بليز فكروا ويايه ...

مرحبا اختي ..

والله فكرت لج وايد .. لأن أنا بعد وايد احتار في الهدايا ..

على العموم إذا تبين هديه صغيره وماتلفت ، ممكن دهن العود عشان يتطيب منه يوم العيد :ok:

لا ما ابا دهن عود .. نسيت اقول ان الهديه اللي بعطيه اياه يوم يوصل بالسلامه ان شاء الله عبارة عن دهن عود و عطور

محتارة شو اقدم له ...

او مصحف مع دهن عود!!

زين ممكن تعطينه سبحه ..

انتوا تخيلوا .. هو بيكون في الحج ... و هديته الكبيرة بتكون عندي تنتظره ..

ابا هديه صغيرة .. مب ذاك القيمه .. بس على الاقل هديه ..

و كتبت له قصيده .. لاني بروحي اكتب خواطر ... و قلت له بحط له الكلمات ... لو تبون بكتبها لكم
و ابا شي بسيط وياها ... يعني كاني اقوله هناك كل عام و انت بخير ... و هذا اول عيد و هو بعيد عني ...

هلا حبيبتي..

الله يتقبل منه يا رب..
ويرجع لك بالسلامه..

حبيبتي شوفي هو وش يحتاج للحج واشتريه له..

اكتبيها لنا لووووووووول ما بنقول لا
اهديه حصن المسلم وكتيبات ادعيه
او شريط محاضره موضوعها الحج

مممم حص بدور له هالاشياء و بغلفها مع اني كنت ابا يبطل الهديه وم العيد .. مب مشكله



و هذه الخاطرة الللي كتبتها

تودعني فمان الله و انا الله عالم بحالي
ترى قلبي بين ايدك ترفق فيه ببعادي
حبيب الروح أبعادك ذبح ضحكات أيامي
تسافر و أنت ما تدري بنار تحرق افوادي
أحسب الوقت في غيابك ثواني الغربه تذبحني
يقولون الناس هالعيد و انا قربك اعيادي

هلا أختي ما أدري اذا افكاري بتعيبج
مثلا شو رايج اتفصلينه كندوره ايديده يلبسها يوم العيد ويا غتره بيستانس عليها وااايد
او مثل ما قال خواتي مصحف مع كتيب للأذكار وحصن المسلم ومسواك و مقص عشان يحلق فيه
ومسباااح ووووووووبسسسسسسسسس
ياريت اتعيبج الافكار

سواااري اي خياط هذا اللي بخيطلي الحينه ...و هو ما بقى شي على سفره .. ان شاء الله بسوي الكتيبات و بطرشها اصلن انا اليوم زعلانه و مضايقه منه يمكن اكنسل كل شي

انا مره سويت لريلي شي بسيييييييييط واايد بمناسبه رمضان وهو اني خذت علبه صغيره من لايف ستايل بس شكلها روووعه ووديتها باتشي حطوا لي فيها ككاو ولفوها بشريطه غاويه .. ولو تبين باتشي روحهم عندهم علب حلوه .. الحلو فيها اني علقت فيها ميداليه انا بنفسي سويتها له بالكمبيوتر
الله يسلمج اول شي صممت ديزاين حلوو للبطاقه في الكمبيوتر على الوورد من اطار وصورة .. والخ
وكتبت في كل بطاقه دعاء لريلي او لي معاه في الدنيا والاخره .. واول بطاقه طبعا الغلاف بنفس الدزاين بس كتبت فيه ( مبروك عليك الشهر يالغالي وكل رمضان وانا وياك بألف خير ) عاد انتي تقدرين تحطين قصيدتج والصراحه حلوه وااايد ما شاء الله عليج
وعقبها يبت اوراق راقيه من المكتبه هاللي يستخدمونها للبطايق وكان لونها بيج ولون التصميم وردي
وفي الورقه الوحده طبعت 4 بطايق يعني البطاقه الوحده تقريبا كبر بطاقه التلفون
عقب ما قصصتهن يبتهم على بعض وخرمتهن من فوق بحيث ان كلهن يظهرن بنفس المستوى ومرتبات فوق بعضهن ويبت حديده رفيييعه من هاذيل اللي يحطونهن في الميداليات الصغيره ودخلتها في الخرمه ..
وطرف الحديده كان ملفوف مع الشريطه كأن الميداليه نازله من الشريطه .. ولليوم يقول لي ريلي مب هاين عليه يفتح الشريطه من دوني .. اونه بييبها وياه لعقب العرس بناكل الكاكاو ويى بعض والادعيه واااااااااااااايد حسيته تأثر بها لانه قراهن وهو ويايه على التلفون عقب ما روح عني .. المهم مع هالهديه الصغنونه عطيته مصحف وردي مخمل صغير بس كان مغلف بطريقه واااااااااايد حلوه بتور لونه بيج وورود ورديه ناعمه وامسات شفته في سيارته ونحن سايرين نختار غرفه لنا واستااانست لاني ادري كلما قرا هو شي منه خذت انا حسنات بعد ..
مادري جان بتعيبج قصتي او لا هههههههههه
بس احس لازم تهدينه مصحف يفيده ويفيدج دنيا واخره وتكون وياه الميداليه ومب لازم ككاو والا لازم لانه بيكون حلاوه العيد :smile:

كلمات رائعه jami
قطعتي قلبي.. الله يرده لك بالسلامه..
والله لا يجيب الزعل بينكم..

تدرين فكرة أمل مفقود بالأدعيه حلوه منها يدعي لك وله بهالأيام وإرسلي معها شوكولاته يعيد بها بس لا تنسين تحسبين حساب اللي بكونون معه..
وكتاب أذكار ..

ويا ريت يا أمل مفقود تكتبين لنا الأدعيه اللي كتبتسها حتى نستفيد..

امل مفقود ماشاء الله افكارج حلوة وايد
بس انا مصحف هديتله لما رجعت من الحج السنه اللي طافت ..
يمكن اسويله فكرة الادعيه .. بس من وين يبتي الحديده اللي سويتي منها مداليه ؟؟؟
و فكرت بالباتشي ؟؟ بس قلت مع الشحن والحر بيخترب الكاكاو
فكرت اشتريله بوك ..ان شاء الله استقر على شي بسرعه قبل ما يسافر


دلوعه حبيبي ... تسلمين و انتي الاروع ... و الله يجبر بخاطرج ...
بحاول اسويله هالادعيه .. و بحط له كتيب دعاء و غيره ..
و الله يهديني و يهديه

السلام عليكم و رحمة الله و بركاته

أقول لك يا jami على فكرة...بس روعـــــة :)

هاتي صندوق صغير...شكله حلو و مرتب...من لايف ستايل مثلا...مثل هذا الشكل...




عطري الصندوق بعطرك اللي يحبه عليكي...

و ضعي فيه خمسة دراهم...



و ورقة صغيرة حلوة...مكتوب فيها...إنه اليوم كان نفسي تكون معايا...و إنتي بعيد عني أحب أضمك مثل إبني و أبوس جبينك و أعطيك العيدية :)

أو يعني من هذا الكلام...أنا مش شاطرة كتير في الكلام :o

و ضعيه بين ملابسه برفق :)

ما رأيك :)

فكره مرموووم عجيييبه شكلي انا بسويها لان ريلي بيسير الحج بعد:dd:

دلوعه حبيبي ما طلبتي الغاليه بسير ادور الادعيه وبنزلها الشيخه ولا يهمج

جامي تعرفين في الاعراس شي توزيعات على اساس انها بطاقات بعد وفيها اذكار الصباح والمساء .. انا خذت الحديده الموجوده فيهن وما سرت ادورها فمكان بس عادي هاي تحصلينها في كل مكان وحتى يمكن عندج بس مب منتبهه لها لانها واايد سمبل وعمليه وتتعلق في اي شي .. ان شاء الله لو حصلت وحده غير بنزل صورتها والا تدرين احس فيه مفاتيح بعد فيهن شرات هالحديده .. بشوف وبرد عليج ان حصلتها .. وبعد عن سالفه البوك لالا انتي لا تهدينه الا اشيا معنويه الحين احسن لانج مجهزة له الهديه العودة عقب ما يرد والحين بس هو محتاج منج اشيا معنويه تحسسه بوجودج معاه فانا اقول لو تسوين فكره مرموم مع الميداليه بيحبها الحين اكثر لانه شي انتي مسويتنه بنفسج وظاهر من خاطرج تعرفين عاد الكلام الحلو شو يسوى .. اما الهدايا الباقيه فانتي تهدينه اياها دوم يعني ما شي تغيير صح:smile:

مرموووووووووووم انقذتيني صراحه هديه روعه 5 دراهم ...

بس انا بكتب له .. هذه الخمس تذكرك في بنتي اللي تقولك كل عام و انت بخير يا بعيد عني و ما تيمعلي عيديه
و الخاطرة تذكرك في قلبي اللي يسأل عنك و يدورك بين العايدين



أمل مفقود مشكككككككككككورة الرد الحلو و اقنعتيني مب لازم كله هدايا شي معنوي احسن ( وحدة ما تبا خساير ههههه

زين وصلت قبلكم عشان احط الصور والادعيه:)

اول شي جامي شوفي يبت لج ديزاين من الميداليه .. مالي كانت غير في الديكور لكن الستايل نفسه والحديده شوفيها نفس هاي وان شاء الله تكون واضحه وعرفتي اي وحده اطري



عاد اسمحي لي التصوير بالمبايل تدرين موول مب شي بس هذا اللي قدرت عليه

اما ديزايني انا مع الادعيه كان جذا بعدني محتفظه بملف الوورد عندي:)



اما الادعيه فكنت كاتبه له 11 بطاقه عليهن ادعيه مختلفه والبطاقه رقم 12 اللي هي الغلاف قلت لج قبل كان فيها التهنئة وهاذي هي

-1-

اللهم وفق بيني وبين زوجي واجمع بيننا على خير ، اللهم اجـعلني قرة عين لزوجي واجعله قرة عين لي وأسعدنا مع بعضنا واجمع بيننا على خير، اللهم اجعلني لزوجي كما يحب واجعله لي كما احب ، واجعلنا لك كما تحب وارزقنا الذرية الصالحة كما نحب وكما تحب .. اللهم أقر عيني بهداية زوجي وصلاحه وتقواه وأقر عيني بالذرية الصالحة التي تدخل السعادة إلى قلوبنا آمين .

-2-

اللهم احفظ زوجي وعافيه.. اللهم اشرح صدره للإيمان..
اللهم ارزقه الهداية..
اللهم أره الحق حقا وارزقه اتباعه واره الباطل باطلا وارزقه اجتنابه.. اللهم ابعد عنه رفقاء السوء.. اللهم جنبه الفواحش والمعاصي.. اللهم اغفر ذنبه وطهر قلبه وحصن فرجه ..
اللهم سخره لي وسخرني له وجمله في نظري وجملني في نظره.. اللهم لا تفرق بيني وبينه.. اللهم احفظه لي يا أرحم الراحمين
اللهم أمين

-3-

اللهم اجعل بيني وبين زوجي من المودة والرحمة أفضلها.. وارزقنا الصبر والحلم أكمله.. واجعلنا على منابر من نور ، وأسعدني معه وبقربه في الدنيا وفي جنة السرور .. واهدنا يا رب لما فيه الخير والصلاح
وارحمنا برحمتك يا رحيم يا كريم


-4-

اللهم إني أسألك بإسمك الكافي أن تكفيني كل أموري مع زوجي مما يشوش خاطري ويسهر ناظري..
اللهم ألف بين قلبي وقلبه كما ألفت بين قلوب عبادك .. اللهم اجعله أبا لي في الحنان وأخا لي في الطاعة وحبيبا في الفراش واجعلني له أما في الحنان واختا في الطاعة وحبيبة في الفراش .. يا حي يا قيوم أجب دعوتي وحقق لي أمنيتي ..

-5-

يا رب سخر لي زوجي وحنن قلبه علي..
يا رب ضع لي في قلبه مواضع الرحمة والمودة والألفة من عندك..
يا رب جملني في عين زوجي وحببني إلى قلبه واجعلني الزوجة الوحيدة له .. وارزقني ذرية صالحة منه..
واجعلنا قرة عين لبعض
اللهم آمين


-6-

يا حي يا قيوم أسألك بكل اسم سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تعطي زوجي من خيرك أكثر مما يرجو وتسخر له ملائكة من عندك وجنودا في الأرض تحفظه من كل شر آمين.. اللهم عظمني في عين زوجي واجعلني ماء عينه ودم قلبه ودفىءحياته .. وأسعدني
ولا تشقيني معه آمين


-7-

اللهم صبر زوجي علي وصبرني عليه وانزع الشيطان مما بيننا ..
اللهم بارك لنا في ذريتنا..
اللهم اجمع بيني وبين زوجي في جنانك .. واجعلني زوجته ورفيقته في هذه الدنيا الفانية والجنة الخالدة.. اللهم أصلح بيني وبين زوجي واجمعنا في خير وعلى خير..
واللهم اهدني لزوجي واهدي زوجي لي واهدنا إليك
يا أرحم الراحمين


-8-

اللهم كما آمنت نبيك محمد في غار حراء وطمست أعين أعدائه آمن زوجي في نهاره وليله واطمس كل سوء عنه.. اللهم إنك تعلم ما في قلبي ونقاء سريرتي فنقي حياتي مع زوجي من كل كدر وسوء واجمعني به في فردوسك الأعلى يا أرحم الراحمين
يا ذا الجلال والإكرام ارزق زوجي مع كل خفقة قلب وطرفة عين فرجا ومخرجا وعفوا وأمنا وإيمانا يا رب العالمين


-9-

اللهم اصلح زوجي ، اللهم وثبته على الإيمان ، اللهم واجعله رجلا مؤمنا صادقا صدوقا جوادا كريما..
اللهم زده حبا لي وصراحة معي وتعلقا بي وتفاهما معي.. اللهم اجعلني درة بين عينيه ولذة بين شفتيه .. .. اللهم مد بعمره على زود عمل صالح.. اللهم وأطل في عمره على طاعتك وألف ما بين قلبي وقلبه على التقوى واغفر لي وله واعف عنا وارحمنا واكتبنا مع الصالحين والأخيار


-10-

اللهم أنت الحنان المنان بديع السموات والأرض، أنت الله الواحد الأحد الفرد الصمد أسألك باسمك الأعظم أن تهديني وتهدي زوجي وذريتنا وتجعلنا من عبادك الصالحين المتقين المفلحين وان تحسن خاتمتنا وتظلنا تحت ظل عرشك يوم لا ظل إلا ظلك .
وتقبل منا صالح الأعمال والدعاء إنك سميع مجيب


-11-

اللهم يا حي يا قيوم لا تجعل لزوجي حظا في النساء مع غيري.. اللهم ارزقني وده وحبه وارزقه ودي وحبي
اللهم اجعل زوجي حبيبا حليما كريما هينا لينا معي ..
اللهم اجعلني عونا لزوجي على طاعتك واجعله عونا لي ..
اللهم يا مؤلف القلوب ألف بين قلبي وقلبه برحمتك يا أرحم الراحمين
اللهم ألن قلب زوجي وسخره
لي يا رب



وبس
صدقيني في الطبيعه وااايد تطلع حلوه الفكره وانتي جربي ان حبيتي الفكره والسموووحه على القصور

انا العام زوجي الله يحفظه حج

وطبعا انا الي رتبت ثيابه واغراضه في الجنطه دسيت صورة عيالنا الله يحفظهم وكتبت عليها

نحن نحبك يا بابا ورجع لنا بسلامه

فقالي كانت احلى اهديه ومايقدر يوصف شعوره

تحياتي

يعطيك العافيه أمل مفقود..
إن شاء الله بطبقها وأدعيلك..
والله يسعدك مع زوجك ويوفقك ويهنيك معاه..