حمام زيت وبالبخار بس بالييت ولاحلى عرايس

بسم الله الرحمن الرحيم

شحالكم اليوم انا يبت لكم طريقه يمكن الاغلبيه يعرفها بس يمكن فيه منكم ما يعرفها
وهيه كيف تستغنين عن جهاز البخار اللي فالصالون

طبعا خلطات الشعر وااايده وما يحتاي اعددها لكم وفيه منها الجاهز وفيه اللي انتي تسوينه
انا عن نفسي احط كريييم عادي
المهم

هذي الطريقه

_اول شي تغسلين شعرج بالماي عدل وتحطين الشامبو والبسلم وتفركينه زين مازين
_تشطفين شعرج من الشامبو عدل
_ عقب تنشفين شعرج يعني تخينه نص مبلول مب واايد ويا ويلج لو نشفتيه بالسشوار
_ الحين تحطين الكريم او الزيت بروحج او اذا حد بيساعدج يكون احسن
_ حاولي تسويينه من جذور الشعر عقب مشطيه للاطراف واذا حد بيساعدج خليه يفرق شعرج 4 اقسام وكل شوي ياخذ خصله
_عقب ما توزع الدهن بكل شعرج الحين تدلكين شعرج عدل تمسكين خصله عوده وتلفيينها وتسويها مثل القبوعه وتمين تسوين لكل شعرج جيه ودلكييه عدل ليما تحسن انج برتقدين
_ عقبها عاد الاختراع هاتي فوطتين وماي حار او دافي
_ دخلي هالفوطتين بالماي وعقب ما تلفين شعرج خذي فوطه من الفوط واعصريها ولفيها على شعرج
_بتحسينها بردت شليها وحطي الثانيه وتمي جييه لمده 20 ليي 40 دقيقه
_ عقبها اغسلي شعرج بالماي بس مو تحطين الشامبو اونج تتفلسفين
_الا اذا كنتي حاطه شي فيه بصل وثوم وريحته تلوع بالجبد اغسلي شعرج بالبلسم بس شوي عسب تطير الريحه


وسلمتم ودمتم