اللي حابه تساعدني

كنت عارفه ان ماحد بيعطيني وجه
وكذا مره اطلب منكم ولاحد يعيرني اي اهتمام او مساعده
انا مااتوقع طلبت شئ مستحيل انا قلت لو فكره مستهلكه بس تسلعدوني فيها
ولا السالفه ناس وربع يعني
على العموم مشكورين انكم تنزلتوا وفتحتوا على موضوعي
ومو لازم اسوي شئ بهالزواج

امممممممم ولا تزعلين
افكار
في عرس رحته كان ستايل البحر ولما دخلت العروس دخلت على اليامال
وفي عرس بستايل هندي قبل لا تدخل العروس كانوا حاطين شاسة كبيرة وفي الشاسة حطوا مقاطع من ناس هنود يرقصون ويغنون عندهم عرس وفي اخر شي لفوا كلهم يطالعون المكان اللي دشت منه العروس والموسيقى كانت هندية
بعد
اليوم رحت عرس ( شكلي وايد مستانسة على هل العرس ) كان صيني وبدال ما تمشي العروس لفوا الكرسي قعدت عليه وعقب بينت
وهي قاعدة وعقب نزلت في الستيج

اممممممممم اذا تذكرت شي بعد باقولج

مشكوره يالغاليه
والله يجبر بخاطرك

السلام عليكم

عنديلا لج فكرة شفتها في عرس

عند المدخل اللي ادخلت منه العروس كانوا حاطين استيج بعجلات وهذا كان جاي مع الكوشة وبنفس مستوى الكوشة لما ادخلت العروس كانوا حاطين لها درج ركبت فوق الاستيج وقفت وكان في مثل العامود عشان العروس تمسكه بدل باقة الورد وكان في اربع بنات يدزون الاستيج كل وحدة في زاوية مع بداية الزفة من المدخل لين بداية الكوشة صار كأن جزء من المسرح لأن مثل ما قلت لج كان في نفس المستوى وبعدين مشت العروس شوي وقفت على الاستيج الثابت واستلمت الباقة من اختها اللي كانت تنتظرها وكملت المشي لين الكرسي وتمت واقفة لين ما خلصت الزفة
بصراحة كانت زفتها وايد حلوة

طبعا كانوا حاطين على الارض مثل السكة الحديد عشان يكون سهل يدزون الاستيج بس كان لونه اسود وما يبان وما تم حد من المعازيم لا وتعثر بالحديدتين انتي اذا سويتي الفكرة خليهم يصبغون الحديد لون فسفوري هههههههههه عشان محديطيح

ان شاالله تعجبج الفكرة

اسمحيلي طولت عليج

تحياتي

الله يوفقج الغاليه والله لو كنتي من دبي ولا الامارات كنت ناويه اعطيج رقمي عشان اتفق معاج على اللي في خاطرج

بس للاسف طلعتي من السعوديه


انتي امري امر وعن التاخر على الرد ترا م عشان الموضوع مايستاهل لا عشان البنات كلهم يتداعسون كل وحده تبي تخدم قبل الثانيه ومو محصلين درب

امزح معاج

المهم
اي خدمه اي شي انا حاضره بس طرشيلي ع الخاص و قولي شو اللي في بالج بالضبط

ام لولوة ذكرتيني انا بعد رحت عرس بنفس الستايل
اتذكره لاني بغيت اطيح مرتين بسبت السكة :)

اذكر في وحدة مسويه عرسها على تايتانك وستايل بحري عطيني شوي وبادور لج الموضوع

حبيبتي يا أحلى نجمه انا بحكيك عن ليلة عرسي بصراحه مو مبالغه كانت جد رائعه حتى الي زين القاعه قال انتي افكارك خرافيه كانت الكوشه سفينه تايتنك جد اخذت نص الكوشهوالطاولات كانت ممزوجه بالون الأبيض والأزرق البحري واستبدلت الزهور بأحواض سمك على الطاولات والممرات كانت صدف وبداخلها محار (لولو ) ويطلع منه دخان الي دحين فواحه وكان على المدخل طاوله كبيره عليها حوض سمك على شكل سمكه زجاج مزين بالورد الأبيض والأزرق مثل الباقه ومرمي على الطاوله شبكه صياد وعليها طبعا لوازم البحر من صدف ونجم البحر وغيره والصوره تصورت من قبل على شكل عروس البحر تجديها في محلات التصوير وكان العريس متصور على شكل صياد والكتاب كان قديم جدا ( الأتوجراف) والزفه بحريه والمسكه كانت ورد وبه أحواض دائريه صغيره جدا بها سمك منثور يمكن ثلاث كرات زجاجيه بتصوري كان جدا رائع وعلى فكره الي اوحاني الفكره عمل زوجي (غواص) وكنت حابه اطلع بشي جديد ماأدري اذا حبيت الفكره ولا لا...........................ا دعيلي بالخلف الصالح .

هذي فكرة

وفيه كوشة الف ليله وليله كرسي العروس عبارة عن مخدة حمراء كبيرة مزينه بالأطراف الذهبية وفوقها المراوح الريش الكبيرة وفي الجوانب مجسمات زي مصابيح علاء الدين!!
وحركه حلوه قبل الزفة جات بنت صغيرة على الممر وكأنها لقيت المصباح السحري وفركته وطبعا حطوا صوت كأنه صوت المارد يقول شبيكي لبيكي اطلبي واتمني قالت البنت اتمنى اشوف عروسه حلوه !! وبعدها تنزف العروسه

ما قصرن البنااااااااات :)

مشكورين وماقصرتوا
الله يعطيكم العافيه
واطمع في المزيد