اذا احد خطبك وبعدين غير رايه..وش ردت فعلك؟

1- اذا احد خطبك او شافك شوفه شرعيه وبعدين غير رايه وقال انه مايبيك0000هل هذا الشئ يجرح شعورك ويسببلك الم؟

أكيد , لكن في الأخير بارضى باللي كاتبه رب العالمين ..

2-اذا خواتك اللي اصغر منك ينخطبون ويتكلمون عليهم الناس وانت ماحد طل في وجهك ..وش تكون ردة فعلك؟

عادي_تحزنين-ينكسر خاطرك -تحطمين..ايش بالضبط

مادري ,, اممم يمكن أحزن على حالي لكن الأكيد إني باتمنى لهم السعادة وباطلب الله يرزقني الزوج الصالح ..

3-الزواج عن طريق النت الحل الاخير..هل ممكن تسوينه..مع العلم ان فيه مواقع مشايخ ومواقع اسلاميه..هل ممكن تلجئين لها؟

مستحيل .

الله يوفقج أختي الكريمة ..

اذا حد شافني شوفه شرعيه وغير رايه فيني
بزعل:mad2: وبعصب
وبنجرح
لكن اذا خواتي اللي اصغر عني انخطبو عادي الله يهنيهم ويسعدهم
وبقول عقبالي ............تراني معرسه بس اجاوب على السؤال ........
اما بالنسبه لزواج عن طريق النت
اعتقد انه زواج فااااااااااااااشل
مجرد راي
وتحياتي

رأيي من رأي سنفوره..

اذا حد شافني شوفه شرعيه وغير رايه فيني بحط في خاطري
لكن اذا خواتي اللي اصغر عني انخطبو عادي الله يهنيهم ويسعدهم
تراني معرسه أنا بعد........
اما بالنسبه لزواج عن طريق النت
اعتقد انه زواج فااااااااااااااشل جدااااااااا..

صج ان الموضوع فيه احباط شوي بس خيرة . احسن من ان ينكتب الكتاب ويقول بعدين مابيها .

ولا اشرايج مو احسن (6)(6)(6)(6)(6)(6)(6)(6)(6)

1- اذا احد خطبك او شافك شوفه شرعيه وبعدين غير رايه وقال انه مايبيك

هل هذا الشئ يجرح شعورك ويسببلك الم؟


والله على حسب منو هالشخص يمكن انا ماباه فيكون احسن:cool2:

واكيد بيحز في خاطريه بس الي يابه بييب غيره وبرضى بلي كاتبنه ربي...




2-اذا خواتك اللي اصغر منك ينخطبون ويتكلمون عليهم الناس وانت ماحد طل في وجهك ..وش تكون ردة فعلك؟


امممممممم بشك في عمريه بقول اكيد فيني شي غلط:dd:
بصراحه بستانس لهن وبدعيلهن ان الله يوفقهن....



3-الزواج عن طريق النت الحل الاخير..هل ممكن تسوينه..مع العلم ان فيه مواقع مشايخ ومواقع اسلاميه..هل ممكن تلجئين لها؟

مستحيل اسوي هالشي...

- اذا احد خطبك او شافك شوفه شرعيه وبعدين غير رايه وقال انه مايبيك0000

هل هذا الشئ يجرح شعورك ويسببلك الم؟

الجواب هو عادي إذا ما يبا أنا بعد ما أباه وراح اعرف إنه مو نصيبي

2-اذا خواتك اللي اصغر منك ينخطبون ويتكلمون عليهم الناس وانت ماحد طل في وجهك ..وش تكون ردة فعلك؟

عادي_تحزنين-ينكسر خاطرك -تحطمين..ايش بالضبط

بالعكس بفرح لاني افتكيت منهم ههههه لا بالعكس افرح واستانس وادعي لعمري انه الله يرزقني مثلهم...

3-الزواج عن طريق النت الحل الاخير..هل ممكن تسوينه..مع العلم ان فيه مواقع مشايخ ومواقع اسلاميه..هل ممكن تلجئين لها؟

طبعا مستحيل لانه راح يشك بعدين

يسلمو عالموضوع

بصراحة عادي اذا غير رايه عندي ديموقراطية ههههه شو يعني خليه يغير رايه الحين ولا بعدين يعايرني و الحمد لله ما يهمني الشي هذا


و اذا خواتي اصغر عني و انخطبو صدق انزين هالسالفة و بالعكس فرحتهم احسها اكثر عن فرحتي بعمري استانست لخواتي ولا هممممممني

و عن طريق النت يعتمد بس بعد النسبة واااااااااااااايد ضئيلة في النجاح

وأنا رأيي من رأي البنات

اذا واحد شافنني وبعدين غير رايه

راح ينكسر خاطري شوي ...بس في النهاية ما أفتكر فيه.........لأنه أهو الي رفض وهو الخسران

ومثل ما قالت الخرشة ...عندي ديمقراطية ههههههههه وهذا الشي قسمة ونصيب


واذا خواتي عرسو ...مع الأسف ما عندي خوا ت :sad:

بس صديقاتي أعتبرهم مثل خواتي وأستانس لين وحدة بتقول انهاا بتعرس وأتمنى هذا الشي لنفسي بعد:bigsmile:

اما بالنسبة الزواج عن طريق النت...في بعض الزيجات تنجح ولكن بنسبة ضئيلة ...وانا عن نفسي لا أؤيد الفكرة

مع محبتي

hawralain

انا بقولكم اللي صاير لي و راح اتكلم بصرااااااااحه مطلقو وانتوا شوفو وش ردة فعلي
انا فعلا كنت مخطوبة تقريبا لمدة سنتين او اكثر شويه وكانت الخطوبه سكاتي يعني بين الاهل بس لحد ما تصير الملكة حلو
خلال هالفتره انا تعبت تعرضت لعاااااارض صحي اوكي وتعافيت منه الحمد لله والشكر وخلال ما انا تعبانه كان يجيني خطاب لكن الرد كان واحد البنت مخطوبه لولد عمها وبعدين جاء واحد ولزم بقووه يعني كان يلح على اهلي قام ابوي وقال لعمي على اساس خلونا نعلن وننتهي تفاجات بولد عمي يقول ما ابيها؟؟؟؟؟؟؟؟؟؟؟وش رايكم انا عن نفسي ما اكذب زعلت بس مو عليه لا والله زعلت على نفسي و عمري و احلامي ووووووو ليه واللي قهرني ان عمي قال لا ترد على احد لازم اقنعه؟؟!!!!!!!!!!!!! انا هنا انجنييييييييييت وش دعوه ليه وش شايفيني؟؟؟؟؟؟؟؟ تدرون ردة فعلي كنت دائما احكيها لاختي اللي اصغر مني واللي كانت معي فاحلامي وافكاري لحظه بلحظه كنت ابكي وبصراحه حسيت بالاهانه بس كل اللي حولي كانوا يصرون على انه هو اللي خسر مو انا بيني وبينكم ما اعجبنب هالكلام هو لا خسرني وانا ما خسرته الله يوفقه وين ماراح قلتمعاه حق هو يشوف اني تعبانه او ما يعرف اني تعافيت ووووانتهت سالفة تعبي لكن ممكن تفكيره-مهما كان متعلم-محدود في امور المرض بس تدرون وش صار بعد ما قمت من هالصدمه جاء بكل جراااااااااة العالم وخطب اختي الصغيرة؟؟؟؟؟؟؟؟؟اللي الحين تغير حاله وشانت نفسياتها لانها ماهيب راضيه و قالت لي مستحييييييييييييييييييييييييل اخذ حلمك؟انا حاولت اقنعها وووو بعدين قالت صديقتي لا تقنعينها بشي اطلعي من الموضوع وفعلا ماعدت اقول شي(طووووووولت عليكم صح المهم ابي اقولكم شي.ولا يهمها اللي يصير لها كذا اكيد هو جرح وراح يجلس بالقلب لاخر لحظه لكن تحمد لله وتتاكد انه ما هو نصيبها وان شاء الله نصيبها افضل)
ازعجتكم صح
2/ شوفي لو انا مريت بتجربة المرض ثم ترك ولد عمي كان عاااااادي تتزوج- اختي بس وانا مارة بها الظروف لا ليه لانها راح تخلي الناس تتسال و تربط ؟مع ذلك وربي اني اتمنى لها التوفيق و السعادة لها اكثر مني
3/ الزواج بالنت نوووووووووووووووووي مستحيل
4/ اقتنعت ان بيت الوالد افضل و ابرك بكل اللي فيه من ؟؟؟؟؟؟؟؟
5/ اسسسسسسسسسسسسسسسفه اذا طولت بس ما تخيلون وشلون هالموضوع مأثر علي؟؟؟!!!!!!!!!!!!!

بالنسبة للسؤال الاول: عادي عندي يعني سبحان الله يمكن ما ارتاحلي الرجال ولا يعني اذا انا ما ارتحت عادي ارفض واذا هو ما ارتاح رح تنجرح مشاعري واصلا النظرة الشرعية هيي للاطمئنان والقبول.

بالنسبة للسؤال التاني : عادي واذا ما انخطبت ما فيها شي وسواء قلو الخطاب او كترو النصيب هو النصيب كتير بنات بينخطبو كل يوم وما بيصير نصيب وكمان بنات بينخطبو مرة وحدة وبيكون النصيب المنيح.

بالنسبة للسؤال التالت: بصراحة انا ما بفكر بلموضوع بهل طريقة انا بحب اتزوج شخص اختارني الي بالذات لا عن طريق خطابة ولا موقع اسلامي ولا شي... واذا ما كان نصيبي اتزوج اصلا مو اخر الدنيي.... الواحد عايش مرة وحدة لازم يعيش صح.

ينقل إلى قسم الشؤون الأسرية والإجتماعية

انا اؤمن بقوله تعالى<<<< وعسى ان تكرهوا شيئا وهو خيرا لكم وعسى ان تحبو شيئا وهو شر لكم >>

الي مايبيني مره مابيه الف مره

طاب مساؤكم

دوحانيه: مشكوره على ردك واتوقع اغلب البنات نفس اجاباتك

snfOOrh:اكيد لوجربت ان اختك تنخطب قبلك بتزعلين وتاخذين في خاطرك على نفسك..بس يمكن لانك ماحصلك هالموقف ومشكوره على الرد

بنت قمر راكبه همر: بصراحه انا اتوقع لو مانتم متزوجات وحصلكم هالشي لااااااازم يجي في خاطرك شئ

لانه على قولت المثل..ماتحرق النار الا رجل واطيهه..ومشكوره على الرد


منال الكويت:صادقه والله

صلصوحه:اكيد ماراح تسير الشوفه الا اذا كنت راضيه

طلوع الفجر: ماشاء الله عليك ياطلوع الفجر ياليتيني زيك

الخرشه: ماشاء الله شكلك روحك رياضيه ..مشكلتي اني حساسه كثيييييييييييير

hawralain: والله الثقه حلوه بس سبحان الله الانسان عجوووووووول

بنت شيوخ: الله يوفقك ياشيخه والله انه مايستاهلك

سوسو نكد: سبحان الله الانسان خلق من عجل وهذي المواقف يكثر فيها كلام الناس وليش سابها وكذا

همس القلوب: مشكوره على التبليغ بنقل الموضوع

اختي جوري موضوع حلووووووووووووو وايد وايد

شوفي اختي بالنسبه ل:

الحاله الاولى:

أكيد اني راح اتضايق شوي لأن البنت ما تحب انها ترد لكن ان أؤمن بأن هذا الرفض معناته ان هذا

المتقدم مو نصيبي فلازم اني اصبر و اقول اللهم اجرني في مصيبتي وخلفني خيرا منها والصراحه

راح اقول ان اهو الخسران مو انا .


الحاله الثانية:

بيحز بنفسي شوي ان الخطاب طوفوني و حطوا عينهم على الاصغر مني بس شسوي هذا الشي مو بيدي
واذا الصغر مني تزوجت بيكون هذا نصيبها اللي الله كتبلها اياه مع فلاني الفلاني باليوم الفلاني

فليش احسدها او اني ازعل

لازم الوحده فينا توكل امرها لله سبحانه اهوه وكيلها والدنيا هذي شي فاني لا تتعلقون فيها او

تتضايقون عليها ما كو شي يسوى الزعل



الحاله الثالثه:

انا ما أؤيد سوالف الانترنت والمواقع احنا اللي يتقدمولنا من اهلنا يالله نوافق عليهم و اللي نعرفهم عدللللللللل اشلون اللي ما نعرف عنه شي؟؟؟؟



و شكرا للموضوع

اذا احد خطبك او شافك شوفه شرعيه وبعدين غير رايه وقال انه مايبيك0000

هل هذا الشئ يجرح شعورك ويسببلك الم؟

طبعاً بيحز في خاطري وبعد لحظه ودقيقة وحدة بنسى الموضووع لان بصراحه نفسي عزيزه وعلى قولت القايل :اللي مايباك لاتصيح تباه وعند العرب لا تيب طرواه وحتى السكن لاتسكن حذاااااااااااااااااااااااااااااه
وهوووووووووووووو الخسران لاني دانة ومايحصل الدانه غير مغليها
>>>>>>>>>>ثقة مب غرور:)



2-اذا خواتك اللي اصغر منك ينخطبون ويتكلمون عليهم الناس وانت ماحد طل في وجهك ..وش تكون ردة فعلك؟
الله يسعدهم ويهنيهم ويوفجهم ويرزقهم الرزق الحلال ماتدرون يمكن اللي يصلح لأختي مايصلح لي ولا يحقق طموحي
>>>>>>>>>>>احلى طمووووخ اقصد طمووووووووح خخخخخخخخخ




3-الزواج عن طريق النت الحل الاخير..هل ممكن تسوينه..مع العلم ان فيه مواقع مشايخ ومواقع اسلاميه..هل ممكن تلجئين لها؟
مستحيل ...................
متوكله على الله سبحانه تعالى وان مارزقني الزوج بيرزقني وبيعوضني خير اللهم آمين

والسموحه

مشكوووورة إختي عالموضوع الحلو

1 - بالنسبة لي مريت بهالتجربة ... وكان مجرد مطرش ناس عشان يكلمون أهلي .. وبنفس الوقت أنا

كنت محجوزة لولد عمتي بس ظروفه كانت ما تسمح بسبب السفر ويعني ... فقلت يمكن هالشخص بيكون أحسن لي

ونفس كلام وحده من خواتي اللي قالت ( وعسى أن تكرهوا شيئا ..... إلى آخر الآية ) ...

بس طولنا في المده ما ردينا عليهم ... لأني كنت متردده وما نعرف الشخص وما نعرف أهله ... وقبل لا نرد عليهم

هم ردوا علينا وقالوا خلاص ... الولد غير رايه ... طبعا أنا حزت في خاطري وااااايد :cry: وقلت ليش شو المشكلة؟؟؟

ودار في بالي ألف وألف سؤال بس بنفس الوقت قلت إنزين أصلا ليش أنا محتره .. أنا ما كنت وايد مقتنعه فيه .. :sad:

ولو هو ما يباني مره أنا ما أباه عشر ... ليش اللي خلقه ما خلق غيره ... ما عليه إنشاء الله .. الله بيعوضني بغيره ..

والحمد لله صبرت ونلت ... إترييت سنه ومن بعدها يا ولد عمتي المنتظر .. واتزوجنا وعدت على خير والحمدلله

أحمد ربي واشكره كلما أتذكر الخاطب الأولاني أقول لو خذيته شو بيكون مصيري ؟؟؟ :think:

بس والله أحمد ربي عالنعمة اللي عطاني إياها ليل و نهار على نعمة الزوج اللي عندي ... ربي يحفظه لي ..:smile:

1- اذا احد خطبك او شافك شوفه شرعيه وبعدين غير رايه وقال انه مايبيك0000

هل هذا الشئ يجرح شعورك ويسببلك الم؟

وي هذا ما يجرح شعوري وبس هذا يحطمني :cry: واقعد ابكي لين ينفجر راسي

بس بعدين برضا واصبر يمكن يكون لي خير فيها

بس يارب لا تحطني في مثل هالموقف

ـــــــــــــــــ

2-اذا خواتك اللي اصغر منك ينخطبون ويتكلمون عليهم الناس وانت ماحد طل في وجهك ..وش تكون ردة فعلك؟

عادي_تحزنين-ينكسر خاطرك -تحطمين..ايش بالضبط

والله احزن ....بس ماباليد حيله

ابارك لهن وادعي الله انه يوفقهن ويرزقني مثل مارزقهن

ــــــــــــــــــــــ

3-الزواج عن طريق النت الحل الاخير..هل ممكن تسوينه..مع العلم ان فيه مواقع مشايخ ومواقع اسلاميه..هل ممكن تلجئين لها؟

مستحيل .......لأني مااقدر واخاف من المجهول

******************************************************

الله يوفقنا ويرزقنا بالزوج الصالح ولا يضطرنا للمواقف هذه

بسمه تعالى

مشكووووورة اختي ع الموضوع الراااائع والي يمس الوتر الحساس بالفتاة وطبيعتها العاطفية الحساسة

وجواااابي ...

1- اذا احد خطبك او شافك شوفه شرعيه وبعدين غير رايه وقال انه مايبيك0000

هل هذا الشئ يجرح شعورك ويسببلك الم؟

بصراحة .. نعم يجرحني ويسبب لي الم وبصراحة هذا الشي من طبيعة البنت الحساسة .. مع ان الحساسية الشديدة مش مقبوله ابدا .. وانا شخصيا تعرضت لمثل هالموقف .. مع اني ما عجبني وايد لانه حسيته بدون شخصية لانه ما نطق ولا بكلمة واخته الي كانت تسالني وهو بس جالس جذي يسمع .. وبصراحة هالموقف كل ما اتذكره يحز بنفسي واااايد واجلس افكر شووو فيني من خطا وووو .. بس بالاخير نقوول نصيب ... والي الله كاتبه لي بصير .. وبالاخير هو خير من رب العالمين .. الحمدلله على كل حال.

ــــــــــــــــــــــــــــــــــــــــــــــــــــ

2-اذا خواتك اللي اصغر منك ينخطبون ويتكلمون عليهم الناس وانت ماحد طل في وجهك ..وش تكون ردة فعلك؟

عادي_تحزنين-ينكسر خاطرك -تحطمين..ايش بالضبط

والله احزن اي وينكسر خاطري واتحطم بعد خخخخخخخ ....بس كل وحدة ونصيبها والي الله كاتبه لها .. وبالعكس بعد هالموقف صار معي بس استانست لاختي لاني ما ابغي تعيش مثل حالتي وفرحت لها وجهزت معاها كل اغرااااااااااضها.

ــــــــــــــــــــــــــــــــــــــــــــــــــــ

3-الزواج عن طريق النت الحل الاخير..هل ممكن تسوينه..مع العلم ان فيه مواقع مشايخ ومواقع اسلاميه..هل ممكن تلجئين لها؟

بصراحة ما يعرف الواحد شو الله كاتب له .. بس طبعا ما اتمنى هالشي انحط فيه .. لانه النت ما فيه اي مصداقية ابدا.


بالاخيررررر ... تمنياتي لكل الفتيات بالسعادة وراااااحة البال ورضا بما كتبه الله


أســـــــــــــــــــــ الدعــــاء ـــــــــــــــــــاء

اذا احد خطبك او شافك شوفه شرعيه وبعدين غير رايه وقال انه مايبيك0000

هل هذا الشئ يجرح شعورك ويسببلك الم؟
كأنه العيد..هو الخسران
ـــــــــــــــــ

2-اذا خواتك اللي اصغر منك ينخطبون ويتكلمون عليهم الناس وانت ماحد طل في وجهك ..وش تكون ردة فعلك؟

عادي_تحزنين-ينكسر خاطرك -تحطمين..ايش بالضبط
خوات الاصغر متزوجات والحمدلله
لاينكسر خاطري ولاشي..لانه الزواج قسمة ونصيب

ــــــــــــــــــــــ

3-الزواج عن طريق النت الحل الاخير..هل ممكن تسوينه..مع العلم ان فيه مواقع مشايخ ومواقع اسلاميه..هل ممكن تلجئين لها؟

مستحيل

وشكرا