ساعدوني ارجوكم انا في امس الحاجه

--------------------------------------------------------------------------------

مشكلتي هي انني متزوجه من 6 اشهر وفي اول يوم زواج لاحظت انه زوجي لم يكن مهتم في هذه الليله بعدين انا سكت نفسي وتسائلاتي قلت يمكن يريد يحسسني بامان عشان في وايد بنات ما خذين فكره عن هيي الليله وصراحه انا كنت خايفه وبعدين نمت ومر اليوم الثاني نفس الشي وبعد الثالث واليوم ارابع طلعت انا وياه من الفندق نزور اهلي عمل شك اوت ومنغير ما يقولي وقال لما كملت ساعتين عند اهلي انه بيروح دبي مع اخوي بيقعد اسبوع وبعدين انا وافقت في البدايه اصريت اني اروح معاه عشان الناس ما يتكلمون واهلي بس هو ما وافق وبعدين راح بس امي عصبت وتمت تسال غريبه ليش راح المهم سكرت الموضوع وبعد الاسبوع رجع ورجعنا الفندق وبعدين دخل علي بعد مرور اسبوع و4 ايام من زواجي وهو لم يلمسني وبعد ين قلبي فز على اليهال
في البدايه قالي انه لازم نتبنا ياهل حتى لو الله عطانه وافقت لانه الرسول علي الصلاه والسلام قال انا وكافل اليتيم في الجنه بعدين ما عرضت سافرت انا وياه الى قطر الى بيتي وجلست شهر حسيت باعراض حمل جتني اخته جابت المختبر قالت حللي بس لا تخبري زوجك انا خفت قلتله لما رجع بعدين قالي لا والله شو هيي مجنونه كيف يابت هذا وهيي تعرف انه ما اجيب اطفال والله تميت اصيح بعدين قالي الدكتور قال في امل
سكت ورجعت ازور اهلي في الامارات ورحت عند الدكتوره قالتلي بعد الكشف انتي بكارتك عفكره في جزء منها موجود كلمته قالي قوليلها تشيلها بعمليه وانا والله اتعامل معاه على نيتي وربي يشهد انه ما عندي وايد خلفيه عن الزواج غير اللي تعلمته وقريته من الكتب وبعدها قالت الدكتوره لا عادي تنشال بلممارسه حللت قالت مافيج شي بس عطي زوجك يسوي تحليل جيت خبرته قالي بعدين
لين ما صارحني قالي انا ما اقدر اقدف قلتله نروح عند الدكتور وكان ما يرضا وبعدين قالي انه راج بس الدكتور مسافر احين وبعدين بيرد بعدين انا صدقته وكان معيشني على امل انه في علاج وقبل ازواج ما قالي انه ما يجيب عيال وهو يعرف

عنده اخت بعد ما تجيب فزوجها بيتزوج عليها كنت اقوله تعال اروح المستشفي كان يقولي لا عطيني اسم المستشفي اخلي زوج اختي يوديها بدال ما يتزوج عليها
المهم رافض فكرت العلاج بعد هذا ما يصرف على بس لما اروح عند اهلي استلف منهم ولما يجي ياخذني اخذ منه وارجعلهم ويوم عيد رمضان عطاني اشتري لانه كان معايه عند اهلي
تعرضنا انا وهو لسحر كنت اشوف شكله يتغير في الليل اخاف منه بس كاتمه في قلبي لين ما صارحته بعدين وداني عند اهلي اتعالجت وحصلنا اعمال وكان مكتوب فيها اسمام من اهله ونه يكرهني المهم كان ما يصدق انه من اهله اتهمني انا وغير هذا قالي يمكن كلتي في بيتكم بعدين قال لا انا كنت حاط الشنه في بيتكم يوم الملكه والمشكله الشنطه كانت مع اخته
والله كل شهر يعطي اخته اللي متزوجه ولا يعطيني انا وغير جي لما نروح مكان يقولي خواتي مساكين ما يطلعون ازواجهم ما يطلعوهم ويطلعهم معايا انا وهو بعد هذا كله

لما اجلس داخل يسبونه من وراه وانا ادافع عنه ولا اقوله عن اللي يصير
بعدين اتصل علي وانا عند اهلي قالي انه متظايق وقال انه راح عند الدكتور وقاله الدكتور انه ما يجيب عيال قالي انا ما اريد اعيش معاج انتي عايشه معاي نفس الخادمه بس تنظفين وترتبين ثيابي وانا معاج مو زوج

تميت اصيح ومع انه والله العظيم اني مو مقصره اتعدر واتلبس واسوي كل شي ما يرجع البيت الا وهو جاهزوكل شي ومو مقصره لو لبست وتعدلت يقولي لا تتعبين نفسك انا ما يهمني هيي الاشياء بعدين يقولي انتي ما خذتني للفراش وانا ما احب الفراش
بعدها عرفت انه كان ماخذ بنت خالته في اليمن وتم معاها 10 سنوات وماجاب عيال

بعدين رجعت قطر معاه قلتله وين التقرير اللي الدكتور قالطك في ما تجيب قال ما عندي وسكري على الموضوع ويجي يكلمني عن معانات اخته والمشكله اخته زوجها والله العظيم مو مقصر فيها والله ويصرف عليها

بعدين قلتله نروح عند الدكتور لو قال في علاج اتعالج وانا بصبر ولو مافي علاج بعيش معاك لو في وانت ما تريد شي ثاني
رد قال لو العلاج شربه ماء ما اريد وانا مليت وانتي مو زوجه ومقصره وانا والله مو مقصر وربي يشهد علي هو اللي يتظارب معاي وانا اروح استسمح منه واقول انا اسفه لانه اقول في بالي الملائكه تلعني
ولا طلعه ولا شي كله في البيت وهو عند ربعه لميت اغراضي كلها عشان برجع عند اهلي دخلو خواته قالو ليش

تخيلو قالهم تريد تعيد عند اهلها ولما جوني قلتلهم كل شي استغربو قالو غريبه اخونا ما يقول جي ردت اخته اللي عندها عيال قالت خلاص انا بكله يجي نتفاهم ولا تسافري قلتلها اوكي اتصلت اتضارب معاها وقال ماحد يدخل في حياته وبعدين تاخر لين الساعه 3 الفجر
بعدين جاني لما عرف اني عرف شو قال حق اهله ما عطاني فرصه عطول نام ونمت وقام اليوم الثاني يقولي انتي اطلبي الطلاق
لما اتصلت على واحد في الدين مفتي قالي اصبري وادعي الله والله اني ادعي والين احين استخرت الله استمر او انفصل ما ششفت شي وغير هذا اقوله انت قول انا ما بطلبها منك عشان ما يجيني ذنب والله العظيم انا محتاره ودي اسوي شي مو قادره

انا عمري 22 وهو34 وما اعرف شو اسوي ساعدوي ارجوكم وردو على

المطوع قالي اصبري يمكن زوجك تحت تاثير سحر اوكي انا بصبر بس هو خلاص واالله انا تعالجت والمفروض هو يتعالج ما يريد ماخذ الفكره اني انا تعبانه ومسحوره ويقولي تعالجي وارجعي وهو يقولي انا بتعالج وانا اعرف انه كذاب ما بيتعالج

احسه مو طبيعي ما يعرف شو يريد يدخل يقول كلام يجيني يقول كلام مو صريح معايه وللي صدمني انه اهله يعرفون انه ما يجيب وما خبروني شو اسوي ردو علي الله يخليكم يا مستشارين والمستشارات