اللى زوجها عصبى ومزاجى ترد على ضرورى

زوجي عصبي صحيح بس إذا صار زعل بيننا وكان غلطان...

يجي يتسامح وإذا أنا غلطانه أروح أتسامح منه...

مش ضروري إنك تقولي كلمة آسفه فيه طرق كثيره عشان الإعتذار خصوصا للمتزوجين...

وإنتي إفهميها...

إغريه.. تلصقي فيه.. ضميه.. وإذا ما نفع إعتذري منه...

مايصير هذي المده كلها وإنتوا لسه ما تصالحتوا...

الله يخليكم لبعض إن شاء الله...

الصراااحه أنا بعد زوجي عصبي وااايد ، لكن الحمد لله متفهم صار إنه زعل مره 3 أيام لكن في الآخر رجع وسألني و ببرر موقفي مع إن هو كان غلطان ..
إنتي حاولي إتطرشينله مسج تعتذرين له فيه ما إتقولنله أنا آسفه وخلاص لا تبينين له أنه ما في حد في هالدنيا ممكن يسد مكانه قوليله و إنتي إتصيحين أن إنت كل شي في هالدنيا وسبب وجودج فيها هو عشان طاعة الله أول شي ومن ثم طاعته و إطلبي منه فرصه ثانية وبشرط إتحاسبين على كلامج المرة الياية .وإن شاء الله ربي يوفجكم .

مشكوره يا بنت قمر علىردج بس انا زوجى صعب شوى وهاالمره زعله كبير حتى ما يتقبل منى اى كلام .

الله يهدي لج أياه أنشاء الله ........................أنزين غناتي مافكرتي تاخذيله هدية صدقيني اول مابيشوافها بيتلوم وبيفتح الموضوع أوياج ......................

هلا أختي بي6بي6 على ردج بس زوجى ما ينفع معاه هالاسلوب انا عادى بسويه بس ما ينفع وهو لمل يعصب يسوى كل شى يقطع التلفون وقطع النت عنى وانا داخله بالنك مال ربيعتى.

عادي الشيخه مهما طالت المده في النهايه ماله غيرج وانتي بتبقين في نظره الوحيده اللي يرتاح عندها ويلاقي سعادته معاها بس انتي يبالج شويه صبر عليه يعني مهما طالت مده الزعل تمي انتي صالحيه وراضيه لانج انتي الغلطانه من البدايه ولو انه زودها بس يالله اذا شد هو انتي لازم ترخين ولا تتنرفزين جدامه من زعله عليج ..
حاولي بكل الاساليب لا تقولين ما ينفع معاه هذا والا هذا لانه في النهايه انسان واكيد له احساس
ودي له هديه مع بطاقه شوق واعتذار تطلبين منه ينسى اللي صار وتوعدينه انج ما تعيدينها
ما فاد وياه انتي كل يوم روحي له ودلعيه وكبري خاطرج وقلبج معاه حتى لو صدج وصيحي له شويه بس قولي له مهما سويت فيني ببقى احبك واتريا رضاك وخليه شويه روحه يمكن يراجع نفسه
طرشي له مسجات اكتبي فيها كلام من عندج ساعات مثلا يهون عليك الله ما يرضى علي لانك انته مش راضي ؟؟
تمي الغاليه وحسسيه بحنانج وحاجتج له اكثر وانه هو بالنسبه لج كل شي واهم ما في الدنيا عندج رضاه وان شاء الله هو بيحس صدقيني لو طالت المده في الاخير بيرجع لج لانه ماله غيرج ولا له غنى عنج

الله يهديه يا رب ويصلح بينكم ويوفقكم امين

الله يساعدج ،،

شكله ريلج وايد جاف .. معقوله لدرجة انه يقطع عنج النت والتلفون ؟؟؟!!!!!!

بس مثل ما قالو البنات انتي مالج غيره واهو ماله غيرج من جذي اقولج اكبري قلبج وعقلج وحسسيه انج محتاجة له وايد ومو قادرة تعيشين بدونه .. او خططي لمفاجأة حلوة وغريبة شوي ترجعه لج ،،

دزي له باقة ورد على شغله وحطي فيها بطاقة مكتوب عليها اعتذارج وأسفج على اللي صار وانه درس راح تتعلمين منه وما راح تعيدينه مره ثانيه ،،

واذا عندج عيال تقدرين تخلينهم واسطة خير بينكم بعد ..


وان شاء الله نسمع عنج اخبار تسر يا رب

شفتي عااااد مكر الحريم اختي


انتي اطلبي في منتدى عروووس والكل يساعدج


الحمدلله منتدى متفاهم بس الكل يعطيج حل وانتي شوفي اللي يناسبج


والله يكون في عون اللي رياييلهم عصبيين

مشكورين خواتى امل وعوس ناعمه وام خلفان ما تتخيلون اشكثر فرحت بردكم وخفف عنى وايد بس صدقينىيا امل انا ما غلط عليه الا بعد ضغط نفسى بسبب معاملته بس الله يهديه ودعواتكم.

عادي حبيبتي كلهم جذا يوم يبون يزعلون على اتفه الاشيا بيزعلون بس انتي خلج قويه شوي واستحملي ودلعيه فوق ما تقدرين ولمدة طويله متواصله واذا تم على ما هو عليه اسكتي عنه بس لا تزعلين
شوي بس خفي عليه وعادي ارمسي وياه وسوي له كل شي بس تبينين له في نفس الوقت ان خاطرج مكسور من صوبه لانج حاولتي وما فاد وياه وان شاء الله عاد عقب ما يكون تعود على دلعج يحس يوم بيشوفه خف شويه ويركض لج بنفسه بس هااا مب تعاتبينه وقتها
لااا كوني ذكيه وخلااص طنشي اللي راح وقولي له صدقني اخسر الدنيا كلها ولا زعلك عليه

الغاليه ترى الكلمه الحلوه يوم تنقال في وقتها لها تأثير كبييير في النفس والله فلا تحرمينه من كلامج الحلو اللي يدخل القلب من فتره لفتره حتى لو كنتوا متزاعلين .. وهو اكيييد بيحس لانه محتاي لمثل هالكلام ومحتاي يحس بحاجتج له اكثر من قبل فلا تحرمينه هالاحساس لان الريال بطبعه يحب يشوف حاية حرمته له وانها ما تقدر تعيش دقيقه من دونه

حاولي كثر ما تقدرين وان شاء الله ربي بيهديه ويرده لج احسن عن قبل امين

حبيبتي طنشيه طنشيه طنشيه
وشوفى اذا مارجعلك هو ما اكون جولين
هذى الاشكال معرررررررررررروفه وعن تجربه
وتحياتى

السلام عليكم ورحمة الله وبركاته

حبيبتي انا زوجي على قولتهم نااااااار الله الموقدة يعني موبس عصبي الاجهنم بكبرها ولين يعصب كأن واحد ثاني واذا مو معصب شحلاته ....قبل كنت احط بالي وباله اذا يعصب الحين اسكت عنه واطنش او اعتذر واسكت اخرته هو اللي يرد حتى لو عقب سبوع بس الصراحة احس شهر وايد وايد انه يزعل بس انتي نثل ما قالو لج الخوات حاولي معاه حتى لو صدج بكل الوسائل واذا ما رضى شويه تطنيشه يمكن يرد...
واالله يوفقج انشالله ونسمع اخبار حلوة منج...........

السلام عليكم ورحمة الله وبركاته


أختي الكريمة (سوااااري)

أنتي عطيتينا جزء من المشكلة وخليتي سبب المشكلة على طرف

والحل يجي بمعرفة سبب الزعل بينج وبينه.. يمكن أنتي غلطتي بس مو عارفة..

وما أقدر أعطيج حل غير إللي قالوه البنات ولكن مثل ما يقولون إذا عُرف السبب

بطل العجب.. إذا كنت تريدين حلول أكثر يا ليت نعرف سبب المشكلة علشان نقدر نساعد..



والله يوفقج ويهدي ريلج

اخت سوارى انا بعد زوجى بيعصب على خاصة لما بكرر غلطى و مرة سواها و زعل منى 3 اسابيع ورايى او الى انا سويتة تركتة بدون ما اكلمة حتى حسيتة هدى و بدى ينسى الموضوع و كمان ما كنت اقصر فى طلباتة يعنى كنت اسوى طلباتة بس ما احتك فية ولا اخلية يشوفنى انا بغرفة و هو بغرفة و بعد 3 اسابيع اتكشخت لة و رحت لة و انا مبتسمة و قلت لة اسفة حبيبى و حضنتة و لان على طول انا شايفة ان هى دى الطريقة المناسبة لان الزوج ما يقدر يستغنى عن زوجتة خاصة اذا وحشتة والله يهدية

خواتى مشكورين على ردودكم وابشركم ان زوجى خلاص رضى بروحه ومشكورين على دعواتكم.

على فكره انا مو سواااارى والنت رجع لى خلاص ومشكورين تعبتكم وياى.

الاخت العزيزة سوااااري

اكتب اليك هذا الرد وزوجي بجانبي والذي كان متفضلا بصبره وحبه لي كيف الغى من حياتي والى الابد التسرع في الاجابة والرد الذي يسبب التجريح اولها كان يقول لي

بسم الله الرحمن الرحيم
واغضض من صوتك - صدق الله العظيم

وثانيها
يقول قال مولانا علي: اتمنى ان تكون لي رقبة كرقبة البعير، لماذا؟
حتى اذا خرجت الكلمة نستطيع ردها قبل بلوغها مسمع من هم يتصدعون عند سماعها

واولى شمائل وخصال سيدة المنزل الرائعة هو ان تكون مرآة للجمال لا خنجر للقتال ، وهذا صدقيني يا اختي الغالية هو سر قوة الزوجة بالذات، والبشر عموما

يجب ان تستفيدي من هذا الخلاف ولا يوهمك البعض بمقولة حق يراد بها باطل، وهي ان المشاكل ملح الحياة

لا لا ثم لا ان ملح الحياة هو التروي والتاني وكم انا نادمة انني في يوم ما قد ارتفع صوتي على هذا الصقر الذي يعتلي قمة المحبة لقد كان وهو مجروح من كلامي يقدم لي النصح على شكل رسائل بخط يده تدينني تارة وتشجعني تارة ولكنها علمتني درس كبير هي اني عندما فزت بالصلح معه تمسكت به بيدي وباسناني نزعل.. ممكن، نتخاصم مؤقتا ممكن ولكن، بهمس انا ادخلت الهمس في فصيلة دمي لانه قال لي (انت انثى) .. والانثى حرير والحرير رقيق وصوته موسيقى وملمسه حنان وقربه امان ، عليك الآن ان تتاملي كثيرا انت متاملة ، وهو متالم ، وغدا سيتكلم ، ولكن بعد ان تعطيه عهد . عهد الوفيات المخلصات بان صوتك لن يعلو عليه بعد اليوم .

سلميه هذه الرسالة واكتبي فوقها بخطك( حبيبي هذا عهد) ، ستجدينه قد طبع قبلة على جبين زوجته المقدس.

تقبلي منا فائق الاحترام يا اختنا الغالية،

نسخة منه الى سيد منزلك قولي له ان السماح صفة الشجعان