أخواتي اللي ربطو بطونهم بعد الولادة ادخلو أمانة وعطونا من خبرتكم

هلا بمدامت عزوز 0000شد ابطن ما عندي فكره بسسسسسسسس النونو الثاني ما راح يضف وجه الا بعد سته شهور تقريبا وبالتدريج 00هاذا الي اعرفه

هلا عزيزتى

عن تجربة ربط بطني بس كم يوم لان بالفعل تحسين بألم
ولكن بعد اسبوعين .. رحت المستشفي وكان عندي علاج طبيعي
فكنت البس مشد فقالت : لي المدربة
لا تلبسين شد .. ارخي عضلاتج افضل ..

وفيه وايد بنات لبسوا مشد ..بس للاسف بطنهم وايد كبر

يعني الحالات تختلف ..

بس بعد اسبوع من الولادة جبت وحدة تمسحني بعد اسبوع حسيت بفرق كبير بحجم البطن

أم ميادة ........... والله حلو اسم ميادة شكلي بقلب اسم بنتي مياده خلينا نحل مشكلة الكروش أول بعدين نجي للأسماء..... أنا لي سنة تقريبا من يوم جبت بنتي ولاخفت كرشتي بصراحة ودي أروح المستشفى يتأكدون لايكون فيه بيبي ثاني ناسينه :think:
اليت تقولين انتي ربطتي ولالا وهل فاد معاك
جمالك والله أهل الرياضة دايما هذا كلامهم يقولون الشد ماهوب زين بس فيه ناس كثير شدو وزبط معاهم ولاكأنهم خلفو بس أنا عني أتمنى فعلا يطلع ماهو زين لأني والله مافيه أمل أشد بعد اللي شفته
بعد شلون جبتي وحده تمسح لك بطنك يمكن قصدك مساج خبرينا بالله
الله يعطيكم العافيه خواتي اللي ردو بس ترا مايكفي وين الباقييييييييين
ياهوووووووووه ردو ياعالم ردو

أنا مثلش ربطت بطني بعد الولاده بأسبوع تقريبا و استمريت في الربط لمدة يمكن ثمانية الى عشرة أيام فقط و توقفت بسبب الألم الليي صادني من تحت و ظلت الكرشة فيني يعني ما راحت لدرجة أن وحدة من صديقاتي لما شافتني بولادتها ببنتها.... الليي هي الحين أصغر من بنتي بخمسة أشهر..... قالت الليي أكيد أني حامل!!! ضحكت عليها لأنه الليي تشوفه كرشه و كأني وقتها حامل...

بس على فكره أي وحده تولد طبيعي لازم من بعد الولاده و من أول يوم تسوي تمارين شد البطن و هي في المستشفى و لازم لما تنام تخلي روحها على بطنها علشان تنزل الكرشه للداخل و هذا كلام الممرضات بعد ولادتي ببنتي

السلام عليكم اخواتى
اما عنى انا فانا ما اربط لانى مرة سمعت اخصائية تحذر من الموضوع وتقول انه مو صحى وتكلمت على الاضرار اللى تصير لرحم نتيجة لذلك وفى نصيحة علمية لرجيم بعد الولادة هى الرضاعة الطبيعية بدون ما دخلى معها رضاعة صناعية ابدا وظل الام ترضع طفلها فترة لاتقل عن السنة وكل ما كملت السنتين كان افضل لها وتلاحظ الام الفرق من ستة اشهر بعد الولادة بس لا تكثرون الاكل وتعتمدون على الرضاعة

الحين من بين اللي دخلو عالموضوع بس 5 ردود أفاااااااااااااااااااااااا ماأعتقد الموضوع لها لدرجة غرييب يعني الربط كلن يتكلم عنه
بس برضه حاستناكم ياعرايس

أنا بعد ولدي عمره أكثر من سنه و للحين كاني حامل...ما استعملته لاني سمعت ايسوي هبوط في الرحم قلت يبا الكرش أهون!!
اللي قريته انا الوحده لازم تضعف+تركض وايد+رياضة شد البطن
صراحه صارلي فتره بسيطه والدكتوره اتقول لازم اتم اسوي شدي سنه لين ارجع نفس قبل
الله ايصبرني بس:qaq:

مرحبا خواتي الحوامل ..

ماحبيت أطلع من الموضوع من غير ماشارك ، مع اني البكريه وماجربت ، بس من الي قريته وسمعته من خبرات الي قبلي ، أول شي مب زين تربطين بطنج بالمشد ، لأن المشد مال الصيدليه هو الي يرخي عضلات البطن ، يعني ممكن تاخذين رباط خفيف تسوينه في البيت ، أو الغتره وتلفينها حول بطنج ، بس بعد أول اسبوع من الولاده ، ولتشدين على بطنج وايد ، كل يوم زيدي شوي في الشد ..
وبالاضافه إلى شرب قهوة القشر والشاي الأخضر .. ويقولون بعد مغلي قشر الرمان زين ، وتمارين البطن مب زينه علطول لازم تنتظرين فتره ..
وعودي نفسج وانتي قاعده تدخلين بطنج ..
وبالنسبه لربط البطن ، لتربطينه وقت النوم .. يعني كفايه 6 او 7 ساعات في اليوم ..

إن شاءالله باقيلي شهر أو أقل على الولاده ، بجرب وبخبركم :dd:

السلام عليكم :salam:




الحين ما عرفنا نشد البطن ولا ما نشدها :think:


موضوع يقول شدو وموضوع يقول لا تشدون مو زين :think:


نخاف نشد تسير فينا بلاوي


ونخاف ما نشد تمي الكرشه

والله احترنا


انا لي شهر من ولدت وشديت بطني حسيت انها خفت بس تعبت واايد شاد على بطني والحين يوم اشد بطني ويوم لا


ولسى الكرشه ما راحت بس اريد اعرف كم يوم اتمي شاده البطن ؟؟؟



ومشكوره اختي على الموضوع وان شاء الله البنات بيفيدونا


واتمنى للجميع التوفيق :handup::up:

حبيبتي أنا ولدت مرتين ولاده قيصريه وقالولي إنو الربط ماينفع علشان العمليه لكن أناربطت بطني بعد أسبوعين من الولاده ربط خفيف وإستمريت عليه إلين ماخلصت الأربعين وزياده والحمدلله ماصار ليا بطن ولا كأني حملت لأني كنت أربط وأمشي شويه

لكن بعد ولادتي الثانيه ماربطت بسبب ألم العمليه إلا بعد شهر لكن للأسف أتأخرت في الربط وتعبت وأنا أسوي رياضه إلين ماراحت بطني

نصيحتي ليكي إنك تربطي بطنك مع المشي الخفيف وبعد الأربعين أمشي كثير وانتي رابطه وإن شاء الله تروح بطنك بسرعه

انا عن تجربتي من اول ساعة خلصت ولادتي الطبيعية ربطت بطني بحزام شريته من البيبي شوب وبصراحة لأن بطني كان كبير وانا حامل ولما ولدت حسيت نفسي ما اقدر اوقف مستقيمة لازم احنى شوي لأن بطني كان مترهل وحسيت في عدم توازن فمباشرة ربطت بطني لمدة اكثر من اسبوعين وبصراحة خلال ايام من الربط بتلاحظين الفرق وان الكرش يخفف كتير وانا الحمد لله ما صار عندي كرش الا شويييييييييية ترهل في البطن لأن كان لازم اعمل رياضة وامشي بعد الربط او بعد الاربعين بس انا تكاسلت بس انشالله وانا الحين في الحمل الثاني راح اربط وبعدين راح اعمل رياضة وانشالله تكون النتيجة جيدة....شوفي انتي شو الي يناسبك وكيف طبيعة جسمك وتوكلي على الله...

lمشكورين حبيباتي على التفاعل بس برضه لازلنا محتارين اخواتي اللي شدوا بطونهم وفاد معاهم الشد ياليت تشرحون بالتفصيل كيف كانت طريقة الشد شد قوووي مره ولا راخي يعني مجرد رفع للكرشه اللي بتكون كبرت بعد الحمل هذا أول سؤال
اليسؤال الثاني وانتبهو ترا عليه 10 درجات كم المدة اللي استمريتو فيها شادين بطونكم ؟
وهذا السؤال مهمممممممممم عليه 20 درجة شلوووون يثبت الرباط انا لمن ربطت كان الرباط يتجمع في مكان واحد يعني اعدله كل خمسدقائق وياااااااااااكرهيله وقت النوم؟
وايش نوع الرباط الليتستخدمونه شماغ/رباط اندونيسي /قماش عادي وكم طوله ؟
معليش طولته عليكم بس نبغاه موضوع متكامل

هلا بكل الغاليات ..

هذي تجربة واحدة من قريباتي وماشاء الله تبارك الله ..

هي أم لأربعة بنات ..
واللي يشوفها يقول عنها مو متزوجة أصلا .. لأن مالها بطن من أصله ..

شوفو وش كانت تسوي : (وهذا كلامها والله العظيم)
مباشرة لما تقوم من الولادة .. تروح الحمام .. ويكون المشد معها في حقيبة الولادة .. وتشفط بطنها على الآخر ، يعني تسحب بطنها إلى جوَّا .. وبعدين تربط الحزام على نفس مقاس البطن اللي هي شافطته ..

وتقعد على هالحالة تقريبا مدة الأربعين كلها ..
أحيانا كان يصير لها حكة .. فكانت تخلع الحزام وتغسل بطنها وتنشفه زين .. وترجع تربط الحزام .. وكانت تشري حزام بدعامات من الصيدلية عشان مايتعفط ..

وتعالوا شوفوها ..
ماشاء الله تبارك الله .. 4 بنات ولا كأنها متزوجة أصلا .. والكل يحسدها على إنه مالها كرش ..

هذي تجربتها ..
ووالله العظيم ناقلتها منها مثل ماقالتها ..

وعقبالكم بإذن الله ..