بالنفاس وغريبه واحتاج وقفتكم....نصايحكم يا اهل الخبرة

[frame="7 80"]حبيتي وش الفايده دام ماراح تلاقين الاعشاب

اشربي مغلي القرفه يساعد على نزول الدم

اتبخري ب قشر بصل محموس مع ثوم محموس مجفف وفلفل اسود مو مطحون ومره

كل يوم قبل تنامين ولفي عليك شرشف واتدفي زين ونااااااااااااااامي لا عاد تقومين الا

الصبح وحطي عندك بالحمام غسول مويه وملح ومره ممكن تستغنين عن المره هذا زين عشان الخياط

والاكل حاولي قدر الامكان يكون مخبوزات من البر

والكمون عشان البطن زين يروحهه واربطي بطنك عشان يرجع

وان شاالله الاخوات مابيقصروون

باي[/frame]

الله يكون بعونك يااختي وخاصه انك بغربه مثلي 00000000000 روحي للبقالات العربيه بتحصلين الي تبين 00 اذا ماعندكم بقالات عربيه راح تلاقين في ((( ول مارت )) الي تبين مثل القرفه والدارسين وازنجبيل والمريميه والحلبه (((((fenugreek))))))))) المريميه ((((sage )))))))) والله يساعدج 00

مشكورين
بسال شلون يعني قشر البصل محموس؟؟
وشلون اتبخر في يعني اشب فحمه واحط القشر؟؟؟؟؟؟؟
وشلون اخلط البصل وباجي المقادير؟؟؟

sahaeeb

نااااطرة الرد

حبيبتي روز 2006..

انا دايما بنفاسي المسادة.. ستويلي خلطة كركم وزيت.. تسخنهم على النار ويستوي عجينة طرية... تقريبا في سماكة الحمص بطحينية..( شوفوا التشبيه..هههههه)

وتحطه على قطعة قماش قطنية.. وتعطيني اياها احطها على الخياطة... لحد ثاني يوم..(هذا في اليوم العاشر..)

ومثل ما قالو لج عليج بشرب الدارسين..(القرفة) وغسول الماء مع الملح..

والافضل لو تتغسلين به .. وانتي جالسة القرفصاء..في طشت...

حبيت أعرف يا أم عزيز شو فايدة خلطة الكركم والزيت و شنو الزيت اللي تقصدينه؟

والله اللي أعرفه اللي كانت ماما تساويلي سوي مرقة لحمة أو دجاج حطيلة بهارات العادية أي بهارات عندج وعود قوفة وقرنفل علشان الطعم الين ما ينضج اللحم زين يعني خليه ساعة أو ساعة ونص وتحملي يحترق المهم شربي المرقة وهي حارة مب تحرقين عمرج ولا تتريين لين ما تدفئ ، المهم عندج اللحم أو الدياي كلي يحبذ أو ممكن تسوين عليه رز

المهم ها أولاً ثانياً عندج الحلبة فوريها زين ما زين لين ما تصير مايها أصفر خذي الماي وحطي فوقه حليب بودرة وعسل سدر أصلي عاد ما دري عندكم أو لا المهم دوري وشربي وهو حار يقولون المصريين يدر الحليب و يروح البطن

وعندج السكر الأحمر يي كتلة كبيرة شنها صخرة كسريها و حطي كمية معقولة في ماي بارد عقب حطي شوي مطحون القرفة والقرنفل و هيل مطحون وحطيه على النار لين ما تذوب الكتلة العودة مال السكر الأحمر وتحسين الماي قل بشكل ملحوظ خذي شوي وحطيه في كلاس أو كوب شفاف وإذا شفتي لونه شوي غامج يعني خلاص جهز ييبي الدلة وحطي فيها معلقة صغيرة زنجبيل و هيل مطحون وحطي القهوة فوقها ها القهوة معروفة حااارة يعني تصف البطن بس ( تمتن ) بشكل ملحوظ بس صحتج أهم والضعف لاحقة عليه

ولاااا تنسين السلطة وأهم شيء فيها الطماطم والفلفل البارد لأنهم يردون الدم اللي فقدتيه وعندج بعد الجبد أو الكبد واااااايد مهمة لأنها بعد ترد الدم

الريوق عندج وهو أهم شيء سويلج عصير برتقال طازج و بيضة مسلوقة وجبن ومربى وزبدة لو تبين وخبز وكلاس حليب دافيء ولا تنسي العسل فيه لأنه العسل حار مثل ما قلت وينزل الدم
عندج الغدا سوي المرق وسويلج نص دياية أو دجاجة كاملة يعني دجاجتين على الغدا لا تستغربين لما كنت نفاس كنت آكل دياية ونص أمر عادي وكنت أحس باليوع شو أسوي نفاس الدجاجة الثانية أو نص الدياية النيء تبليه وحطي بالفرن أو برياني أو مجبوس اللي تحبين وكليه أهم شيء صحتج وقيامج من النفاس قوية

العشاء مو مشكلة لو كلتيه خفيف عادي بس لااااااا تنسين الحليب مع العسل على فكرة العسل أحسن من السكر في فترة الدنيا

ونصيحة أمي كلي حلاوة بس لا تكثري ولو قدرتي بلاها لأنها تمتن على الفاضي

ولو كان عندج أحد في عمان أو اليمن أو الإمارات خليه يطرشلج لبان بدوي أو ......ما أعرف شو إسمه في الدول الثانية المهم إدخني منه كل يوم منه عطر ومنه يقفل الخياطات بتعدي قر الإمكان من الدكون العادي يعني لا تدخين فيه يحبذ

مممممم شو بعد بس ها اللي أعرفه للحين ولو تبين أي سؤال لا تتردين وتسئلين خويتج أرنوبة الفريج

الحمد لله على سلامتك ويعطيك الله العافية والصحة
اخواتنا ما قصروا وقالوا كل شى وانا بزيد ااكدلك على عصير الحلبة المحلى بالعسل بعد غليها فهو مذر للحليب ومفيد جدا واكثرى من شرب الماء والفواكه والخضار كذلك الحال بالنسبة الى مغلى الكمون ومغلى القرفة
والله اعافيك حبيبتى

حبيبتي روز 2006..

انا دايما بنفاسي المسادة.. ستويلي خلطة كركم وزيت.. تسخنهم على النار ويستوي عجينة طرية... تقريبا في سماكة الحمص بطحينية..( شوفوا التشبيه..هههههه)

وتحطه على قطعة قماش قطنية.. وتعطيني اياها احطها على الخياطة... لحد ثاني يوم..(هذا في اليوم العاشر..)

ومثل ما قالو لج عليج بشرب الدارسين..(القرفة) وغسول الماء مع الملح..

والافضل لو تتغسلين به .. وانتي جالسة القرفصاء..في طشت...و تضربين الماي على الجرح..

كل الشكر عزيزاتي على الرد والمسااعده

بس انا ابي اعرف شلون طريقة بخور قشور البصل والثوم والفلفل

هلا اختي..

حبيت افيدج بها الرابطه..

نظام للنفاس

اشكركم حياتي على ردودكم واهتمامكم بس انا خليتها على الله ولاسويت شي بس غير الحلبه الي كليتها ثلاث او يمكن ارع مرات

والله يستر