$ القريـــــه العالمــــيه $

وانا بعد آبي آعرف
لأني يمكن آزور دبي
في إجازة راس السنة
ودي آروح القرية

ماسرت الين الحين !! انشالله هالاسبوع بسير .. انا احب العطور والدخون وااايدز... بمر القرية القطرية و الكويتية ..

و انا بعد اختي ما حصلت اشياء اوكي و الأسعار رافعينها عالآخر يعني الشنط اللي كنتي اتحصلينهن على 60 الحين بـ 250 !!! و خاصة القرية اللبنانيه و الله ظو !! انا سرتلها مره و ما بسير ملل !!!!!!

مرحبا ملايييييييييييييييييييييييييييين بالغاليييييييييييييين في ذمتي ولا يسدن



اشحالج ربج بخير انا رحت القرية من اسبوعين في القرية الباكستنية الشالات عندهم حلوة واايد احلى من شالات القريه الهندية

الصينية ما فيها شي اكثر شي الفراش
اللبنانية يمدحون الشغاب عندهم بس ما سرت الاسبوع الياي بسير ان شالله



والسمووووووووووووووووووووووووحة

الامارات موضوعج يا في وقته
انا احتمال اسير الاسبوع الياي وابا اعرف شو الزين هناك بدال مامشي وايد وانا بروحي تعبااااااااانة

السلام عليكم


شحالكم خواتي


مشكورة اختي الامارات عالموضوع


بالنسبة للقرية العالمية صار لي شهر او اكثر شوي من سرتها آخر مره

بصراحة فيه عندهم اطقم مغاطي السراير اذا اتحبون القطن على 110 درهم حصلتهم في القرية الصينية


مممم هيه و شريت بعد لوشن الايد اسمه (غلا زايد) ب10 دراهم من القرية القطرية

اول ما تدخلون اخذو يمين و بعدين كملو سيده في نفس خط ام عوض القبيسي بس مربع المحلات اللي بعدهم على طول اول شي عالزاوية في بنتين وحده مواطنه و الثانية فلسطينية قصيرونه شوي

بس نصيحة لا تاخذون العطور اللي هناك خذت من مكانين و الله حرررررررررررررام ماشي رييييييييحة مووووووووول

بس لوشن غلا زايد الكل عيبه و سعره واااااااااااااااايد حلو على كميته


و اذا سرت بخبركم بعد شو حصلت

هلا اختي الامارات

انا سرتها اول ما فتحوها وكانت نص المحلات فاضية

وخذت من القرية السنغفورية الكفرات ( مغاطي السرير) الي رمست عنهم اختي ( الخرشة ) وايد حلوين

والشي الي عيبني وايد .. قوالب من الشمع يسوونها على اي اسم والا اي كلمة تبينها

شكلهم حلو ..

لو رحت المرة اليايه بسوي باسمي وباسم ريلي

مرحبااااااااا مليار ..


ان شاء الله برد عليكن باجر..

بالنسبه للقريه انا سرتها اليوم..

بقولكن شو احلى شي عيبنيييييييييه ..

اول شي .. الآجار في القريه القطريه وفي على بطاط و جبن وهالسوالف .. طبعاً وحده بحرينيه تبيعهم ..

ثاني شي .. في القريه التايلنديه شي دواسات هاييل الزوالي الصغار اللي يحطونهن يدام باب الحمام ( عزكم الله ) .. بصراحه وااااااااااااااااااايد حلوين والوانهم عجيبه ..

وبعد .. همممممممممم .. هيه صح مجابل القريه الايرانيه يبيعووون رمان وايد وايد حلووو ..

وبعــد خذت لي من القريه التايلنديه شرات معلاق كله ورد .. وعقب نازلين منه كرستالات ع شكل قلوب شكل وايد وايد حلو ..مع لولو ..

عاد والله ماعرف كيف اوصف .. بس بصورلكن ياااااااااااه وبحطه هني .. عقب ما يركبون لي ياه طبعاً ..

في وايد اشياء حلوووووووووه ..

بخبركن عقب :)

سرت لها ثلاث مرات وكل مره اشووووووووف شي

شرات شو ؟!! ..

بنات بخبركن عن شي عجيييييييييييييييييب ..

اول مره اشووووووووووفه .. وااااااااااااااااايد عيبني ..

في محل مال تصوير .. في القريه الاماراتيه .. اسم ( عكس للتصوير التراثي ) ..

والله كشخن عيالكن و ودنهم هناك .. رووووووووووووعه من الخاطر ..

مسوين يلسه ابدويه .. و وعطون الياهل خيزرانه و حاطين صقر يدامهم .. ( هب لعبه تراه حي ) .. المهم واليلسه وايد حلوه .. يلعبون بالصور والياهال تظهر صورهم واااااااااايد كشخى .. وفي بعضهم كبار مصورين ..

السموحه :)

انا سرتها كذا مره دشيت القريه الكويتيه شوووووو الثياااب رووووووووووعه رووووووووعه بس وايد مغلييين هالسنه تنوره ب 500 !! مايصيييييير بس بصراااااحه الثيااااب روووووعه في هالقريه

ودشيت القريه القطريه وشريت عطر شبيه بعطر كوكو شانيل وعطيته هديه للوالده لوووووول

وبعد دخلت القريه التايلنديه وشريت وتعرفوون سوالفهم وجي جنه نحن في بانكوك هههههههه ازدحام عليها هالقريه

وبعد دشيت قرية شنج شانج شوون ههههههههههه الصينيه وسويت ميداليه باسمي للموبايل لووووول

اممممممممممممممم هاللي اذكره لووووول

والسموحه :)

اختكم
مياميuae

انا وايد احب القرية العالمية العام رحنا دبي ويكاند بس عشانها
يا ريت تصير فرصة واروح السنة
عموما جربوا الزعيم الاسيوي من عند ام عوض
:)

تسلمن الشيخاااااااااااااااااات :)

بنات شو رااااااااااايكن في الاكسسوارات اللي تنباع في القريه اللبنانيه ؟! ..

اوكيه !! ..

هلا والله

ابصراحه انا احب كريمات للجسم من القريه الكويتيه

واسمحيلي لاني من زمان ما رايحه

من القريه اللبنانيه اخذت صوابين خان الخليلي
ومن الكويتيه من الشايع لوشنات

سيري الكويتيه عند محل اسمه الشايع وخذي عطر فراش اسمه هولو وترومين تستعملينه حق الثياب والغرف وسعره25وبعد شي فالقطريه واحد يبيع مخللات وبهارات عجيييييييييييييبه

في القريه الكويتيه في محل واحد كويتي يبيع عطور وهالسوالف .. الصراحه كشخى ..

بس اول مره اسمع عن اللوشنات .. لاني ولا مره خذت من هناك ..

يبالي اسير واشووف :)

رحت القريه يوم الاثنين اللي هو يوم الحريم ولا في زحمه ولا شي المهم


القريه القطريه

اخذت من عندهم دهن عود ريحته تهبل تقليد وكان سعره 15 درهم ما بتصدقون واسمه انوا مكه واخذت بعد بخاخ اسمه غلا زايد بس ريحته بسرع تطير وكان سعره15 درهم بعد


وفي محل يبيع جلابيات جديده و تهبل واسعاره بعد المكاسره زينه




القريه الكمبوديه


اول ما تدخلين القريه في حرمه فلبينيه على ما اعتقد تبيع علب للكلينكس وسله للزباله الله يعزكم وعلبه للحلاوه يعني هو طقم بس انتي ترومين تاخذين اي واحد تبينه بروحه ديزايناتهم رووووووعه ومبتكره والوان زاهيه ترومين تحطينهم بحجرتش او مجلس الضيوف وعطتنا على 70 درهم طبعا الطقم كامل وفي معاه سلهمع كريستال تابعه للطقم للفواكه رهيبه بس ما خذناها




القريه الصينيه

عندهم مجسمات مائيه مع بخار وتسمعين خرير الما مع اضائه خافته قالي 110درهم عاد انا حسيتها غاليه شوي وما اشتريتها





القريه الهنديه




عندهم اكسسوارات هنديه ارخص من مينا بازار

وعندهم سباط يعني احذيه الله يعزكم ياخذونهم الحريم مع اللبس الهندي والمغربي واسعارهم على30 بس شفت حريم يجربون جدام الريال وهو يالس عند ريولهم احس الحرمه لازم يوم تجرب لازم تلف شويه وتقايس وتحاول ان الريال مايشوف ريلها من باب الحشمه والتقوى


القريه اليمنيه


عندهم زبيب وهيل وهالاشياء بس سبشل لهل طعم وريحه تحسينها طازجه