شو اكلتي ولدج ؟؟؟

[align=justify]

انا بالنسبة لي أعطي بنتي روب...... أحيانا بروحه و أحيانا ويه عسل أو رز مصري.
و أعطيها يوم واحد في الأسبوع صالونه ... يعني قطعة لحمه و خضار من الصالونه..
و أعطيها محلبيه بس تكون بالرز المصري ويه الحليب الخاص بالأطفال و شوية سكر و أحيانا كستر. و بالنسبه للفواكهه أعطيها منها الموز و البرتقال و الحين موسم الفراوله أعطيها بس قليل جدا لأنه يسبب اليها حساسيه و في فترة من الفترات كنت أعطيها كمثرى و لما حسيت أنه يسبب اليها أسهال وقفت عنه و أما بالنسبه للتفاح بعض الأوقات اسوي اليها تفاحه أقشرها و أسلقها و أضيف اليها شويه نشأ.

أما بالنسبة الى البيض المسلوق و الدجاج أعطيها في بعض الأحيان.

اختي جامي..ما انصحج بالبروكلي في هذا السن..لاني اول ماعطيته ولدي سواله حساسيه احس انه ثجيل على المعده...
سويلها عيش مصري مع تفاح وحليب وشوي شكر...هذي وصفه خذيتها من المنتدى واايد روعه..عقب مايستوي العيش...حطيه في الخلاط وحطي التفاح والحليب اللي هو حليب الاطفال رقم او رقمين( مرات كنت اسويه بالحليب ومرات لا) وحطي شوي سكر نبات او الشكر العادي..واخلطيه وعطيها..

وممكن بعد عيش مصري مع الحليب بدون تفاح ...يستوي ارز بالحليب

عندج وصفه ثانيه بعد...ممكن تفوريلها السميد مع التمر..حطي التمر واهرسيه وخليه يفور شوي وعقب صفيه...وخذي الماي ماله وخليه يطبخ مع ملعقتين او ثلاث سميد.(ممكن نشا بدل السميد) ..بيستوي مثل المهلبيه...

بالنسبه للوجبات ابدأي اضيفي البازيلاء واللوبيا والذره وشوي عدس..يعني كل مره نوع من الحبوب تخلطينها مع وجبه الخضار(الكوسا والجزر والبطاطا) مع العيش طبعا..... وعقب اسبوع مثلا اضيفي الدجاج بس قطعه صغيره..بالنسبه للملح عادي حطي شوي انا كنت احط قطعه صغيره ماجي للاكل على الاقل يسوي شوي طعم واذا مب حابه الماجي ممكن ملح...وماعليج من كلام الدكاتره بدون ملح وسكر

سويلها شوربة خضار كوسا جزر بطاطا مع ملعقة شوفان (مفيده وايد) ممكن بدل الشوفان العدس...

العرايس كفوا وفوا:up:

انا الصراحة ابدا ما انصح بالملح او الماجي .. إلا في حالة اذا الطفل ما رغب في الاكل ممكن نضيف قليل من الملح
او اضافة قليل من التفاح بدلا من السكر .
انا ولد اختي ما كان ياكل وقامت الخدامة وضافت الملح ومرات ماجي .. وما شاء الله عليه يوم كبر الله يحفظه ... ما تتخيلون يصب الملح كله في فمه وبعد يتلذذ فيه
الموضوع كل مافيه مسألة تعود فلا توعودون اعيالكم على الملح والسكر
ممكن يأثر عليهم يوم يكبرون ...
وسلاللالالالامتكم :shy:

نجمه الرضا ياليت لو تقولين كم عرم بنتج ؟؟

الفجر البعيد
بالنسبه للوجبات ابدأي اضيفي البازيلاء واللوبيا والذره وشوي عدس..يعني كل مره نوع من الحبوب تخلطينها مع وجبه الخضار(الكوسا والجزر والبطاطا) مع العيش طبعا..... وعقب اسبوع مثلا اضيفي الدجاج بس قطعه صغيره

عيديلي هذا القسم .. كيف دياي بنتي لحد الحينه ما عندها اسنان .. كيف اسوي هالوجبه


سنو وايد .. مشكورة على الحضور

دانه انا بعد ما احب احط ملح .. لكن كل ما سألت حد قالي ملح .. قلت شو السالفه خلني اسأل خواتي في منتدى عروس

و تسلمون ما تقصرون

[align=justify]

هلا Jami
بنتي الحين ما شاء الله عليها سنة و سبعة أشهر بس للحين أسوي اليها في الخلاط لأنها ما تتحمل و بسرعه تفرغ و من هالسبب أصلا شهيتها معدوووومه للأكل و لويش أسوي اليها ما ترضى تاكل بسهوله بس أني الحمد لله مواصله وياها علشان صحتها و لو أنها ضعيفة و على كل حال الحمد لله رب العالمين على النعمة الليي أعطانا أياها

على فكره أني نسيت ما ذكرت اليش السمك .. ترى جدا مفيد للأطفال تقدرين تعطين بنتش من الحين و شوي شوي و بشكل تدريجي و اذا ما عجبها سوي اليها صالونه سمك لأنه أغلب الأطفال يرغبون اليها

اختي جامي اللي اقصده هو انج تحلين وجبة الغداء الرئيسيه جزر وكوسا وبطاطا وعيش...مثلا لمده اسبوع...وعقب ابدئي ضيفي يوم عدس...ويوم لوبيا...ويوم بازيلاء..ويوم ذره....خلي بين كل اضافه ثلاث ايام..عشان التحسس....عقب اسبوعين اضيفي الدجاج...بالنسبه للاسنان انتي اول شي بتهرسين لها الاكل عدل وبعدين هو سهل المضغ حتى بدون اسنان...اذا سويتيه بالعيش المصري يطلع اكثر سائل وسهل البلع ..واذا العيش العادي يتماسك اكثر...جربي الاثنين...

وسلامتج...

امس جربت العيش العادي ...
تكرمون رجعته ... ثقيل وايد عليها ... و ما حبته

اذا اول مره تعطينها العيش المفروض مايكون غليظ ..زيديه ماي يكون شبه سائل وبعدين شوي شوي تغلظينه ...بعدين مايستوي تعطينها العيش بروحه ماله طعم..حطي وياه كوسا مثلا...واخلطيهم مع بعض.

انا عن نفسي اعطي ولدي كل انواع الخضرة (جزر بطاطس بروكلي لوبيا بازلاء ... الخ)... ومن شهر بديت اعطيه السبانخ والفقع ... بس انا احطله بدل العيش العادي ..عيش المعلبات مالت الاطفال لانه يعطي نكهه بدل ما احط الملح والماجي


اما عن الفواكه اعطيه تفاح برتقال كمثرى موز خوخ عنب اناناس والحمدلله ما يشتكي من شي

واحاول هاي الفترة اعطية من الاكل الي نحن ناكله مثلا ..

الشوربه بالدجاج ( طبعا اخلطه فالخلاط اول ) .. وشوربة اندومي

المضروبة والعرسيه والعيش العادي الي نحن ناكله

الكستر والمهلبيه والكرميل والفرني ...

بس ما عطيته اللحم والسمك الين الحين لانه معدة البيبي ما تستحمله خليته حق عقب السنه .. اما الدجاج بديت معاه من نص الخامس

امس كنت معزومه بيت اهل زوجي ضيفونه كيك وبسبوسه وحلوى كلت واكلت ولدي من كل شي ..

اشربة عصاير مال الاطفال الي تنباع فالجمعيات

ولا تنسوون السيريلاك والفارليز

وما شاء الله عمر بنتج قريب من عمر ولدي يعني المفروض بادية من زمان انا بديت معاه من نص الرابع :think: