بنات نفسيتي تعبانه مرة وابغي طلاق وبقي على عرس شهرين

مرحبا أختي كلثم

بالنسبه للشعور اللي تحسين فيه عاااااااااااااادي

كل وحده قبل زواجها بفتره بسيطه تحس بهالاحساس

نتيجه الضغوطات والتفكير في الحياه الجديده اللي راح تعيشينها

فشي طبيعي تحسين نفسج متضايقه ومتنرفزه

وشيلي فكرة الطلاق من بالج

وتعوذي من الشيطان والله يتمم لج على خير ان شاء الله

(وإلا بذكر الله تطمئن القلوب) وداومي على الأستغفااار

وان شاء الله ترتاحين

أختج الدانـــه

حبيبتى كلثم....
انا مثلج باقي على عرسي ثلاث شهور .... كنت افكر فيها بس في البدايه..
والحين ابداااا والحمدالله..... بسب الضغوطات والتفكير
ابدا لا تفكرين بالاطلاق.... لان هذا من وسوسة الشيطان.... يحاول يفرق بينكم
وانت مرتاحه معها ومافيه اي شىء ليش تفكرين ؟!!....
كل وحده مصيرها تتزوج .... صدقيني بتستانسين...
صح في البدايه تكون صعبه.... مع الوقت بتتقبلين كل شىء
حتى بتقولين ليش انا فكرت جيه من البدايه.....
اهم شىء عشان تبعدين هذي الاشياء عنج اكثري من الاستغفار

حبيبتي كلثم اللي تحسين فيه شي طبيعي وعاااادي كل البنات يحسون فيه في بداية حياتهم الجديده ,,
ولا تخلين الشيطان يقص عليج وعلى سبب تافه وتطلبين الطلااااق ,, :mad2:

اتمنالج السعــــااااااده والتوفييييق بحياااااااتج ,,


تحياااااااتــــــــــــــي katkooota ,,,,

شي طبيعي الغاليه انتي لو تشوفيني كيف ملوعه في جبود اللي حولي تقولين كارهه الدنيا ومابغيها خلاص
باقي على عرسي شهر وكل يوم حنه فوق روسهم مادري ليش بس جذا ادور اي سبب عشان اتضارب واحط حرتي في حد والحمدلله ان ريلي متفهم وااايد فيسكت ويخليني ارمس واحط حرتي واخلص وما يقول شي لين ما انا احس على دمي واروح اعتذر وترد المياه لمجاريها على قولتهم
لا تستهمين الغاليه كل حد حولي قالي لي صار له نفس الكلام بس في نفس الوقت قمت احاول كثر ما اقدر اني ما اتنرفز هالكثر او على الاقل ما ابين له لان الريال بطبيعته ما يحب الحرمه النكديه وحرااام اضايقه وهو روحه اللي فيه مكفيه ..
شلي عنج هالوساوس يوم انج تحبين ريلج وهو يحبج خلي الشيطان يولي وبالعكس تقربي منه اكثر وفكري كيف باجر ممكن تسعدينه بدل ما تفكرين بالطلاق ..
اتمنى لو تشلين هالكلمة من قاموسج وتنسين حتى كيف تتلفظين بها لانها عوووده وكبيره على القلب والزم ما على الانسان راحته فلا اتعبين روحج وكلها شهرين وعقبها الراحه دوم يا رب:smile:

الغالية لاااااااا تحاتين يطولي ابعمرج
هذي سنة الحياة فديتج
و هذا شعور طبيعي
كلنا مرينا فيه

فلااااااااااااا تحااااااااااااااتين غناتي
و الطلاق هذا ((((((((((شيليـــــــــــــــــــــــه)))))))) من بالج نهااااااااائيا
و الوحدة ما تعرس عسب تطلق !!
يعني انتي متخيلة سالفة الطلاق هذي هينة ؟؟؟؟؟؟
لااااااااااااا و الله و ألف لااااااااااااااا
بالعكس
إلا عذاب ودماااااار نفسي فظييييييع صعب التخلص منه و ماااااااتتصورينه كيييييييييف!!

وبعدين كبيرة هذي انج تحملين لقب مطلقـــــــــــــــــة..!!
كبيـــــــــــــرة و الله كبيرة
ما فكرتي ف كلام الناااااس ؟؟؟؟؟؟؟
خليج واقعية ترى كلام الناس شر لااااااااااا بد منه للاسف بالذات في مجتمعاتنا
و االله ما بيخلون عيب الا و يظهرونه فييييييييييج حتى لو شو كنتي (( وهذا هو واقعنا )) و لازم نرظابه

استهدي بالله و اتعوذي من ابليس
واكثري من الدعااااااااااء ليل و نهار
ف السجود و القيام
قولي ((يالله حببني له و اجعله قرة عين لي و اجعلني قرة عين له ))

و لااااااااتحاتين اي شي
بالعكس ترى العرس وااااااااااااااااااااااايد حلووووووووووو
و مافي احلى من انه واحد يحتويج و تحتوينه
و الله رووووووووووووعة صدقيني

بس انتي استهدي و اذكري ربج
و زهبي ل عرسج و ارتبشي ويا اهلج و ربايعج و ريلج
و صدقيييييييييييني بتستانسييييييييييييين

واقعدي اتخيلي و اتذكري دوووووم انه اختارج من بد كـــــــــل البنـــــــات عشان تكونين شريكة حياته !!

ترى الفترة هذي من احلـــــــــــــــى الفترااااااااااات فلا تظيعينها بالنكد و الظييييييييييج
بالعكس استغليها
و حسسيه انج تتريين اليوم اللي بتكون فيه معاه بفااااااااارغ الصبــــر

و أرد اقولج هذي سنة الحيااااااااااااااااة
شوفي امج ما شا الله اختج عمتج خالتج ربيعتج بنت ييرانكم
كلهن عرسن
لا اهلج دايميلج و لا امج و لا ابوج دايميلج ((الله يحفظهم )))
فلا زام الواحد يشغل مخه اللي ربه وهبله اياااااه
و لا يقعد يدمر حياااااااااااااته بإيدييييييييييييينه

ف ارجوج زميلتي (((فكــــــــــــــــــــــــري عـــــــــــــدل))))))
لاااااااااااااااااااااااااا تستهينـــــــــــــــــــون فالطــــــــــــــــــلاق

و اذا عندج شي
انا امممممممممررررررررررررررره حااااااااااظرة
و الله ما تتصورون كييييييييييييييييييييف اتظااااااااااااااااااااااااايق يوم اشوف وحدة تكون متسرعة ف القرارات المصيرية هذي

ربــــي يحفظــــــــج
و بلييييييييييييز طمنينـــــــــي عليـــــــــج

[grade="DC143C DC143C DC143C DC143C"]
السلام عليكم ورحمة الله وبركاته

أختي استهدي بالله،يعني معادلة بسيطة إعمليها،هل راح تحسين

بالراحة إنج تقضين طول عمرج في بيت أهلج،الزواج إستقرار وإنتي

عارفة هالشي،وهالتفكير لو طبقتيه راح تندمين عليه وايد...

ومسألة الإقبال على حياة يديدة فطبيعي راح تتضايقين في البداية

من بعدج عن أهلج،لكن بتتأقلمين بإذن الله،وبتستغربين من تفكيرج اللي فكرتي

فيه الحين..توكلي على الله واستعيذي بالله من الشيطان الرجيم،وإرقي نفسج

دائما بالأذكار الصباحية والمسائية،حتى تبعدين هالأفكار السلبية..

تخيلي أسرتج الخاصة،وإن بيكون لج زوج وعيال بإذن الله،هالتفكير بيريحج..

الله يوفقج يارب،ويشرح صدرج،آمين

في أمان الله

[/grade]

مرحبا اختي
الحاله اللي انتي فيها عااااااااااااااااااااااديه جدا اختي باقي على زواجها شهر
ونفس حالتك صدقيني كل الي بيتزوجون كذا يصير لهم لان فراق الاهل مو سهل
خويتي صار لها كذا لما تزوجت يعني الوضع عادي لاتخافين وتوكلي على الله

اكري ربج والصباح والمساء ويوم اتحسين بتعب اتعوذي من الشيطان

السلام عليكم ورحمة الله وبركاته
اختي كلثم انتي مو بروحج بس كلنا جاتنا هالحاله شي لازم بسبب الضغط والتوتر قبل العرس
ودام انج معاه متفاهمين ومقتنعين في بعض هذا الشي كفايه صدقيني بعد ما يخلص العرس بتحسن بالراحه
واستغلي فرصة الخطوبه وخليها ايام حلوه لانها ما راح تنمسح من ذاكرتكم
ولا تجيبين له طاري الطلاق ابد والله اعرف وحده قبل العرس تصيح تقول لريلها ابيك تطلقني لوووول من الخرعه ما عليج انتي كل ما تضايقتي اشغلي وقتج بقراءة الاذكار والقرءان وممارسة الرياضه او الاهتمام بجسمج وبشرتج وابعدي عنج الافكار السلبيه وفكري بكل شي حلوووو ويفرحج
والله يبعد عنج الضيق الكدر ويوفقج ويسعدج ان شاء الله وحصني نفسج بالاذكار واطلبي من ريلج نفس الشي يمكن اللي يصير فيج بسبة حسد من احد والعين حق
والله ييسر لج امورج كلها ويوفقج دنيا واخره

حبيبتي ترا اللي تمرين فيه كلش عااااااااااااااااااادي وطبيعي وشيلي عنج فكرة الطلاق بلا خرابيط......كلنا مرينا بهالشعور ..انا توني متزوجة من 3 اسابيع ... وكنت بالضبط يصيدني مثل شعورج واعصب على اي شي وزوجي بعد...بس ما فكرت بالطلاق بس كنت مفكرة ااجل الزواج لين تهدأ الاوضاع بس صديقتي نصحتني ان طول مل للجل بكون هالمشاكل وفعلا تزوجت وراح هالاحساسا كله مع العلم انا بعد اللي مضايقني شلون بطلع من البيت وانا اخر العنقود مع اني سكنت في شقة يم بيتنا....


وعلى فكرة انا بعد قبل زواجي حطيت المشكلة بالنتدى والاخوات ما قصروا وكانت نفس الردرو...........الله يوفقج والف مبروك عالزواج مقدمااااااااااااااااا

[grade="00008B FF6347 008000 4B0082"]

أختي كلثم

البنات ما شاء الله عليهم ما قصروا

كفوا ووفوا

الله يوفقك في الدارين الأولى والآخرة [/grade]

[لا عاد مو لهالدرجه
اذا كل وحده اتفكر مثل تفكيرج جان محد اتزوج
جان كل وحده تمت بيت اهلها
لازم الوحده اشوي تتعالى على نفسها اشوي عاد مو جي ... طلاق
اسمحيلي ما عيبتني كلامج بالمررررررررررررره

معقولة .......!
كلها شهرين و تجتمعين مع حبيبج ببيت واحد و بعد متضايقة؟

أهلا

البنات ما قصرروووووووووا....

وشيلي فكرة الطلاق من راسك

مثل ما قالت الأخت دلوعة محمداني

انا لست متزوجة ولكن

أعرف يعني شنو مطلقة ...

صديقتي مطلقة وفعلا تجد صعوبة ان تتزوج مرة ثانية بسبب انها مطلقة ....

لأن كل واحد يتقدم لها رغم جمالها وأخلاقها..... أهل الشاب يرفضون لأنها مطلقة...

لقب مطلقة لما تصير على فتاة.... الناس ينظرون لها نظرة ثانية.......كما لو انه عار

فتعوذي من أبليس ولالالالالالالالالالالالالالالالالالا تخسرين حياتك بأيديك

فكري عدل ....مصير كل فتاة بيت زوجها .....

وحاولي انك تكوني مع خطيبك وناقشيه بشعورك واحساسك أكيد اهو يمر بنفس المرحلة...

واللــــــــــــــه ولــــــــــــي التوفــــــــــــــــــــيق

مع محبتي

hawralain

هلا حبيبتي كلثم

شعورج طبيعي جدا جدا جدا ،،،

وهذا كله من وسوسة الشيطان

حبيبتي دامج تحبينه وهو يحبج ترا مافي احلى من جذيه

اهلج الله يخليهم بيضلون معاج ،، يمكن مو نفس البيت بس على الاقل بتشوفينهم متى حبيتي

احمدي ربج حبيبتي على هالنعم ،،، في ناس مو محصلين الزوج الصالح

لاتخلين الشيطان يفرقكم

عيل شتقولين حق البنات الي بيتغربون وبيروحون بلادين غير بلادينهم مع رييايلهم :)

وبالشهور ويمكن سنين مايشوفون اهلهم؟

حبيبتي ادع الله واكثري من الصلاة والدعاء واشكريه على الي انتي فيه

والله يوفقكم يارب وتتزوجون وتفرحووون ان شاء الله

اختج
#رومانسية#

كلثم شعورج جدا عادي حبيبتي

انا صار لي مثلج بالضبط ... ولما تتزوجين ... والله العظيم انج ماراح تحسين بالراحه ببيت اهلج نفس قبل ... بالعكس راح تكون راحتج وين ماكان زوجج

وعلى فكره ... نفس الاحساس هذا اللي تحسينه قبل الزواج ... راح تحسينه مره ثانيه اذا حملتي بإذن الرحمن ... وتذكري كلامي

شتقولين عني انا اللي من ديره وخذت واحد من ديره ثانيه ... بغيت اموت من البجي ... اول 4 شهور من زواجي كان هم وغم من كثر ما كنت اشتاق لهلي

بس زوجي الله يخليه لي كان متفهم ... واول ما تجي اجازه .. يطق لي تذكره انا وياه ويوديني عند اهلي لين تطيب نفسي ويطيب نفس أمي واهلي

والحين مر على زواجي 3 سنين ... وانا حامل لأول مره ...والحين انا بالشهر السابع وقاعده أحس بنفس الاحاسيس اللي حسيتها قبل الزواج

بس لأني مجربه هالاحساس ... ماني خايفه ... ادري انها فتره وبتمر .... قلبي معاج ياكلثم .... واذكري الله وايد

ولاتفوتين فتره الخطوبه هاذي لأنها من احلى الفترات في حياتج ... اهتمي بنفسج للعرس وايد لأنها راح تكون ليله ما تنسّي :)

دعواتي وحبي لج يابنت بلادي

أختي شعورك طبيعي

ووشو طلاق شيلي الفكرة من باااااااالج

وتعوذي من بليس

مشكوووووووووورين خواتي على كلامك وبالعكس انا مااضايقه ولااقووول له شي كلش بس من كثر مانفسيتي تعبانه مع ان عادي بس ماادري شنو يصير فيني فجأة لما اتذكر اني بطلع استضيق وحالتي تعتفس واصير متنرفزة واقعد مضااايقه وفكرة طلاق تجي في رااسي بس لكن ماقلت لحد لاني ادري وسوسة شيطان بس شنوووووووووووووو ياربي نفسيتي تعبااانه واااايد قبل لما رفيجاتي كانوا يقولولي والله كنت اقعد اتطنز عليهم وقالولي يوم تملجين بتحسين وصدق اول مااملجت بالعكس كنت فرحانه ومومهتمه لكن اللحين لوووووووووووووول لما خلاص مابغي شي كلها شهرين نفسيتي اعتفست مرة وحده بشتاق لاهلى ولغرفتي والبيت وخصوصا ههههههههههههه غرفتي والله يو قالوا عزوبيه وناااسه صدق ونااسه واللحين بيشاركني غرفتي شخص ثاااني اف اف اف اف اف اف اف اف

وكل مااتذكر ليله العرس اعتفس مرةةةةةةةةةةةة وحده

مشكووورين خواتي ماقصرتوا

لا تخافين والله الزواج حلو

بس اهم شي تحلينه في عينج