الى بنات قطر.......ارجوا الافادة

هلا حبيبتي ..

نحن عدنا في الامارات عادي نطلب اللي نبغيه من الدكاتره...بس في قطر ماادري هل ممكن ولا...بس ان شاء الله يفيدنجن البنات...

الله يتمملج ع خير..

وينكــــــــــــــــــــــــــــــــــــم يابنات قطر............................ارجوا الرد

على حسب اذا كانت موجوده وكت ولادتج بتدخل معاج بتابعج بس اللي تولدج النرسه وتسويلج الخياطه بس هي تشرف عليج

مرحبا اختي واحة الإيمان ...

تره أغلب الدكاتره مايجون وقت الولاده ، خصوصا الحريم .. أنا قلت حق دكتورتي مع إني أدري إنها ماراح تجي ، قالت لي أنا استشاريه ، وماأولد ، وماعندي وقت ومن هالكلام ..

يمكن لو كانت موجوده تطل عليج ، بس التوليد السسترات يولدونج ، والخياطه حسب الدكتور المناوب ..

يعني على الحظ :(

الله يعييينكم
اللي اعرفه اذا كانت موجوده تطل عليج مثل ماقالوا

يعني مافي امل الدكتورة تجي غرفة الولادة.......بس اتصدقون انا سمعت ان الوحدة اللي عندها معرفة مع الدكتورة وعندها رقم جوالها ويكون في زيارات بينهم...تجي الدكتورة وتشرف عليها وقت الولادة.....


بس ولا مش عارفه......ودي اخذ رقمها.....

ما تحتاجينها اصلا ...اذا كل شيء كان طبيعي عندج في الحمل وفي الولادة ماراح تحتاجينها ابدا ابدا ...

والله يولدج بالسلامة ...ولا تحطين في بالج انها لازم تجي ...

والله انا دكتورتي ما عطتني ويه ولا شفتها عند الولاده وعلى قولتها أنا استشاريه ... الله يخلي النيرس
.... والخياطه انتي وحظج من يكون مناوب ...
صدقيني لو كان دكتورج ريال وااايد أحسن بس تتصلين فيه على الجوال على طول اييج إذا كان فاضي مب المرأه تتدلع تقول لي استشاريه

مو شي ريااال
والله فشله

واتصل له اقوول له تعال
واافضيحتاه

والله مادري شنو بيصير....انا خايفة موت من الخياطة...........بس فشيله يكون الدكتور ريال اهو اللي يسويلي الخياطة

صدقت الاخت دوحانيه....الدكتوره لازم تتدلع تقولج انا مالي خص انا استشاريه لكن الدكتور افضل على الاقل يعطي تعليمات حق النرسات ويوصيهم عشان يجي وقت اذا المريضه خلاص بتربي...

الله يقومج بالسلامه حبيبتي ولا تخافين انشالله سهالات..

انشاء الله...