ابي رايكم في شعر بنوتي

والله هي من السنه انج تحلقين شعرها ..

انا عن نفسي حلقت شعر ولدي بالمووس من كمل الاسبوع

وشعرة طول الين ما طول ...

بس طبعا يختلف من طفل لطفل ...

واذا ما حلقتيه ترا امبونه بيطيح بروحه ..

فالاحسن انج تحلقينه ...

اكيد بالموس افضل....... اذا حلقتيه بالمكينه ما بتشل الشعر كامل ... امهاتنا يقولون شعر البطن ما يربي الياهل

انا بنتي لما طلعت من الاربعين حلقتها بالموس
و تبون الصراحه وااااااااايد تأخر لين طلع بس بعدين طلع روعه و اكثف عن قبل
انا تضايقت يوم تاخر و قلتلهم كله منكم اخر مره اسمع كلامكم بس بعدين و الله صار حلو و لما كملت السنه صرت احلقه لها بالمكينه اخففه يعني و الحين الحمد لله يجنن

الله يبارك فيهم

انا وقت حلقت لبنتي بالموس الله لا يوريكم
الصراحة ندمت كثير
طلع شعرها واقف وخفيف للحين ما كان يهبط
والله زعلانة عليها معرف شو احط لها عشان يرد ينزل
وهو اصلا كم شعرة خلوها لله

أنا عن تجربتي حلقت ولدي بالماكينة من كمل الأربعين و الحين عمره الله يحفظه 5شهور و بدخل بالسادس و الشعر اللي قدام طلع واللي من ورا ما راضي يطلع بس شو أسوي خليها على الله

اهلييين
انا عن نفسي حلقت شعر بنتي بموس على الرغم ان كان كثيف وايد بس لان من السنة الحلق والعقيقة من يكمل اسبوع ... والحمدللة صار طويل واكثف زيادة

شعر البطن مثل ما يقولون عادة ما يتم.. ويتساقط بعد مدة..
فما راح تخسرين شيء لو حلقتيه..

افضل الموس ، أأمن عالصغير. :)

سحابة الليل
زيت السمسم ينعم شعر الطفل و آمن على بشرته بس تأكدي انه طبيعي

دلوعة ريلي بالنسبه للشعر الخلفي لرأس الطفل طبيعي انه يطول بالظهور لانه الطفل في هالفتره ينام أغلب الوقت فبتلاحظين ظهور الشعر ان شاء الله من يبدا ينقلب و يتحرك

آنه رآي من رآي العرايس إنه تحلقينه بموس أحسن حتى لو طول بالظهور لكن أحسن للشعر يمتن ويغلظ ويحلى وبعد الحلاقه روحي العطار(الحواج) وإسألي عن زيوت طبيعيه ما تأثر أو ماتكون قوية على الطفل مثل زيت السمسم ،الجرجير ،الحبه السوده وغيرهم وإبتدي بتزيت شعر بنتج أو صلعتها:bigsmile: من بعد الحلاقه مباشر وواصلي عليه حتى إذاظهر الشعر وإدعيلي مو دعين علي

الحين السنة تحليق الشعر للاولاد بس ولا الاثنين؟؟ من الافضل التحليق فعلا لانه الشعر بيطيح .. بس انا ماحلقت شعر بنتي .. والحين شعرها حلو بس مب غليظ ولا هو خفيف.. اظن هالشي يعتمد على شعر الام والابو.. ماله علاقة بالتحليق

نصيحة مني أن تحلقين شعرها بالموس، آنه ولدي ماخلاني زوجي أحلق له ويوم صار عمره 6 شهور حلقنا شعره، شو تتوقعين تحت الشعر وله وصخ مال البطن ، الحمد لله ماصار فيه شي ويوم قالوا من السنة أن تحلقين لأن كل شي وله حكمه سبحان الله...

مشكورين بنات وخلاص انشاء الله بحلقها بالموس يوم تكمل ال 14 يوم لان السنه انها تتحلق يوم 7 او 14 او 21

الله يحفظها لج

حلقيها و بشرينا عنها اقصد عن صلعتها :) هههههههه

انا ما ادري عن الحلاقة اصلا بس امي حلقت شعر اختي بالموس رغم انها صلعة اساسا ( كلنا ننولد بدون شعر )

وشعرها طول لين طلع بس طلع ناعم مو بسبب الحلاقة لان هذي طبيعة شعرنا

عن نفسي اموت في البيبي اللي مافيه شعر ولا احب البيبي اللي شعره كثيف احسه غريب !!

اكيد لو الله رزقني طفل فيه شعر كثيف ( رغم اني اشك في هالشي ) بسويه اصلع

الصراحه بنتي ما حلقتها, نزلت و شعرها ناعم بس شعر البطن طااح و شعرها من النوع الخفيف بس بعد انعم عن شعري بشوي لان طبيعه شعرنا مجعد...بس قصيته و عدلته له..والحين اشوفه بدا يغلظ شوي اظاهر طالعه على خالتها شعرها خفيف..
المه حتى لو يبت ولد بحلقه بس البنت لأ.. اقصص و اعدل له احسن...وهذا رأي...

السنه تحلقينه باليوم ال 7 او 14 او 21
بس انا اعاني من نفس مشكلتج محتاره بين الموس والمكينه......خاصه ان الجو بارد

تحيه وبعد.....

أنا بصراحه ما احب البنت الصلعه :(

خصوصا ان بنتي شعرهاااا خفيف ...... بس ما حلقت لها ....

ان شاء الله اذا جاني ولد بحلق له.....

هلا أختي

الغالية ما أنصحج بالحلاق سواء ماكينة او موس لان ولد اختي يوم هو صغير كان شعره يهبل لكن لما كمل تسع شهور تقريبا أبوه حلق له شعره ومن يومها أخترب شعره وصار يابس والحين كمل السنتين ودخل الثالثة وللحين شعره يابس ولا تغير

ونفس الشي صار لعيال جارتنا والحين عمرهم أربع سنوات ولا رجع نفس قبل

وصديقتي عمرها الحين 25 سنة وشعرها يابس مع ان خواتها كلهم شعرهم نفس الهنود من حلاته ويوم سألتها خبرتني انها يوم كانت صغيرة امها حلقت لها شعرها واخترب

فمن الافضل تتركينه مثل ما هو لان اذا شعر بطن راح يتساقط لحاله وينبت بداله الشعر الدائم وحتى لو نبت لها خفيف تركيه لحين ما تكبر وقصيه لها ومع القص راح يطول ويغلظ >>>>>>>>>>>>بنت خالتي سوت لبنتها جذي والحين لو تشفين شعرها ما تصدقين عينج من حلاته