ممكن طلب ؟؟

السلام عليكم ورحمة الله وبركاته
في البداية كيف حال الجميع إن شاء الله دوم بخير يارب...

بصراحة انا محتاجة لردودكم اللي رح تساعدني كتييير والله لاني محتارة شو اعمل... انا تقدم لخطبتي شاب ماشالله دين واخلاق ومتعلم، مع العلم انه مركزه كبير ،، المشكلة في فرق بالسن بيني وبينه حوالي 15 سنة... هذا الموضوع كتير مخوفني لاني ما أعرفه شخصيا (تقدملي عن طريق معارفنا) وما اعرف طريقة تفكيره في الحياة ، لكن لما اجى اول مرة عندنا قبل مبارح جلست معاه قدام نظر الاهل طبعا وحسيت انه بسيط ومرح وعمره مو مؤثر على أسلوب حياته أبدا،، حتى اللي يشوفه يحط عمره بالعشرين مع انو بمنتصف الثلاثينات.. أهلي "طار عقلهم" فيه وبأهله.. وقالولي انه مؤدب انا ما بختلف معهم من ناحية الاخلاق، لكن هذي الراحة اللي تقولون اني أول ما اشوفه يدخل قلبي على طووول ما حسيت فيها... ولا اني نفرت منه... خايفة اوافق وبعدين أكتشف انو مو الانسان اللي راسمتله صورة ببالي...من ناحية الشخصية.
المشكلة هنا انا بنت كتيرر ضعيفة يعني مو من النوع اللي ياخد حقه بيده، واهلي بدهم اياني اوافق عليه وانا بعد ما بعرف طريقة تفكيرو ولا ملامح شخصيتو.. ما إلهم حق... والموضوع كتير متعبني... وهم عنيدين بدهم اقنعهم بالمنطق... يعني بالنسبة إلهم مو سبب مقنع اني مو مرتاحة لانه برأي والدتي انا حاطه براسي كلمة لأ.......
طولت عليكم حبايبي متأسفه كتيير انا بستنى ردودكم ضروووري لانو جاي بكرة وأناشد قلوبكم الطيبة تحس بمعاناة فتاة لا حول لها ولا قوة.
أرشدوني والسموووحه منكم
الحائرة مي