يا أخوات ضميري يأنبني وهو حلاااااااال ؟؟؟

ارفقي به , فالرجل في هذه الفترة العصيبة لا يريد من ينكد عليه , يكفيه ما فيه ..

كوني عونا لزوجك , ولاتكوني للشيطان عليه ..

وأما إن تضايقتي من زيارته فصارحيه , بالتوقف والصبر الى أن يحين موعد الزواج ..

والله يا اختي ما اقول الا انشالله ربنا حيفرجها معاكي...مالك الا الدعاء....و على الي بيصير بينكم...هو حلال ما فيه اي شي....بس عاد انا خايفه عليكي لا يتمادى و يحصل شي يخليكي تندمي....عشان كده خليكي حريصه على حالك و لا تخلي الموضوع يتطور اكتر من كده...انتي ما تعرفي الزمن ايش مخبي....و زني عليه يشد حيله و يخلص البيت....
بس انا عندي استفسار...مادام هو حالته الماديه تعبانه و انتوا عارفين انو حيطول في فرش الشقه....ليش ملكتوا بدري؟

على العموم موفقه انشالله و الله ييسرها معاكي :)

لا تستهمين ولا تضايجين الريال معاج :)

اذا كنتي حاسه بتأنيب الضمير فلا تخلين هالاحساس يغلب عليج ويدخل الضيق والزعل بينكم ..
الغاليه انتي ما تسوين شي غلط بس انا انصحج اذا كانت العلاقه بينكم مضايقتنج انج ما تتنازلين له دووم ولا تمتنعين عنه دوم يعني خلي علاقتج معاه حاليا بين مد وجزر .. مره تعطينه شي من اللي يباه ومره لاااااا .. طبعا ما تمتنعين عنه جذا منه والدرب .. لالا لازم يكون باسلوب وبدلع عشان ما يحس انج زعلانه وما انصحج تمتنعين عنه ابد لاني متاكده لو امتنعتي عنه مره وحده بيضيق وبيبقى زعلان منج خااصه انج عودتيه على هالشي من قبل ..
ان شاء الله بتمر الايام بسرعه وما بتحسين فيها والله بيفرج ضيقة زوجج ويرزقه من كل خير يا رب بس اهم شي لازم نفسيتج تستوي دايم للاحسن وكوني متفائلة دوم لان الريال ما يحب البنت النكديه والا اللي تتضايق اغلب وقتها

الله يحفظكم ويخليكم لبعض امين

وعليكم السلام ورحمة الله وبركاته



أختي الكريمة (همسة قلبي)

اسمحي لي بالرد عليك وأتمنى يكون في جوابي الرد الكافي والشافي..

أول شي أختي العزيزة أنت متملكة يعني بينج وبينه عقد زواج ولكن بحكم العادات والتقاليد

إللي ماشيين عليها بعض الناس، تكون هناك فترة للخطوبة وبعدها الزوجين يقررون متى العرس

وفيه ناس يخلون فترة الخطوبة من غير عقد يعني لما الخطيب يبي يشوف خطيبته لازم يكون معاها

محرم.. أو فيه ناس يتممون الخطوبة والزوجين ما يشوفون بعض إلا ليلة الدخلة.. وكل هالأمور

راجعة للعادات والتقاليد.. دام بينج وبينه عقد معناها أنتي زوجته الحين مو خطيبته والدليل

أن أي وحدة مملوكة وتبي تنفصل تعتبر حالتها حالة طلاق وتعطى ورقة طلاق وإذا تبي

تتزوج مرة ثانية يكتبون في العقد عدد مرات الزواج (1) لأن ملكتها الأولية تعتبر (زواج)

ودام أنه زوجج فكل شي يصير بينكم يعتبر حلال من لمس وتقبيل وكشف للشعر... الخ..

وأذكر أني شاهدت برنامج سألوا الشيخ عن الحمل الذي يحدث أحياناً فترة الخطوبة

(الخطوبة مع عقد وليس بدون عقد) فقال هذا حمل صحيح وليس باطل فهم يعتبرون أزواج

ولكن العادات والتقاليد هي التي ترفض الحمل فترة الخطوبة هذه.. وقال عند العقد، يعطى الزوجين

ورقة الزواج.. فهل بعد الزواج تتغير هذه الورقة؟ يعني هل بعد الزواج أختي بيعطونج ورقة ثانية

مكتوب مثلا عليها ورقة ما بعد الزواج؟ لا يا أختي ورقة الزواج هي وحدة ...

وإللي يصير بينكم ما يعتبر خيانة لأهلج، الريال هذا هو زوجج.. لو مو زوجج كان أهلج ما خلوج

تقعدين معاه لحالكم!!! يعني أنتي لا تخلين الموضوع يوصل إنه يصير شي كبير

وهالشي خليه لبعد الزواج ، لكن باقي الأمور عادية وأكيد زوجج بيطلبه منج.. عيل ليش هو متزوج؟

مو علشان يسوي كل شي بالحلال ويصون نفسه؟؟ لا تضايقين نفسج حبيبتي وما يحتاج

تصيحين وتضايقين زوجج في لحظة سعادته معاج.. إذا طلب أشياء أنتي ما تبين تسوينها الحين

تقدرين بأسلوب حلو وبدلع تقولين له أنه ودج هالشي يصير بعد الزواج، ودامج تقولينها وأنتي

تتدلعين عليه صدقيني ما بيرد لج طلب.. بس لازم فيه بعض الاشياء توافقين عليها ، علشان

تصبرين زوجج لي وقت الزواج... ولازم عزيزتي تكونين سند له وتوقفين معاه بكل ظرف يمر فيه

والله يفرج همكم ويعدل وضعكم، وعليج بالإستغفار ففيه كل الخير إن شاء الله وجلب للرزق..

لا تتضايقين عزيزتي، فهذا زوجج وقرة عينج وإللي يصير بينكم حلال وما له دخل بخيانة الأهل..


الله يتمم لكم الزواج على خير والله يجمعكم ببيت واحد بأسرع وقت..


و السلام عليكم ورحمة الله وبركاته

هلا أختي.....ماشاالله عليهم البنات ما قصروا في الردود....بس أنا حابه أذكرج بشي...صحيح ان علاقتكم ألحين بالحلال..بس ومثل ما قالوا البنات العادات والتقاليد تحكم....أنتوا مطولين بالخطوبة وايد، والظاهر أن موظوع الزواج صعب حاليا، فحااااااسبي يصير بينكم شي (كبير)، أنتوا تكونون بروحكم مع بعض ومحد يضمن نفسه.......أنتي فكري في المستقبل اللي ما يعرفه إلا رب العالمين، إذا لا سمح الله انفصلتوا شو بيكون مصيرج.....إذا الموضوع مجرد مداعبات بسيطة مو مشكله، لكن إذا شي ثاني محد بيقول بالحلال، وأنتي أدرى بكلام الناس،،،
ومثل ما تفظلوا الأخوات أنتي لا تزعلينه، بس في حدود المعقول، وحاسبي على نفسج، والله يوفقج

الحمدلله البنات كفوا ووفوا بس حبيبتي

صحيح علميه بدلع حبيبي ودي أيلس معاك والأشياء اللي تسوونها بس خليه عقب الزواج وحاولي بشطارطج تنسحبين تتكلمين عن أشياء بعيدة عن ها السوالف علشان الريال ما يفكر بها السوالف خبريه إنه كل شيء في وقته وحلاة ها الأشياء في بيتكم وعلى فكرة بعدين بتملون من بعض

يا بنتي المجتمع ما بيرحم خصوصاً البنت لو صار شيء عووود قبل العرس ما عندهم ملجة وخلافه لا عندهم البنت ما تكون متزوجة إلا بعد ما يشفونها على الكوشة وياخذها ريلها لبيته

حبيبتي حاولي تنسحبين بس شوي شوي أحسن لج وله

انا رايي من راي الجماعه
و اقول انج تكونين مره له و مره تمسكين نفسج بس باسلوب راقي و دلع و تمنع
و اذا على موضوع الحاله الماديه اصبري عليه ترى الصبر مفتاح الفرج
انا ما الومه لانه عقد العقد و اخر الزواج بس هذا افضل من انه يمشي بطريق حرام لا قدر الله لين الله ييسر اموره و بعدين يفكر بالزواج
فكري بالهاطريقه زوجك اختار الحلال على الحرام و اكيد رب العالمين بيجزيه خير عليه ... و انتي كوني عون له ليس عليه ... كوني معاه على الزمان و لا تكوني مع الزمان عليه
لابد و ان في قلبه هو بعد متشوق لعش يجمعكم لوحدكم لكن اليد قصيره ... و ما ضاقت الا فرجت ... ثقي بالله و توكلي عليه و ادعي لزوجك دايما ان الله يفرجها عليه و ييسر اموركم و يعجل بجمعكم في بيت واحد و الله يستجيب لدعائج ان شاء الله

و بالنسبه لموضوع المداعبات و اللي يصير بينكم دامه حلال و ما فيه من الحرام شي فلا تتضايقين ... خليه بين ايديج لا يروح لغيرج ... ثقلي عليه شوي و قوليله ما ابيك تتعود علشان لا تمل و بعدين تتزوج علي :) مثلا مزحه ... و تحججي له مثلا تعبانه ... مرهقه ... ضايجه .. و من هالحجج اللي فيها دلع ... ولكن لا تمتنعي عنه مره وحده لا يزعل عليج
ارضيه بالمقدور عليه ترى رضاه من رضا رب العالمين

و الله يوفقكم لما يحبه و يرضا و اييسر اموركم

و السلام ختام

انا خطوبتى طولت ولما ابويه شاف الوضع كده قالى خلاص مايجي غير مره فى الشهر ومافى مكالمات تليفونيه
يعنى ابويه شد عليه شويه بس كان لصالحنا
والله بعدها صار يسرع فى تجهيز الشقه الين ماتم الفرح
احب الفت انتباهك ترى ايام اخطوبه احلى ايام لا تفوتيها عشان كلها غرام وحب واشتياق وتقرب للطرف الاخر استمتعى بيها وخلى زوجك يستمتع كمان واعطيه شئ احسن من لاشئ لكن كونى عاقله ورزبنه ترى الرجال فى ها الشي مجانين

وصدقينى اهلك عارفين كل شي لكن هذا حلالك
والله يسعدك

أختي همسة قلبي

الله يفرج همكم ويعدل وضعكم، وعليج بالإستغفار ففيه كل الخير إن شاء الله وجلب للرزق..

لا تتضايقين عزيزتي، فهذا زوجج وقرة عينج وإللي يصير بينكم حلال وما له دخل بخيانة الأهل..


الله يتمم لكم الزواج على خير والله يجمعكم ببيت واحد بأسرع وقت..

أختج الصبوره

السلام عليكم ورحمه الله وبركاته
اختي
ليش خايفه؟
ليش تحسين بعذاب الضمير؟
مو اهو زوجج الحين؟
والمداعبات اللي بينج وبينه تتم بالحلال؟

اذا كانت اجابتج بنعم
مافي مشكله
ولاا تتضايقين وتضيقين على زوجج
بس
احذري من انه المداعبه تتطور لشي كبير
اياكي
والا بكرا لا سمح الله حصل زعل بينج وبينه
راح تنلامين انتي محد غيرج ييبنلام
وصبري على زوجج
ترا محتاج لح
واذا حسستيه انح متضايقه
ترا الشيطان يوسوسله بالحرام بعدين

خلي بالج طويل وحاولي تسيطرين على امداعبات علشان ما تتطور
و ان شاءالله الله يهنيج ويريح بالج معاه

السلام عليكم

ماشا الله عليهم البنات ما قصروا في الردود.....وانا حبيت اضيف شوي...

انت لا تعطيله كل شي ... لانه اذا لقى كل شي ماراح يسرع ويكمل الامور ....

فانت خليكي شوية بعيدة...

انا مملكة ... وهو يجلس معي ولاكن انا ما عطيته شي ... ولانه تجنن ..حدد بسرعة موعد العرس وضبط الامور ....

الله يسعدك دنيا واخرة

اول شي لا تخليه يقرب منك ولا يلمسك..وفهميه بطريقة غير مباشرة ومموهة انو ممنوع يقرب منك الا لما تصيرو ببيت واحد...وهل طريقة رح تنفع لانو الظاهر انو هو غريزي شوي... وبما انك عم تعطيه الي بدو اياه فشي طبيعي انو يتهاون بتحصيل المال حتى يتم الزواج..واحد اكل شارب نايم وعندو بنت بتعطيه الي بدو اياه وبدون مسؤولية بيت والتزام كامل...اكيد رح يأخر الموضوع اذا ما كنسلك اصلا.... ويؤسفني خبرك انو فعلا انتي عم تخوني اهلك بهل طريقة

انا اعتقد انه لما تعطينه شوي وتقطعين اشوي افضل بس لازم تحترمين رغباته لانه اذا رفضتي صدقيتي بيبتعد وحاولي تطلعين معاه اكثر من انك تقعدين بروحك معاه واذا قعدتي حاولي تنادين امه مثلا اذا كنتي عندهم اخته او اذا كان عندكم بالبيت قعدي معاه ويا بيتكم اخوانك ابوك افضل

الأخوات ما قصروا

واحب اضيف نقطة ثانية

من رايي .. تكونين شوي صارمه معاه

اقصد يعني ما تعطينه كل شي يبيه

لأنه سبحان الله يمكن الحين هو مرتاح بهالوضع

وكل شي يبيه يحصله بسهولة ..

وبجذي ما راح يضغط على نفسه ويجهز عمره حق الزواج والبيت

ان شاءالله تكون وصلت المعلومة؟!

اللي اقصده حسسيه بالحرمان شوي.. عشان يشتاق أكثر ويشد الهمة

وينتظر اليوم اللي يجمعكم ويا بعض بفارغ الصبر

وبالتوفيق ان شاءالله

الله يسرها عليكم ويفك ازمته ويطير بج الى العالم اللي تحبينه

باسرع وقت انشالله

بس ماوصيج الدعاء اكثري منه

وانشالله الفرج قريب

باذن الله

شوفي لأزم تحطين ببالج نقطة مهمة جدا


جدا
جدا


جدا



ان اللي نافيه خير بأهله مافيه خير بالناس


أهلج أهلج



ثم الزوج


وانتي فاهمة طبعا وانا اتكلم من خبرتي الواسعه في الحياة

أم حسن ولو بغيتي شي نحن تحت الطلب

نصيحتي لج اختي لتوافقين على هذا الوضع ولاتسلميله نفسج حطي في بالج ان انتم يمكن ماتتزوجون

ان شاء الله ربي يفرجها لك...

مالك الا الدعاء,,,,,,