر وأبو هريرة رضي الله عنهما يخرجان إلى السوق في أيام العشر يكبران، ويكبر الناس بتكبيرهما". وقال أيضا: "وكان عمر يكبر في قبته بمنى فيسمعه أهل المسجد فيكبرون، ويكبر أهل الأسواق حتى ترتج منى تكبيرا".
وكان ابن عمر يكبر بمنى تلك الأيام، وخلف الصلوات وعلى فراشه، وفي فسطاطه، ومجلسه وممشاه تلك الأيام جميعا، والمستحب الجهر بالتكبير لفعل عمر وابنه وأبي هريرة.
وحري بنا نحن المسلمين أن نحيي هذه السنة التي قد ضاعت في هذه الأزمان، وتكاد تنسى حتى من أهل الصلاح والخير- وللأسف- بخلاف ما كان عليه السلف الصالح.

صيغة التكبير:
أ‌) الله أكبر. الله أكبر. الله أكبر كبيرأ.
ب‌) الله أكبر. الله أكبر. لا إله إلا الله. والله أكبر. الله أكبر ولله الحمد.
ج‌) الله أكبر. الله أكبر. الله أكبر. لا إله إلا الله. والله أكبر. الله أكبر. الله أكبر ولله الحمد.
4_صيام يوم عرفة: يتأكد صوم يوم عرفة لما ثبت عنه صلى الله عليه وسلم أنه قال عن صوم يوم عرفة: "أحتسب على الله أن يكفر السنة التي قبله والسنة التي بعده " رواه مسلم،. لكن من كان في عرفة- أي حاجا- فإنه لا يستحب له الصيام؛ لأن النبي صلى الله عليه وسلم وقف بعرفة مفطرا.
5- فضل يوم النحر: يغفل عن ذلك اليوم العظيم كثير من المسلمين، وعن جلالة شأنه وعظم فضله الجم الغفير من المؤمنين، هذا مع أن بعض العلماء يرى أنه أفضل أيام السنة على الإطلاق حتى من يوم عرفة. قال ابن القيم رحمه الله: "خير الأيام عند الله يوم النحر، وهو يوم الحج الأكبر" كما في سنن أبي داود عنه صلى الله عليه وسلم قال: "إن أعظم الأيام عند الله يوم النحر، ثم يوم القر". ويوم القر هو يوم الاستقرار في منى، وهو اليوم الحادي عشر. وقيل: يوم عرفة أفضل منه؟ لأن صيامه يكفر سنتين، وما من يوم يعتق الله فيه الرقاب أكثر منه في يوم عرفة، ولأنه سبحانه وتعالى يدنو فيه من عباده، ثم تباهي ملائكته بأهل الموقف، والصواب القول الأول؟ لأن الحديث الدال على ذلك لا يعارضه شيء. وسواء كان هو أفضل أم يوم عرفة فليحرص المسلم حاجا كان أم مقيما على إدراك فضله وانتهاز فرصته.





بماذا تستقبل مواسم الخير؟

1- حري بالمسلم أن يستقبل مواسم الخير عامة بالتوبة الصادقة النصوح، وبالإقلاع عن الذنوب والمعاصي، فإن الذنوب هي التي تحرم الإنسان فضل ربه،" وتحجب قلبه عن مولاه.
2- كذلك تستقبل مواسم الخير عامة بالعزم الصادق الجاد على اغتنامها بما يرضي الله عز وجل، فمن صدق الله صدقه الله: ( والذين جاهدوا فينا لنهدينهم سبلنا )) العنكبوت: 69.
فيا أخي المسلم احرص على اغتنام هذه الفرصة السانحة قبل أن تفوتك فتندم، ولات ساعة مندم. وفقني الله وإياك لاغتنام مواسم الخير، ونسأله أن يعيننا فيها على طاعته وحسن عبادته

هلا بنات لي رجعه بالموضوع وبخبركم بتفصيل عن كل حجوزاتي والعرس

اما عن نفسي الصراحه مااحب البس قمصان طويله حتي ولو احس نفسي مفصخه واحب البس عبايه لانها استر واحسن

اما عن خطيبي ماعنده مانع اني مالبس عبايه

بس انا مااقدر احسها استر واحسن حتي لو لبست تنورة تفصل بالمشي لكن عبايه وسيعه وتكون ساده مش الوان احسها استر

وطبعا كل واحد وحريته شخصيه

خطيبة الغالي ايه اقصد القمصان اللي تيج لين الركب تقريبا تكون ستايل كويتي
انا خذتي لي 3 بس بعد باخذ جاكيتات ماأبي لان بيكون في الصيف وبموت من الحر باخذ قمصان خلقتها ماتشف وألوان غامجه اسود وبني وبالنسبه للشيل ذكرتيني برويال بلاز بروح لهم بشوفهم واذا نزلت البحرين باخذ لي من هناك ان شاء الله

كلاسيك زين ذكرتيني باخذ العبايه احتياط ماادري شنو يصير هناك
وبالنسبه حق الكوش الله يستر ان شاء الله اروح واحصل شي عدل

بنااااااااات بعطيكم فكره حلووووه
تعرفون البووكس الي يحطوون فيه المكيااااج ... المحلات يبيعون ب200 300 400 و1000
انا شريت بوكس متووسط حق عررسي بنت خالتي قالت لي عنه وحطيت مكياااجي كله فيه ماكلفني 60 ريال
من محل حميد تريم الي في السووووق

مشكورة your angel
امس رحت السوق لو قايلتلي عنه قبل جان خذت لي منه الكبير على كم ؟

وبنااااات شوفوا بعد الشادوهات الي شريتها من عنده هالدرجات ما لقيتها في الماركااات الغاليه




وهذووول شريتهم من المحل الياباني

حلوة اغراضك اللي من تريم
واي ياباناي اللي في دسمان ولا دايسو
تقدرين تصورين البوكس اللي شريتيه من تريم ؟

خالد فواد احلى من جمال التميمي بوااااااااااااايد :)

مرحبا :)
كل عام وانتو بخير يا بنات قطر..وسنه سعيده على الجميع ان شاءالله
انا بقولكم وين رحت اليوم...اليوم رحت آخذ فكره عن البطاقات ورحت محل Color Line اللي في سلوى..بصراحه عجبتني بطاقتهم
بس غاليه شوي..يعني اقل سعر عندهم اهو 15 ريال للبطاقه بس صج حلوه وحتى بطاقات البنفسج حليوه واسعارهم معقوله... يعني خذت فكره وقبل العرس بشهرين او ثلاث بروح اختار وصج عندي موعد يوم الخميس مع المناسبات..بجوف تجهيزاتهم للطاولات والكوش واجوف اسعارهم..بصراحه شغل المناسبات واايد حلو بس ان شاءالله يراعونه بالاسعار وصج بنات اللي سمعت عن فرقة وفاء اللي من الامارات بليز تقولي رايها...لاني حضرت لها عرس من سنه وكانت واايد اوكي وربشت العرس بس خايفه اتكون تغيرت فياريت تفيدوني في هالشي لان لي نيه احجزها اهي او خالد فؤاد ..يعني بنجوف الاسعار ان شاءالله
وبالنسبه لجمال التميمي فانا ما قد سمعته بس معظم اللي حضروا له اعراس ما مدحوا واايد وبعدين اهو يغني على دي جي مب طق
فمادري ان شاءالله الخوات يفيدونج اكثر يا خطيبة الغالي,, يمكن تغير
وتسلمين على الموضوع القيم والي راح يفيد كل عرايس قطر

تحياتي.....حـــ قــطــرـــلا

₪ حــلا قـطـر ₪
وانتي بصحة وسلامة

اي احلى بطاقات البنفسج ولا كولور لاين
اللحين المناسبات لازم بموعد ولا عادي اروح اي وقت ؟
انا مستبعدته صراحة احسة وايد غالي بس يا ريت لو رحتي تقولن اسعارهم شلون

انا بعد عندي موعد مع المناسبات
ودام انهم ما يتعاملون الا بمواعيد اكيد بيشفطون فلوسنا لوووووووووول
::::::::::
ورحت اليجنت ايفنتس مدري شلون الصراحه ماعندها الا صور من النت ورسمومات التصاميم وهذي اخاف اغامر فيها الصراحه واحلى شي عندهم الطاولات راقيه والاضاءه وعندهم تلبيس القاعه يعني يغيرون القاعه بالكامل يقلبونها لج لون ثاني
بس اضاءة الريتز وايد حلوه احس ما احتاج لها بس بعد بشوف ووووبعد
مريت اكسوتيكا ولا شي دخل راسي وتمللت احس مال اول مافي شي جديد
::::::::::::
وماسيس كوشهم مكرره وايد وانا ادور شي مو مستهلك
والله مدري شسوي ووين اطق براسي
::::::::
قصر الشانزليه بالنصر ماعندهم الا صور النت لووووووووول ولا افكر اسوي عندهم
::::::::::::

الغاليات بنات بلادي
الي حابه تسوي مفارش صغيره او علب كلينكس او او نفس لون الغرفه على الطلب

عندي قائمة الي اسويه والاسعار الي يبغي ارسله على الخاص