شو الطلب اللي زوجج طلبه منج؟

[align=center]عزيزتي ظاهرية
زوجي يطلب مني آرقص له من يوم ما كنا مخطوبين
يعني من أكثر من ثلاث سنوات
وأنا مثلك ما اعرف آرقص وآستحي 0 مثل ما قلتي (الموضوع يحتاج جراءة )
بس هو فاهم أني آعرف آرقص وأن ما في بنت ما تعرف ترقص
وآن دايم أصور له صج كلامه وهو أني آعرف ارقص بس ما بي أرقص له
أحس ان بهذي الطريقة دايم بحس بشوق عشان اشوفني آرقص

يا ويلي ..... وحده 3 سنين والثانيه 5 سنين زواج ماشالله وللحين ما رقصتوا لازواجكم؟؟؟ عندي يعتبر مستحيل


انا زوجي كل يوم يطلب مني هالطلب ومسويتله مفاجاه بعيد ميلاده انشالله بيكون طلبه متنفذ.... بس انا للحين مالجه بس ناطره اسوي العرس واسوي الهوايل لزوجي .....

علي فكره الزواج يبيله جرأه مو معقوله للحين ما جت لكم الجراه الي ترقصون فيها لازواجكم.............

تحياتي

انه صار لي 7سنوات ولا مره رقصت له اهو كان يطلب فترات وانه اتهرب لاني استحي:oبس اللحين شكله يأس ونسى السالفه

أنا وحده ما أعرف أرقص...

وأنا لي متزوجه 6 شهور غير إني كنت مخطوبه سنه وأربعه شهور... بس أنا أصلا ما أعرف...

يعني مش أعرف ومستحيه...

بس هو إستغرب في ليلة عرسنا وقال لي أول عروس أسمع إنها ما ترقص في عرسها...

قلت له إني قلت لك من البدايه إني ما أعرف أرقص...

غير كذا هو مايسمع أغاني ومايبغاني أسمع أغاني فكيف برقص له بدون أغاني...

بس أنا أسمع زوجة عمي وهي متزوجه من عشرين سنه تقول إنها ترقص لزوجها عادي...

وتقول هو مره مستانس...

فأحس إذا الوحده تعرف ترقص خلها تسعد زوجها...

هـــلا أختـــي ظــاهريـــه ..

بصـــــراحه موضوع حـــلو ..

أختــــي مشـــكـــله هالحـــيــــا مع ان الــوحــــده مـــتزوجـــه

يعــــني مفــــروض خــــــلاص امــــور اكــــبر وصـــــارت اوقـــفــت
عــــالرقـــــص ..!!

حــــاولي تتــعوديــن يــعــني اكــــيد تـــجــي اوقـــات مايكون زوجـــك

مــوجـــود بالــــبـــيــت تــدربـــي بـــيـــنــك وبــيــن نــفـــســك أو قــدام

المــــرايـــا ولما يــكون جـــالس حـــاولي حـــبه حـــبه يعـــني مــو فجـــأه

تـــرقصـــيــن ماراح تــقــدريـــن فجـــأه بـــيــذبــحــك الحــــيـا ..

ودام هــالشـــئ بيـــســـعــده ويتـــمـــنـــاه فــلـــبــي طـــلـــبــه ..

بالاول مــحرج لك بــس بعـــدين خــــلاص ان شالله عـــادي بيــكون ..

انا متملكه بس زوجـــي يحـــب هالســـوالف ويـــلمح ان وده يـــشوفني

ارقــــص ..

بالنـــســـبه لطـــلب لـه فـــتره ويقول خـــاطره يــشـــوفــني اطـــبخ ببيــت اهـــلي

يعـــني مو بعــدين لأ يــبي الحـــيــن..!!

انا بصــــراحه مااقـــدر شـــلون اطـــبــخ وهــو جــالـــس يتــفــرج صــعــبــه ..

:)

اااااااااااه متى اتزوج ويطلب مني زوجي هالطلبات الحلوه عندي مواهب مدفووووونه

والله لو مو يطلب مني ارقص له حتى يقولي سوي المستحيل بسويله بس اييي

انا ريلي طلب مني ارقص
و انا اعرف ارقص مصري ههههه
بس الله هداني و ما اسمع اغاني
و يوم يقولي ارقصي اقوله ليش خبله ارقص بدون اغاني
و الحينه احاول ادور اغاني بدون موسيقى .. عسب اسويله حفله ... مب محصله ... من وين اشتري اللي يعرف يخبرني ...



و طلب مني اني اطبخ .. و انا اصلن ما اعرف اطبخ ...
فقررت اني اسوي لازانيا لانها الاكله اللي احبها انا .. و سويتها و عجبته وايد
و الحينه طلب مني سيزر سلت .. قلنا ما نعرف نطبخ .. يطلب اشياء كبيرة ههههه
و وعدته اني اسويها ..

أرجو الحفاظ على الحياء فى الردود

فروحة حلوة

بس تعرفين المفروض نتشجع عشان نبعد أزواجنا عن شوف اللي يرقصن في الفضائيات على الأقل نكفيهم والا شو رايج؟

[De3LaT_7aBeBY]

والله يا اختي أكيد في أشياء حسيتي في يوم من الأيام انج ما تقدرين تسوينها للخجل الشديد بالذات إذا مو متعودة عليها فتحسين أنها مو من طبيعتج، كل وحده ودها تسعد زوجها وتحصنه من الغلط بالعكس أحس الزوجه تبذل مجهود أكثر من الزوج في الإرضاء حتى لو على حساب نفسها الخلاصة أدعيلنا بالتوفيق والسعادة الزوجيه.


Jami

الله يديم السعادة عليكم اختي..... دوري على أناشيد بدون موسيقى من المكتبات الإسلامية، وفعلا حتى لو الوحدة ما تعرف ترقص أو تطبخ زين لازم تحاول والأهم ما تبين حق ريلها أنها ما تعرف أنا رايي مب حلوه الزوجه تبين نقاط ضعفها لزوجها وإلا شرايكم؟؟

3sooola
هيييييه إذا عندج مواهب أكيد كل شي بيكون سهل .... الله يرزقج الزوج الصالح.

الشادن
سالفة الطبيخ سهله ..... بس سالفة الرقص يبيلها عدم احساس ......

بنت قمر راكبه همر
اختي جان زين احنا مثل عمتج.... والله الوحده صارت تخاف من الفضائيات والبلاوي اللي فيهن وحتى لو ماتعرف بتتعلم أي شي يا الله بس ترضي زوجها... الله يوفقج يا رب ويسعدج في حياتج الزوجية

البطة المشتطة
يا اختي الرياييل ما ينسون ..... لا تعتمدين على سكوته تراه الهدوء اللي يسبق العاصفه هههههههههههههههههههههه

بسم الله الرحمن الرحيم
حبيبتي ظاهريه أرسلتلك عالخاص بس ما أدري إذا وصلك او لا لأن هذي أول مره أرسل فأنتظر ردك

دعواتك
بطه

بسم الله الرحمن الرحيم

بداية وهذا رأيي الخاص

زوجك إذا طلب روحك لا تقصرين فما بالك بطلب عادي زي كذا؟؟:cool2:
مع العلم إني مملكه بس مو متزوجه وأتوقع إني مستحيل أبخل عليه بشي
لأنه عقولة أخوانا المصريين(ولاد الحرام ماتركوش لولاد الحلال حاجه) هههههه
وماشالله القنوات مو مقصره........فإنتي لك الخيار

وتأكدي إنك بهالأشياء تسلبين عقل وقلب زوجك
وبيحس بقمة الأنوثه تشع منك وأكيد بيستغرب إذا قلتي ما أعرف؟؟
لأنهم فكرتهم عن البنات مختلفه
أنثى وما تعرف ترقص؟؟؟؟مستحيـــــــــــــــــــــــــــــــل ما تركب

هذي بس يبغاله شوية جرأه +دعاء+تدريب
وتذكري إن زوجك سبيلك للجنه بإذن الله

بحبكم
دعواتكم
بطه:)

زوجي ما يطلب طلبات غريبة اكلات هي بس ولا مرة طلب مني ارقص

ههههه

مرة وحدة في شهر العسل لما كنا مسافرين قالي أرنوبة شو رايج ترقصين شوي قلت حبيبي ما أعرف والله ونسى الموضوع لأنه يعرف إني من عيلة ملتزمة وما عندنا ها السوالف أغاني وها الأشياء

بس الحمدلله ها الأيام الله هداه وقام هو ما يسمع أغاني ولا يشوفها الحمدلله على كل حال

انا ولامرة طلب مني هالسوالف ..
وهو يعرف حتى لو ترجاني ارقص له مب راقصة .. ماله داعي ارقص له

صح لسانج pert

ممكن تغرين الريال في أشياء غير الرقص

يسلمو اخواتي على تفاعلكم مع الموضوع

وفعلا موضوع حلو ويستاهل النقاش

طلباته

يحب رقصي وايد واذا كانت في مناسبه وسهرانيين مع بعض
يطلب مني ارقصله

ويحب حلويات اللى اسويها دائما واكثر طلباته على الحلويات
واحراج اذا طلب حلويات هنديه اتوهق


الحمد الله اذا طلب شئ مهب مستحيل وصعب اسويله اياه
ليش لا اذا انا ماسويله من تسويله اللى بخاطره

الله لا يحرمني اياااه

هلا اختي ظاهريه،،، موضوعج حلـــــــــو

بالنسبة لي خطيبي قبل حتى مايخطبني "ترا هو من الاهل"

كان وايد يلمح واحنا كلنا يالسين "يعني اجتماع عائلي":) انه يبي وحدة ملتزمة ومتحجبة :)

عاد انا كنت سفور يعني لا شيلة ولا عباااه

ومــــرة كنت في مطبخ بيت جدتي ودش علي وقالي ليش ماتتحجبين جدام فلان "يعني ولد عمه"

والصراحة انا طنشته وبعدين حسيته يعصب وكان وايد يتكلم بهالموضوع

وبعد جهد طويـــــــــــــــل تحجبت واستاااانس علي مووووووووووووووووووووووووت:up:

وماصدق عيونة ،،،،،،

ومع الوقت كبر راسة وقالي لبسي عباية عاااد هني انا صج زعلت منه:dd:

وطبعا هو لاحظ ومرة كنا قاعدين قلتله انت مين عشان تحكمني ابوي ولا اخوي ولا زوجي

قالي ،،،،شدراااج؟؟ وابتسم وراح

جان ويهي يصيـــــــر احمـــــــــــــــــر وابوه ابتسم

كان صج فشيله ومع الوقت الله هداني وتحجبت عدل والبس عباية والحمد لله

بس خذ وقت وايــــــــــد

وبس :)

شرايكم بقصتي ؟؟؟

اختكم #رومانسية#