حوامـــل التاسع .. حياكم نواسي بعض لين الولاده

هلا فيج اختي حنين قطر 2006

الله يهون عليج وعلينا يارب

عني انا هذا الرابع بس بعد خمس سنين يقولون كأن بكر

بس بصراحة بالبكر ماتعبت مثل هذي المرة

وعن الطلق في اول ولدين ماحسيت فيهم تاخرت بالولادة ودخلوني وولدوني

اما ببنتي الي هي الثالثة كنت اطلق وماادري اني قاعدة اطلق الله يعيني على الرابع

موعد ولادتي 26/1 بس ان شاء الله اولد قبل بصراحة تعبت من الثقل

الله يهون على الكل يارب

الله يسهل عليكم ويتمم لكم بخير وتشوفون عيالكم بصحة وعافية

لا تخافون >>>>>>>>> أحب التشجيع

الله يسهل عليكم خواتي

هانت كلها كم يوم وتشوفون نتيجة تعب التسعه الشهور

وانا موعد ولادتي 2/2

وان انتظر هذا اليوم يجيء لاني بصراحه تعبت واحس بثقل

وهذا اول حمل ليه عشان كذا مستعجله على الولاده الله يسهل

السلام عليكم
أنا ولادتي بأذن الله. 10؟1؟2006 الله يسهل على كل حامل

وانا كمان تعبت حيل وكمان انا بكريه والحكه ذابحتني في كل جسمي وخاصه بصدري وبين نهودي لدرجة انه اتقشر جسمي لكن كله باجر ان شالله وولادتي 5/1/2006

مرحباااااااااااااا............. شو أخباركم؟؟؟
هذا أول طفل لي إنشالله ربي يسهل علينا أجمعين.......... عطوني موعد في 28/1/2006 بس بيولدوني قبل في 16/1/2006 إذا الله راد ومع ذلك مب قادرة أتريا أبا أربي قريب عشان أشوف البيبي اللي صار لي سنتين أترياه

الله يقومكن بالسلامة يا رب

ننتظر البشارة

wardyahll هلا فيج حبيبتي ، الله يسمع منج ، وإن شاءالله تولدين قبل موعدج بشوي بس :shy: خلي البيبي يكبر في بطنج ..

رووووووومي: شاكرين مروروج حبيبتي ..

ريح النفل : أيوالله ، خصوصا البكر آحس إنها تنطر أسرع من غيرها ، بس هالله هالله في النوم :bigsmile:، لأنج ماراح تلقينه نهاية الثامن والتاسع .. وبعد الولاده ..

السعوديه 2000 : الله يهون عليج وتولدين بالسلامه مابقى شي .. وإن شاءالله تبشرينا قريب

ذهول العاصفه : ذكريتيني بالحكه ، من قريت ردج قعدت آحك ، مادري شسالفتها هذي ، هانت ، وموعدج قريب .. طمنينا عليج

أم عواسي : إن شاءالله بتشوفينه وتفرحين فيه ..

فوانيس : شاكره مرورج ، وإن شاءالله الحوامل يبشرونا وحده ورا الثانيه ..

خبروني ، جهزتوا الشنطه ؟؟ أنا حاطه الأغراض بس ماسكرتها ، بس باقيلي أغراض الجمعيه ، وبسكرها هاليومين ..

أنا بكرية كمان ...
انا تقريبا باقي لي اسبوعين و يااااااااااااااااااارب أقل...
أتمنى أولد بسرعة احس اني تعبت و طفشت ...حتى زوجي طفشششششششششششششششششششششش!!!!!!

يقول يالله متى يطلع البيبي...و كل يوم يخليني أمشي و يطلعني ههههههههههههه
و لو أقول أأأأه.. استانس وقال يالله نروح المستشفى...
ياااااااااااااااارب تسهل...


بنات وش هي علامات بداية الطلق؟؟؟ أحس ظهري حااااار و ذبحني مووووت..

و كمان بطني صار نازل مرررررررررررررة !!!

مشكورة أختي حنين قطر على ردج وأكيد كلنا نفس الشيء الشنطة لا تزال مفتوحة لأني كل شوية اتذكر شىء:think:

مرحبا يا حوامل الله يسهل على الجميع انشاء الله

هذا ثالث حمل لي وتعبانه وايد اكثر من كل مره موعد ولادتي باذن الله 27/1/2006

اتمنى اربي قبل يا رب

تلوله : هلا فيج ، أحلى شي إن أول بيبي ، وابو الشباب شاط عمره :smile:
أنا بديت أمشي اليوم ، وإن شاءالله كل يوم لين ما أولد .وانا بعد احس بطني نازل شوي مع إني في بداية التاسع.. وألم الطلق على ماسمعت يمسك البطن والظهر ، وكل ماله يزيد ، والمده بين الطلقه والثانيه متساويه .. الله يهون عليج ..

أم عواسي ، العفو حبيبتي :shy:
أنا كاتبه كل الي احتاجه ، بس بعد آحس اني بنسى ..

حب الامارات : الله يعينج على التعب ، يالله هانت .. بيني وبينج يومين .، يالله نشوف مين يسبق الثاني ..

مرحبا


الله يعين الجميع على الحمل وخاصه الاول مره


انا كل ما احس بعوار فى بطنى هذى الايام اموت من الخوف اخاف تكون ولاده


وخاصه من اسبوع احس بوجع مثل الام الدوره ...بس امى تقولى هذا شئ عادى


انامليت ونفسيتلى تعبت بس ابغى اربى بسرعه

شكلى استوى ؟؟؟؟؟وجمسى اخترب هذى غير نفحت ريولى جنى فيله

هههههههههههههه




الحمد الله على كل حال

انا ولادتي ان شاء الله في 8/2/2006
بصراحة مو قادرة اصبر لاني تعبت مرة وخصوصا اني مداومة بالمكتب!!!!
وهذا اول بيبي لي ان شاء الله

مرحبا حوااامل

انا بعد ربي يعيني ويعين الجميع موعد ولادتي في 18/1 وان شاء الله قبل اولد طبعا بكر ومستعجللللللله ومافيني صبررر

شنطتي مارتبتها ولاشي خايفه ارتبها واستخف ابي اولد بسررعه

يارب يهون علي وعلى الجميع يارب واولد قبل العيد قوولوووا امين

اختكم في الله

دمعة بحر

ظبية دبي : هههه عادي كلنا اجسامنا اختربت ، انا لايعه جبدي من جسمي ، وكل ماشوف ثيابي ، آقول أنا بقدر ألبسهم مره ثانيه !!!
نسيت مقاسي والله ..

صباحي : الله يهون عليج حبيبتي .. يالله هانت مابقى شي .. كلها شهر وتولدين :)

دمعة بحر : يارب تدمع عينج بفرحتج لشوفة البيبي .. يالله شدي حيلج مابقى شي .. رتبي الشنطه ..
أنا اليوم خلصت أغراضي كلها ، حتى البمبرز خذته ، وبكره برتب الشنطه
وآحس بألم في بطني، آحس بشد مب طبيعي ، وكأن البيبي قاعد على راس المعده ، حتى ماقدر اتنفس ,, مادري ليش !!
والله يقومنا بالسلامه جميعا ..

هلا اختي الغاليه حنين قطر انا بعد احس جلد بطني بيتشقق واحسه يضغط على معدتي بس يتحرك كثيرر ماادري ولادتي مطوله ولاشلون

والله يهون على الجميع

هلا اختي دمعة بحر ، والله مايندرى ، بس انتي موعدج قريب ، أنا 29 ومستغربه من حالتي ، مادري ليش آحس اني ماراح آخذ إلا اسبوعين من التاسع ..
والله من المغرب حاسه بضيق في صدري ماقدر اتنفس .. تعبت ، حتى ماقدر انسدح .. :(

الله يسهل عليك يارب اختي حنين قطر

الضيقه احس عادي لانك تفكرين بالولاده وتحسين انها قربت انا اذا طرت علي الولاده يضيق خلقي ومن اقل شي اقعد اصيح صايره حساسه :o

الله يسهل عليك بس كثري من الدعاء والقراءه على نفسك

اختك في الله