بناااات من فيكم جربت كلوميد بدون أبرتفجيريه وحملت؟؟

هلا الغالية
وايد من بنات المنتدى لهن تجارب بالكلوميد و حملن باذن الله

جربي الكلوميد وان شاءالله تحملين لانه وايد منهن حملن ع الكلوميد..

وعليج بالاستغفار والدعاء..

ربيعتي حملت باستعمالها هالحبووب ووايد يمدحووونهن

ومادام عندج وصفه امشي عليها وانشاءالله قرييييييييييييييب اختي تحملين

توكلي على الله واكثري من الاستغفار وربج كريم ومابيغفل عنج.

مرحبا اختي انا من فلسطين وتزوجت قبل اربع سنوات وما عندي اولاد الله يرزقني ويرزقك اخذت قبل سنتين حبوب متل الحبوب اللي بتحكي عنها بس احنا اسمها اكاكلومين وحملت عليها بس ما كملت حملي ولحد الان ما صار عندي حمل اخذتها بس بدون فائدة ومع ابر التفجير وانا بتحضر للحقن المجهري والله يرزقك الذرية الصالحة

يالغالية: اول شئ آمني بالله، ان الحمل بايد الله تعالى/ ثانيا: انا من تجربتي مع الكلوميد شربته لمدة خمس شهور قبل ولدي بفترة طويلة، وكان الدكتور مستانس يقولي كل شئ تمام بس للأسف ولا مرة صار حمل . وحملت الحمد لله ويبت ولدي سعود الغالي بدون اي دوا ولا ابر..والحينه حامل للمرة الثانية نفس الشئ بدون اي دوا...
فانتي توجهي بالدعاء لربج يالغالية..وانشاء الله رب العالمين ما يردج

بنات ارجوكم ردوا علي بسرعه

انا من اسبوع خت كلوميد

والدكتوره عطتني موعد بكره علشان اخذ ابره تفجيريه بس انا خايفه ان الجسم يتعود عليهم

مع اني حملت قبل هالمره طبيبعي بس كنت اخذ حبوب لهرمون الحليب

لان يقولون ان الابر هذي مو زينه

بليز ردوا علي قبل ماروح محتاره في امري حيل

مرحبا الغالية الله يرزقنا ويرزقج بالذرية الصالحة ختية انا خذت كلوميد لمدة خمس أيام أظن من ثاني يوم الدورة وكنت أراجع الدكتورة تقريباً كل يومين وكل ما طلعت عندي بويضة أخذت الأبرة التفجيرية ما أجذب عليج خذتها والله خمس مرات يعني نزللية خمس بويضات ومع هذا الشيء الا أنه الله ما كتبلية أني احمل والحمد الله على كل حال......................الله يوفقج أنشاء الله

كل شي بيد الله سبحانة

اناأخذت الكلوميد بعد رابع شهر من زواجي وبع تسع شهور حملت عليه بس من غير الابر التفجيريه

وحملت بعيالي الاثنين اللي بعد الاول بدون كلوميد وقفت لمدة اربع سنين قطعت حبوب منع الحمل لمدة سنة وماحملت

رحت للطبيب سوالي تحاليل وقالي لازم تاخذين كلوميد بصراحه ما أخذتهم قعدت شهرين وبعدين حملت من غيرهم وانا الحين بشهري ادعولي الله يقومني بالسلامة ويهون علي
ويكون البيبي بخير لاني من يومين طحت على ظهري ومعاي عوار برجلي وظهري بس مار حت الطبيب

الله يرزق الكل بالذرية الصالحة

أنا استخدمت الكلوميد من ثاني يوم في الدورة ولمدة 5 أيام وطبعا كنت آكل معاه الكلوفاج للتكيس والحمد لله حملت من أول شهر بدون إبر تفجيرية الله يرزقك أختي بالذرية الصالحة آمييين

شكرا حبابيي طمنتوني الحين الله يعطيكم العافيه على مروركم ومشاركاتكم والله يرزق كل محرومه يااااااااااااااااااارب

عندي تجربة ويا الكلوميد .. بس ما نجحت ..


رغم انه في توبيض عندي ...


لكن توكلي على الله واسعي ..


لان الله يرى سعي عبدة ...

والله يرزقنا وياااااااااج ...

الله يسرها عليج و علينا و ينولنا مرادنا قولي امين

انا بعد هذا الشهر اخذت كلوميد و ابر تفجيريه و حاطه ادي على خدي اتريا النتيجه

عسها خير

ان توكلت على الله و اخذت بالأسباب

و الله بيكتب الي فيه الخير

و انت بعد

انه استخدمت كلوميد 3 شهور وماحملت وبعدين استمريت على الابر تقريبا 6 شهور وماحملت وبعدين تمللت وتركت العلاج وسبحان الله شفت حبوب كلوميد عندي باقي 4 حبات خذيتهم بدون وصفه وحملت والحين يبت ولد عمره 4 شهور يهبل فديته:shy:

يصير تحملين بدون الابر التفجيريه انتي اخذي كلوميد فقط بالبدايه

:shy: حبيبتي أنا اتزوجت وبعد ثلاثة شهور اخذت الكلوميد من غير ابر والحمد للله حملت في نفس الشهر ودحين بنتي عمرها سنتين واخذت كلوميد هذه المرة مع الأبرة بس مو الابرة العادية والحمد لله دحين انا في الشهر الخامس ...............

بسألكم يعني انتو تاخذون الكلوميد من دون وصفة الدكتور ؟؟؟

انا اخذت مرتين المره الاولى بدون ابره وماحصل حمل والثانيه مع ابره وحملت لكن ماتم الحمل لا نه معاي سكر والله المستعانويقولون مو شرط ابر تفجيريه والله يوفقج ويرزقج الذريه الصالحه ااااااااااامين

بنات انا محتارة حدي

انا متزوجة صارلي 4 اشهر .. وبعد الزواج ابشهرين صارت عندي قرحة بالرحم وسويت كي والحمدالله راحت .
بس الشي اللي متضايقة منه اهو الافرازات اللي تعبتني ويوم رحت الطبيب قاللي في التهاب وعطاني تحاميل للمرة الثانية وخذيتها بس ما ادري احس انه في افرازات يعني ابمعدل كل ما اروح تكرمون الحمام اشوف الافرازات وريلي ما فيه شي الحمدالله وبعدين في مرات بالجماع ينزل مني افرازات وايد ما ادري ليش

المهم ما اطول عليكم حاولت اني احمل بعد زواجي اب شهرين بس ماالله كتب ويوم رحت حق طبيبي سوالي سونار في اليوم ال 12 من الدورة وشاف انه البويضات حجمها صغير يعني 8 وقالي تعالي ثالث يوم من الدورة الياية والمهم رحتله امس وكان ثالث يوم دورة وعطاني الكلوميد وقاللي تعالي اب تاريخ سبعة اثنين عشان يسوي سونار

ملاحظة: الدكتور قاللي ما فيج تكيس ولا اي شي من مشاكل الرحم يعني بس صغر حجم البويضات

سوري اذا طولت عليكم بس انتوا اشرايكم ابحالتي ؟

هلا أختي كويتية بالنسبة لصغر البويضات انشاء الله يكبرون مع الكلوميد لأن علاجهم وايد سهل اذا مانفع الكلوميد بيعطونج ابر بس انشاءالله ماتوصلين للأبر ... عند اي دكتور تتعالجين؟؟؟