خبيرات التجميل...بشرتي شاحبة و باهتة بعد ماأحط مكياج...ساعدوني

F

FLoOoOoOoNA

عروس مبدعة

27-12-2005 | 08:47 AM

السلام عليكم ورحمة الله وبركاته ...

اشحالكم يا خبيرات عروس...عندي مشكلة عويصة وانشالله ألقالها حل عندكم...

أول شي أنا مب خبيرة بالمكياج...يوم أحط كريم الأساس و أتمكيج أحس انه ويهي ايكون شاحب و باهت مادري ليش...ممكن ايكون من كريم الاساس نفسه...مع اني أستخدم كريم اساس ديور مع بودرة نووبا,,,

بليز انصحوني شو أغير و لا شو آخذ...مع العلم اني ماأحط شي قبل كريم الاساس....عطوني نوع ينور البشرة و اتكون حلووووووووووووة,,,,

ويزاكن الله ألــــــف خيـــــــــــــــر.....

و

وطن

عروس ماسية

27-12-2005 | 10:23 AM

جربي مستحضرات الاضاءة من شانيل

وايد حلوة

وعندهم مستحضر اضاءة خاص بس بالمناسبات يعني مو للاستخدام اليومي
تستخدمينه بس اذا عندج مناسبة

F

FLoOoOoOoNA

عروس مبدعة

27-12-2005 | 10:27 AM

مشكورة وطن عالرد...انشالله اجرب و شوف النتيجة .... بس مستحضرات الاضاءة هي عبارة عن شو بالضبط....كريمات أساس..؟؟؟

s

sadlove

عروس رائعة

27-12-2005 | 10:36 AM

السلام عليكم

اختي انا نفس مشكلتش..

بإمكانش تجربين كريم اساس من لانكوم اسمه Photogenic Ultra Confort
انا جربته . وايد حلو وهو اصلا ينور البشرة ,ويحتوي على مضيئات.. واختي استخدمته ومدحته بعد.. ان شاء الله يعجبش

ووهاي صورته

او استخدمي منتجات أضاءة البشرة..مثل اللي ذكرته اختي وطن.. وتقريبا معظم ماركات التجميل عندهم منه..وتحطينه على عظمة الحاجب. وعظمة الخد..وخط الانف.. فينور الوجه وهي تأتي على شكل سائل او بودرة او حتى ستيك يعني مثل القلم.. اذا حبيتي بحط لش أساميهم...

تحياتي.....

F

FLoOoOoOoNA

عروس مبدعة

27-12-2005 | 10:55 AM

مشكووووووووورة sadlove عالرد...

بس الشيخة ما خبرتيني كيف استخدمه...أحطه قبل كريم الاساس و لا مافي داعي احط كريم اساس...

والسموحة ....

و

وطن

عروس ماسية

27-12-2005 | 11:06 AM

اختي اللي انا اقصدهم عبارة عن لوشن + سيروم + كريم اضاءه

وتستخدمينهم مثل كريمات ترطيب البشره على البشرة كلها واذا استمريتي عليهم لمدة اربعة اسابيع منتظمه راح تشوفين النتيجه على بشرتج

بس عموما استخدامهم تحت الفاونديشن والبوردة وايد حلو للبشره وينورها

s

sadlove

عروس رائعة

27-12-2005 | 11:07 AM

السلام عليكم

اختي اللي في الصورة.. هذا كريم اساس أستخدميه عادي.. يعني نظفي البشرة ورطبيها بكريم الترطيب .. وحطي كريم الاساس.. يعني الخطوات المعتاده..

اما مضيئات البشرة..اللي على شكل سائل فلها اكثر من طريقة استخدام..أول طريقه: انش تخلطينها مع كريم الأساس على إيدش يعني خذي الكميه اللي تكفيش واخلطيهم ووزعيهم على الوجه ..
الطريقه الثانيه: هي بعد ما تحطين كريم الأساس والبودرة على الوجه..تحطين مضئ البشرة السائل على عظمة الحاجب.. عظمة الخد .. وخط الانف.. وحتى على الذقن.. طبعا بكميات قليله...مع التوزيع الجيد بالأصابع
الطريقه الثالثه: انش تحطين مضئ البشرة على الوجه قبل وضع كريم الأساس....
وبإمكانش استخدامه للجسم في حال كان عندش حفله
اختاري الطريقه اللي تريحش...

اما المضيئات اللي على شكل بودرة.. هاذي أسهل شوي.. تحطينها على الوجه بعد ما تنتهين من وضع كريم الاساس وبودرة الوجه العاديه....يعني لمسات بسيطه.. وممكن كذلك للجسم....

واللي على شكل قلم.. توضع بعد وضع كريم الأساس والبودرة العاديه.. على عظمة الحاجب.. خط الأنف .. وعظمة الخد..

ملاحظة: في حال كانت البشرة صافيه ولا تعاني من كثير من العيوب فابالإمكان استخدام مضئ البشرة لوحده..

واي سؤال انا حاضرة.....

تحياتي....

F

FLoOoOoOoNA

عروس مبدعة

27-12-2005 | 11:11 AM

حبايبي وطن و sadlove....أشكركم عالمعلومات القيمة....خلاص انشالله بسير باخذ مستحظرات الاضاءة من لانكوم و باخذ كريم الاساس...ويارب تطلع النتيجة حلووووة....

M

Manary

مشرفة سابقة

28-12-2005 | 05:38 PM

البنات ما قصروا

بس العناية اهم

اخذي منتجات عناية زينة و حسني نوعية اكلج و شربي ماي وايد