هلا عرااايس!
للمرة الثانيــــة يبت لكم طرق حلوة لتعطير الغرف والملااابـــس
وان شــــــاء الله يعجبكم الموضوع
الطريــــقة الاولى: (للملابــــــــس)
الادوات: نشافة الملابس ومبخرة
جيبي مبخرهوحطي فيها الفحم والبخور <<<طبعا النشــــافه بدون ثياب ومفصوله عن الكهرباء
صكي باب النشافه وخلي المبـــــــخر داخل
سوي هذا الشي بالليل وكل يوم بعد الغداء لما تبخرين البيت حطي المــــبخر وبخري النشافــــــه بعد نفس الشي عشان تتشبع النشافه بالبخور
ولما تغسلين الثياب بالصباح حطيهم فيها وشغليها وشمــي الروايح العطـــــــــره
مع الاستمرار بتظل رائحة النشافه تجــــــنن
وبجذيه بتظل ريحـــــــة ملابسكم حلوه وزكيه
الطريقــــة الثانية: (للغــــــــرف)
الادوات:
عطــــــر زيتي ، أبجـــورة
ممكن تحطين بدل العطر الزيتي قطرات من دهن العود او دهن الورد
الطريقة:
تحطين قطرات من العطر الزيتي المفضل عندج وعند زوجج واتحطينه على ليت الابجورة وهي مصكرة يعني مطفية ،،، وبعدين شغلي ابجورتج الحــــلوة
وبعد ثواني بتشوفين بخـــااار
لاتخافين لان الليت ماراح ينفجر
وهذا البخار دليل على انتشار ريحة العطــــــر
وانعمي (بالهدوء والرومانسيه) والراحه مع عطرج المفضل.
الطريـــــــقة الثالثة: (للملاااابـــــــــس)
ضعي بعض قطرات من عطــــرك الزيتي المفضل
على منديل ورقي.. وغطيه بمنديل او قطعة قماش قطنيه
وحطيه بين ملابســـــك وملابس زوجـــــــــج المطويه في الخزانـــــــه
او علقيه بخيط في الخزانه عند الملابس المعلقه
وبتشميـــن ريحة الملاااابس غايه في الروعه وماراح تكون الريحة قويـــة وتصدع
وبتلاحظين ريحتها الناعمة والخفيفة حتى لو زاد فترة وجود الملاابــــس في الخزانة
وحبيت اضيف ان اذا كنتي او زوجج مرهقين ،، حطي عطر بريحة الافندر لانه يخفف التوتر والارهاق
وان شــــاء
تشمـــــون ريحة الجنة ،، يــــــارب
اختكم الي تحبــــ#رومانسية#ـــــــكم
