ماقدرت اغير اكلي الي احبه دغووووس زنسكافيه وكابتشينو وجبس وحاار او مالح

هلا الغالية دنيا الوله
بصراحه هالاكل و المشروبات غير صحيه بتاتا
الجنين يبغي نوعيه ممتازه من الفيتامينات عشان ينمو دماغه بشكل ممتاز
انصحك تتركين هالنوعيه من الاكل الغير صحي
عشان خاطر بيبي ينولد بخير و عنده مناعه قويه

هلا بكم ..........

الصراحه انا مع فوانيـس انا حامل في الشهر الثاني وتقريبا واسبوعين كنت مدمنة الغازات بس يوم حملت ودرت لانه ادري بعد الولاده ولدي او بنتي مريضه لان اي شي اكله الحين الياهل يتاثر والله اعلم انصحج ودري احسن كله عسب البيبي يكون اوكي والسموحه

اهي ما تؤدي الى سقوط الجنين بس كل ما في الامر انك تشبعين بشغلات جسمك و جنينك ماقاعد يستفيد منها

انا انصحك وانا مثلك اموت بالحوامض و الحار و المالح بس الدكتوره لمن سالتها قالت لي ما يأثر بضرر بس انك مابتستفيدي

الله يسلمك الغاليه من كل شر أنشاء الله


بس فعلا انت تأكلين اكل يضرج اكثر ما ينفعج

اولا الكوفى منبه قوى لج وللطفل
انا مدمنة كوفى بحكم عملى شفتات الغاليه زيدى حليب فى الكوفى واستخدمى الكوفى الخالى من الكافين واذا تقدرين تستغنين عنه احسن لج وكثرى من شرب اللبن والحليب

2 الدقوس بيسويلج صاهر وحرقه بالمعده حاولى بقدر الامكان تبتعدين عنه وخذى الدقوس الخفيف مب بو نسر والله بتحسين بالحرقه فى صدرج عقب وانت انشاء المولى فى اواخر الثامن



3 الجبس كله مواد حافظه خليه عقب الوجبات الرئيسيه لانه لبيشبعج لكن ما بينفع لج ولا لجنينج واختارى الاصناف الخاليه من الملح


4 حذارى حذارى الغاليه من الملح والله عن تجربه انا يالى ضغط والسبب العصبيه والملح
خففى منه على قدر الامكان حتى فى الاكل العادى وخاصه الاجبان ومشتقاتها


والسموحه الغاليه ان طولت عليج

ادعيلى ان الله يسهل على انشاء الله

انا توحمت على اجاااااار .. قمت اشرب مايه وهو حار و على الريق ..
الكل نازعني و الكل يقولي بتذبحينه و بتحرقينه و اللي يتمصخر يقول بيطلع ولدج فلفل حار
و بعد كل اكله احس بتأنيب الضمير و الضيق

بس نصيحتي لج وازني ... يعني انا بلالسبوع ما اشرب ببسي بس يوم اشوف حد اشل من فمهم الكوب و اقول بس شوي خخخخ و صج بس اطعمه و ما اكمل ..

و اهم شي زيدي من الفواكه و الاشياء الصحيه .. لان مرة الطبيبه قالت لي اي شي انتي تاكلينه اول شي يسير حق البيبي .. فتخيلي انتي تاكلين سموم و تعطينها حق ولدج !!!!!!

أزيدك من الشعر بيت سمعت اللي تاكل فلفل وهي حامل يطلع ولدها أصلع خفيف الشعر بتقولي كيف عيل الهنود بقولك هذي خلقة من الله انهم ياكلو فلفل وما يضرهم وشعرهم كثيف. هذا والله أعلم ما احب أخوفك بس هذا اللي سمعته

معلومات حلوة استفدتها من الاخوات تسلمون

أنا مثلج بالضبط كله آكل خرابيط ، جبس وكاكاو وأجار وآيس كريم ، بس بسبت زيادة الوزن هالكم يوم ودرت هالسوالف إذا عن خاطري باكل جيس واحد جبس بس أو قطعة كاكاو وقمت آكل فواكه ماتتصورين والله انه هالاسبوعين كيف شكلي متغير والله استغربت انه هالأشياء مضره

بشرتي استوت أحلى عن قبل ، وفيها حيويه والله انها كانت شاحبه وأنا أقول من الحمل ولكن طلع من التغذيه السيئه


أنا انصحج كلي إللي في خاطرج لا تحرمين عمرج من شي بس خففي شوي منها وكثري فواكه انت بتستفيدين والنونو بيستفيد

um_m:

بشرتي استوت أحلى عن قبل ، وفيها حيويه والله انها كانت شاحبه وأنا أقول من الحمل ولكن طلع من التغذيه السيئه

حبيبتي كيف التغذيه السيئه تخلي بشرتج حلوة ؟؟ خخخخخخخخخخ
العكس حبيبتي .. الحمل و هرموناته هو اللي يخلي البشره تكون حلوة حتى الشعر .. استمتعوا بجمالكم بعد الولاده كل شي يصير اخس حتى الشعر يطيح

حاولي الغاليه تستغنين عن ها الاشياء بس ها الفتره..عشان الياهل..

الله يعطيج العافيه..

انا نفس الشئ أحب الموالح والحار ....والله الاكل مشكلة!!!!!!!

مشكوووووووووووووورات خواااتي والله يسعد كل وحده يارب
ويسهل على كل حاامل انشاءالله

من اليوم بديييييييييت
خففت كل شيء حار
اشرب حليب واايد
وماي وايد
فواكه
خضار
اجبان
وانشاءالله كل شيء يكون اوكي