اتعذب,,, وحيرانه...وخايفه

السلام عليكم ورحمة الله وبركاته
يا بنات انا كثير متضايقه ومحتاجه افضفض وحد ينصحني الله يخليكم
انا بقولكم قصتي كامله بطول عليكم بس استحملوني:cr
:
بصراحه انا كنت على علاقه ممتازه باهلي وخصوصا اختي لحد ما تزوجت وانشغلت بزوجها وصارت تعاملني كاني ناقصه عنها!!وفي يوم صار بينا خلاف كبير وفي وسط المشاده الكلاميه عايرتني وقالتي اني معقده واني صايعه واني ماحد راح يتزوجني ابدا.....طبعا هذا الكلام لحد اليوم جارحني هي اعتذرت لكن بصراحه انا شطبتها من اخوتي وقلت هالكلام لامي وابوي اني بس بعاملها لانها بنتهم بس خلاص مش اختي( بصراحه صرت اكرهها)
المهم بعد هذا الموضوع قررت اني اهتم بموضوع زواجي لاني تركته للقدر بما فيه الكفايه
دخلت موقع للزواج واشتركت فيه وبعد فتره بسيطه جدا تعرفت على واحد جاد فعلا في موضوع الزواج لكنه كان متزوج وساكن بعيد شوي عن منطقتنا وقالي انه زوجته مريضه وتاكدنا من هالشى واكدلي انه ظروفه ممتازه واهلهوزوجته موافقين وتقدم لخطبتي وكان فعلا متمسك في بشده وبصراحه انا كمان حبيته وصارت قصة حبنا جميلهوصار موعد المهر والملكه وهنا بدأت القصه تتغير اول حاجه قالي امه بتعمل عمليه ولازم ناجلها شهرووافقت وخلص الشهر ولا اتصل في ولا في اهلي رحت انا اتصلت فيه وقلتله فشلتني مع اهلي لش ما كلمتهم قالي انه بيتصل وفعلا اتصل وحدد موعد للزياره بس ما حدد فيه موعد ملكه وطول هذا الوقت وهو ما بيتصل في ولا بيرسلي انا اللي بتصل فيه بشكل يومي مرتين وثلاثه وارسله احلى الرسايل وهو يا اما يرد وفي الغالب يطنش
لما شفت الموضوع زاد عن حده زعلت بصراحه (لمدة 3 ايام) تعرفه انه ما حاول يصالحني حتى وهو اللي كان يبكي لما اقوله اني زعلت منه!!!!!
رجعت انا اللي اتصلت فيه وقلتله اني زعلانه منه قالي مثل ما زعلتي لوحدك بترضي لوحدك!!
المهم عرفت منه بعدين انه المهر ما عنده
سابني اكلمه حواي الشهرين ومرات يحسسني انه رجع مثل ما كان يموت في ومرات يثقل!! وفجأة كلمني على الامور الماديه وقالي انتي بتساعديني بكم في مصروف البيت طبعا انا تفاجات وحسيت انه طمعان فقلتله100 لاني ظروفي ما تسمح باكثر فقالي زوجتي تساعدني ب200 قلتله انا ما اقدر على اكثر وفجاه اختفى تماما من حياتي وانا صرت اتصل وارسل بس علشان افهم ولا عبرني وبعد اسبوع رسلي وقالي ظروفي الماديه ما تساعدني اتمنالك السعادهوارجو تبلغي اهلك شكري!!
طبعا تتصوروا شعوري..خيبه امل ..حزن...واهم حاجه واغرب حاجه خوفي من شماتة اختي وامي لانهم كانوا معارضين للزواجهبس انا اللي تمسكت فيها!!
المهم بعد5 شهور اخينا رجع وقالي انه ظروفه تحسنت وانه اسف واعتذر وانا قبلت الاعتذار بس قالي انه بيرجع لاهلي اول مايصير عنده المهركاملعلشان نملك على طول( يمكن غرور الانثى او خوف من الشماته واني اثبت للكل انه فعلا بحبني) اقنعت نفسي انه بيحبني وانه هيعوضني عن هذا الجرح لكن اكبر مفاجاءه انه رجع بارد بشكل غريب حتى اني ما اعلرف الاقيه علشان اكلمه حاسه انه يتهرب مني لما اتصل يقولي كنت نايم او يطنش ولما بيحن علي بيقولي انا مع الاهل بكلمك بعدين وطبعا ما يتصل وبيقولي افتكرتك نمتي او انه رجع تعبان ونام ومع كذا بستحمل لكن هذه الفتره بصراحه فاض فيه لاني حاسه نفسي فارضه نفسي عليه وهواللي مطنشني وعلى فكره انا ناقشته بكل هدوؤفي كل هذا الكلام وقالي اني اتوهم ونه المشاعر الفياضه للمراهقين وانها شئ مؤقت وبتنتهي مع الوقت فما لازم اتعود عليها علشان ما افقدها بعدين!!!
مش عارفه هو بيحبني بجد ولا لأ؟؟ وانا بحبه ولا بس عند؟؟

الحاجه اللي ما عارفه سببها اني ليش مستحمله؟؟؟؟ هل انا خايفه من شماتتهم ولا بحبه(مرات بحبه وبحس اني ما بقدر اعيش من غيره بس لما بيعاملني بهذه الطريقه احس انه ما بيحبني

الحين احنا زعلانين لانه وعدني يتصل من يوم الثلاثاء وطنشني وانا ما راح اتصل لاني مليت اريده هو اللي يتصل ويحسسني بحبه
ما عندي كلام زياده تعبت من كل حاجه...تعبت