تقشير الوجه بالكرستال ... الرجاء الدخول والرد

الله يسااااااااااامحكم

توقعت بلقا من عندك الرد الشافي عالعموم شكرا

بنااات وينكم؟؟؟؟؟

الظاهر يا طااهرة القلب محد بيرد وانا ببحث فالموضوع واذا لقيت اي معلومات بخبرج

هلا الغالية
والله انا لو اعرف كان قلت لج

بس امنة اذا عرفتي شي
فيدينا ورجعي كتبيه بنفس الموضوع هنيه
بانتظارج

تحياتي لج

من عيوني

انا رحت لدكتورة جلديه وقالتلي اذا تسوينه عند دكتورة مختصه هوه مثل التنظيف والتقشير بالكرستال اخف انواع التقشير وعادة يستخدم للبشره اللي ما فيها بلاوي وااايد

بس خفت لاني اخاف اطلعلي حبوب او شيء قلت بسال :)

ان شاء الله الغاليه وتسلمين عمرورج

السلام عليكم
بخضوص التقشير بالكريستال يمكن سويته أكثر من خمس مرات
واسويه دايما عند دكتورة متخصصه لأن حاليا معظم الصالونات عندهم هالتقشير بس ما عندهم خبره
إلا طبعا القليل منهم يلي مسوين دورات
التقشير بالكريستال محتاج خبيرة تفهم نوعية البشرة وبالتالي تختار الدرجة المناسبة
شوفي هو مناسب لجميع أنواع البشرة
لأنه ينظف ويشيل الطبقة الأوليه للبشرة أقصد الميته تدريجيا ‘ يعتمد على العدد إلي تسوينه خلال الشهر
وهو مناسب جدا لتنظيف البشره السريع قبل المناسبات بساعات
يعتير هالتقشير أخف انواع التقشير المعروفه والاستمرار على النوع من التقشير يحافظ على رونق البشره وسلامتها

انشاءالله اكون افدتج

فديتج لوليتا مشكوره

اوكي ممكن تقوليلي انتي وين تسوين هالنوع من التقشير

واللـــه أنا نفسج يالغاليه حابه أسوي

بس يباله حد فاهم في هالشي يعني دكتوره مختصه هب صالونات وغيره

مشالله الأخت Lolleta جربت....خبرينا وين جربتي وشو حسيتي هل في فرق....؟؟؟؟

نتريا رددددددددج يالغاليه

أنا اليوم سويت تقشير الكريستال حق ويهي عند دكتورة في الشارجة
هاي اول مرة اسوي تقشير واحس انه حلو
ويهي فيه حبوب صغيرة يسمونها رؤوس سودا
سوتلي تقشير والحبوب خبجتن بإبره وبعدين حطتلي ماسك
سويت الويه كامل بـ 200

شو اسم الدكتوره لاني اللي مفكره اسيرلها بعد فالشارجه واسمها نابغه هل هي هاذي ولا لأ
وبغيت اعرف عقب ما تخلص هل الويه يكون واايد احمر :) ردي علي فديتج

ومشكوره عالرد يا ام حمد والله يخليه لج يا رب

انا ولا مره مسويه تقشير لاني شفت وحده مسويه تقشير معاي في الجامعه
اعوذ بالله شكلها يخرع الصراحه ويها احمر وتم فتره طويله جنه جلدها مشيول من ويها :ss:
ووايد ناس يقولون اني للحين صغيره على التقشير مع ان عمري 22 سنه!!

انا بشرتي عموما صافيه بس طبعا لازم كل شهر تطلع كمن حراره تعقد حياتي وبشرتي حساسه وتحمر بسرعه
تعتقدون ان التقشير بالكرستال زين لي
واي احسن تقشير بالكرستال فالدوحه؟؟؟ وقبل كم يوم اقدر اسويه اذا عندي مناسبه؟؟

السلام عليكم

انا امسويه تقشير ف صالون باريس غاليري بسسسسسسس بصرااااااااحه

ماااااا حسيتت بي تغييير

مع اني امسويه تقريبا 5 جلسات

وسلامتكم

[grade="FFA500 FF6347 FFA500 4B0082"]هلا والله انا ولامره سويت تقشير بس افكر اسوي
لكن متردده وخايفه انه يعور[/grade]

انا الدكتوره اللي سرتلها استشااااره قالتلي بشرتج الحمدلله اوكي بس انا عطرف واحد من ويهي فيه شويه اثاااار ما تبين يوم احط بودره بس انا ما احبها

قالتلي اذا تبين بسويلج تقشير بالكرستال خفيف عالويه وتسين بتاثيره ثاني يوم

تاخذ 35 دقيقه و السعر 250

بس متردده الله يخلي البااااقين فالمنتدا واللي جربوه ردوا بلييز

انا مسوية بحدود 8 جلسات و الصراحه رووووعه

الويه يصير أحمر بس وقتها و يظل نص ساعه تقريبا و بعدين يرجع طبيعي .. غريبه اللي اتقول ويها ظل أحمر حيل !! أتوقع هذا تقشير كيميائي مو كريستال

توكلوا على الله و سووه ترى خفيف حيييييل ما منه ضرر ان شاء الله و على فكرة انا سويته و عمري 21 عاااادي
اهو يعتمد على حالة البشرة و الجلد مو ضروري العمر

طيب خواتي ما يعور أخت تقول شالوا لها الروس السودة بالابرة؟!!

لما اتشيل الروس السوداء يعور شوي و اهو فعلا مثل الأبرة تسحب الأوساخ و الدهون لكنها ما تاخذ دقايق و بعدها تبدي التقشير بدون ألم

Miss B
مشكوره الغاليه وايد وايد عالرد الطيب والشافي

الدكتوره قالتلي بتحسين بالفرق عقب مده يعني عقب كم مره مش من المره االاولي