عروس جديده ومو عارفه ؟؟؟

ادري ان مشكلتي بسيطه بس والله من داخلي احسها كبيره
وانا يديده عالمنتدى لا تخيبوني املي بليييييييييز

انا اقول انه غلط انج تخلينه يسافر بروحه .... خصوصا انه المصاريف مو عليه يعني بتعيشون عيشه حلوه هناك .... غلطتج اختي ولازم تصلحينها .... لازم من اول ما اخطبخ لازم تكونين قايلت له انج بتروحين معاه وماراح تخلينه يقعد بروحه ....

بس يمكن زوجج ما يبيج تتغربين عن اهلج .. يعني خايف عليج من الغربه ....

علي فكره انا مالجه واتفقت انا وخطيبي انه لازم اسافر له يعني نفس حالتكم بس انا واهو اتفقنا قبل الملجه .....

هالشغلات لازم تصير قبل الزواج يعني الاتفاق..... بس تقدرين تتصلين عليه وانتي تبجين وحزينه وقولي له ماقدر علي بعدك خلاص انا حاسه اني عايشه بغربه ابي اكون معاك حالي حال المتزوجين ... وعطيه من الكلام الحلوو واكيد بيقتنع بس لازم تتصلين عليه وانتي تبجين لانه وقتها بيتحرك ....

تحياتي وقولي لي شنو يصير معاج وبالتوفيق

اختي حاولي تلمحين له بان الشوق تاعبك وانك مو قادره تعيشين بعيده عنه اكثر من كذا وبعد كثري من الكلام الحلو الشوق يمكن اهو ما يبي يبعدك عن اهلك وانت توك صغيره وماخلصتي دراستك
وعلى فكره الرجال تجيبهم الكلمه الطيبه والكلام الحلو فلا تحاولين تقنعينه غصب وبألحاح بجيتك له لالالالالالالالالالالالالالا الشوق والكلام الحلو وهو اللي بيجيب راسه ويجي اهو بنفسه لك علشان ياخذك عنده
ولا تنسي الدعاء والله كنز والله ييسر لك امرك ويسخر لك زوجك ومايقدر يستغني عنك والله يسعدك معه

ودراستج شلون تخلينهااااااا

الانسان لازم يصبر مو لهدرجه عاد وايد حريم ازواجهم يسافرون بالسنوات يعني زوجج ما يجي بالاجازات؟؟؟

عالعموم اذا اهوا يقولج دراستج معناته يبي مصلحتج هالشي من صالحج

الله يوفقج ان شالله وتخلصين دراسه وتروحين له

صح كلام رندا بس اذا ما رضى بالكلام الحلووو لازم تحاول معاه بالغصب عشان تروح له اهم شي انها توصله وبعدين تقدر تعدل الموقف لصالحها....

وبعدين صح كلام الاخت دقي عليه وانت تبكين وحزينه الرجال ما يحبون الدموع والبكاء فحاولي بكل طرق الدلع والبكاء تحركين مشاعره وتقنعينه يجيبك عنده والله يتتم اللي تبينه ولك مني الدعاء بسفرك عاجلا غير اجل له ويرتاح بالك

الله يعينك واعرف كم صعب البعد عن الحبيب
الله يلم شملكم باقرب وقت
الله كريم

حبيبتى sara حاولى تعرفين شو الاسباب ا للى مخليه ريلج رافض سفرج وتقنعنيه بأسلوبج الحلو وانا من رايي اتكملين دراستج اول لانى اعرف وحده مثل حالتج وما كملت دراستها والحين هى نادمه على دراستها اللى ضيعتها والله يوفقج.

مشكورين على استجابتكم الحلوه والرد الي يبرد القلب
بس صح كلام دعلت حبيبي غلطتي اني ما تفقت بالخطبه وكل كلمه والثانيه يقولي انا قلتلج اني بدرس بره وانتي وافقتي , والي يمنعه ان يبيني اروحله يقولي لازم تكملين دراستج واذا رحتله اكون بروحي مناك لان دراسته تطول لي العصر
وانا حاولت وبكيت وزعلت يومين ما كلمته وماكو فايده الي براسه بسوي


بس والله بردكم هذا انا راح ادعي ربي اول وحاول بين فتره والثانيه ابين له اني تعبانه وشتاقتله وانشالله الله يوفقني وريحني من البعد الي بيني وبينه

مشكوره حبيبتي دعلت حبيبي ورندا ووردة العشاق ونوره ولليان

لا تزعلين حبيبتي بس أنا أشوف إنه كلامه عدل
دراستج أهم........ لكن حاولي تقنعينه إنج تزورينه بالاجازات اجازة نص السنة أو اجازة العيد بالطرق اللي قالوا عنها الأخوات
بس في نفس الوقت خلج واقعية لأنج مرتبطة بدراسة و الحمد الله إنج لقيتي زوج مهتم بدراستج و متحمل الغربة بروحه و هو متزوج
ترا هو بعد أكيد يعاني نفسج بس عارف الظروف

طفوف انا معاج بانها تكمل دراستها لانه شي مهم بس مو معاج انه اهو متحمل الغربه بروحه ......

شوفي حبيبتي يعني اذا سافرتي له ماراح تلقين جامعه ومعهد هناك؟؟؟ اكيد فيه واكيد بيتكملين دراستج واصلا بتكون شهادتج اكبر واحسن ....

اهو لمه يردد عليج سافه انا اتفقت معاج واتفقت معاج اني باكمل دراستي بروحي قولي له ما كنت اعرف اني رح احس بالغربه وانا في بلادي وبين اهلي ... لا لا لا يا فلان انا ابي اكون معاك ولازم بهالشي تمشين رايج لانه صدقيني دام انج تنازلتي عن هالشي باجر راح تتنازلين عن اشياء وايده ......

حبيبتي كل رياييلنا تشتغل لين العصر وعادي كلنا عايشين مع بعض لاااااااااااازم تستحملين انه يكون بعيد عنج فتره الصبح بس الاهم انه بليل بيكون بين احضانج وهذا احسن وقت ..... انا مادري شلون اهلج وافقو علي هالفكره...

الحين لازم تسوين خطوه بخطوه عشان توصلين للي تبينه ..... ابدي معاه بانج تعبانه وابجي دموع حلوه وكلام غزل وكل يوم حسسيه انج ما تقدرين تعيشين بعيده عنه....

الله يوفقج حبوبه

انشالله حبيبتي بحاول كثر ما اقدر
واذا وافق انشالله راح اخبركم وادعو معاي الله يخليكم

هاه بشري سارونه وافق ؟
وش صار عليك ؟
طمنيناااااااااااااااااااااااااااااااااااااااااااا

والله صارلي يومين مو مكلمته قلت اخلي فتره وبعدين ارد افتحله الموضوع جلكسي
وانشالله الله يجمعنا مع بعض

البعد مو حلو
ودراسة بعد ماهي حلوة انك تتركيه
مصيركم راح تكونوا مع بعض
بس اهم شي دراستك والله
لاحقة على زوجك
واذا قدرتي تكملي بره ياليت
الله ييسر امورك اختي ويطمن قلبك ويريحك

[align=justify]

زوجش أكيد يبي مصلحتكم انتون الأثنين معا لأنه يكمل دراسته و يتمنى اليش تكملين دراستش بعد خاصة قبل ما يصير عندكم أطفال و بعدها لما يرجع بالسلامه و انتين تواصلين دراستش تقدرين تشتغلين و تعينينه على المعيشه الليي متطلباتها ما تخلص و نصيحه مني خليش مكمله دراستش فالشهاده هي سلاحش في المستقبل المجهول و حطي في بالش بس يرجع و تحملين يمكن توقفين عن مواصلة الدراسه و هذا راح يعيق مستقبلش

يعني في أجازه الدراسه تقدرين تزورينه

شوفي حبيبتي انا ما احب سفر الزوج بروحه للدراسة ولا ابي أشيشج عليه بس ترى اهو ادرى بالموضوع :think::think::think:

تدرين ليش اولا اذا رحتي هناك رهح تكونين بروحج وراح تملين العيشة من الصبح للعصر في البيت القعدة ملل عن جد وخصوصا

انتي متغربة عن اهلج لا أهل ولا صديقات ولا جيران وفوق هذا كله مكالمات غالية عشان جذيه اهو دارس الموضوع عدل

عشان جذيه رافض حضورج اولسبب ثاني يمكن اذا رحتي عنده راح ينشغل وياج وما راح يدرس وراح يجابلج ويقعد تدرين

معرس يديد ولازم يستانس صح ولا انا غلطانة واهم شي لاتحطين في بالج انه ما يبيج عشان اهو عنده سوالف بنات او خرابيط

او غيره ترى اللي بره ومتغرب عن اهله وحبايبه الزم ما عليه دراسته ولو فعلا عنده شي كان ما قال لج تعالي شهر 7 جان قال لج

متى ما تخرجت انا راح أرجع ويمكن يكون ساكن مع ربعه ساعتها وين راح تقعدين وتبين الصج فكري بدراستج مثل ما اهو يفكر بدراسته

ترى هالزمن شهادتج اهي سلاحج . ولا اشرايج عجبج كلامي ولا لأ.............(r)(r)(r)(r)(r)(r)(r)(r)(r)

لوووووو تروحين معاااااااااااه افظل

الله يعينك حبيبتى ويوفقك لما فيه الخير
بس انا رأى انك تتحملى شوى والايام بتمر بسرعه
ادرسى واتمتعى بايام الدراسه عشان الايام دى صعب تعوضيها
السفر موجود فى اى وقت ويتعوض لكن الدراسه مش هتتعوض
وحاولى زى البنات ما قالو لو فى امكانيه تروحيله فى الاجازات لو ما فى لا تحولى حياتك جحيم
اتمتعى بايام دراستك اللى صعب تعوضيها مع صديقاتك واهلك
بكرة تسافرى وتقولى ولا يوم من ايامى مع اهلى