ساعدوني .. وخبروني شو اسويلها

اختي قبل كل شيء، جربي التالي


عادة اذا جسم الطفل متعود عالكريم عشان معالجة الطفح بعد مدة يتعود عليه ويصير بدون مفعول..

لذلك جربي تحطين بودرة الاطفال، او بودرة نشا، وخبرينا...

<<<< مجربة :up:

ما أعتقد أختي أن من المشاية، بس ماكان عندها تكرمين أسهال؟ لأن ولدي أحيانا وقت التسنيين يكون مسهل ويبقى فيه الإحمرار فترة، لا تستخدمين كريم الطفح على طول ، لأن مثل ماقالت الأخت جمانة إذا تعود الجسم عليه ماراح يسوي أي مفعول.. أخذيها للدكتور أحسن إذا ماكان عندها من فترة بسيطة إسهال أو إذا الشغالة تغسلها يمكن طريقتها خطأ من الوراء إلى الأمام والصح من الأمام للخلف.. ماعليها شر...

الاحسن انج تودينها عند الدكتور .. او دكتورة جلدي ... لو مال الكبارية مع عليه المهم مال الجلدي

وديها عند الدكتورة سعاد ... الي يحطونها فالتلفزيون تتكلم عن البشرة عمتي ودت بنتها كانت تقطع عمرها من الحجاج طول الليل وهي تتحجج فقيرة عمرها 11 شهر والحمدلله عطتها 3 كريمات تخلطهم

جامي تقريباً هذا الشي ايي اذا هيه عزج الله تتبرز اكثر عن مرة في اليوم .. والاسهال اكثر شي يسوي جي

وان ماكان فيها اسهال عادي اتصير وايد بس لا المشاية ولا الحفاظ لهم خص.. والله جربي الفازلين وودري اي كريم ثاني لأنه بيبرد عليها وبيخف الاحمرار بسرعة

عيال اختي كانوا يصيحون من التسلخات الي ياتهم وما فادهم غيره

جربيه فتره ان ما فاد وديها المستشفى

اختي تبين نصيحتي وديها مستشفى الوصل الطواري ..هم تمر عليهم الاف الحالات اللي مثل بنتج وان شاء الله بيعطونها العلاج المناسب..بالنسبه للدكتوره الجلديه ما انصح بالدكتوره سعاد لأنها دايما تعطي ادويه قويه..وبالنسبه للاخت بجعه والحاله اللي اللي ذكرتيها اتوقع اكزيما لانه عبارة عن كريمات مخلوطه مع بعض مثل ماقلتي...بس بالنسبه لبنت الاخت جامي التهاب في منطقه الحفاظ وحواليها ...ماتحتاج هالادويه المركبه اللي تكون غالبامركزه وقويه..وديها الوصل ومابتندمين....حتى التحاليل بيسوولهاا وبيعطونج النتيجه نفس اليوم...يعني كل شي متوفر عندهم

مشكورات حبيباتي ..
و الاخت بجعه انا ما اتخيل اعطي بنتي دوا اكبر عن حجمها و سنها .. بس مشكورة على النصيحه

جمانه بجرب بودرة اطفال

رانيا البحرينيه انا اغسل بنتي و محد يمسكها غيري .. و من الكريم احس صار لون جلدها اسود و مجعد تقولين جلد عيوز معورة قلبي و هيه ما فيها اسهال


عيون هذا مب تسلخ ولا هيه فيها اسهال ما اعرف كيف اشرح لكم المنطقه اللي حوالين ال---- هي اللي محمرة وملبسها حار والحينه مسود ومجعد



الفجر البعيد مشكورة اختي على النصيحه بس انا من بوظبي ..زوريلي كان دوام من الاربعا اللي طاف واليوم بيرجع بشوف باخذ موعد عند المتشفى الرحبه

عادي بعد حطيلها فازلين مب شرط تسلخ ...

جربي

اليوم جربت بود الاطفال بس جلدها صاير شرات العيوز مجعد ..

عندي ملاحظه...انتي اكيد قبل كنتي تحطيلها كريم الحفاظ حتى لو ماكان فيه تحسس صح؟ اتوقع من كثرة استخدام الكريم من غير داعي استوت المنطقه مجعده.... ويمكن يكون الكريم اللي تحطيلها اياه فيه نسبة كورتيزون...ومعروف انه استخدام الدواء اللذي يحتوي على الكورتيزون لو نسبه بسيطه يسبب اسوداد الجلد على المدى البعيد.....

انا كنت استخدم كريم همالايا
كان فيها ااحمرار بسيط جدا

بس بعد ما استخدمته احس صار يزيد و بشكل حرق ... يعني الجلد صاير حار و محمر

و بعدين جربت احط سودو كريم ... تخبصت الدنيا الجلد تجعد بطريقه فضيعه ما احب المسها
و سوددت المنطقه

اختي جامي لازم لازم لازم يشوف بنتج الطبيب...

اختي ليش حطيتيلها كريم هيمالايا...انا ابدا ما شفت اي دكتور ينصح فيه...هذا منتج تجاري احسه....انتي بس لو تعتمدين على السودو كريم اضمن مكون من مواد طبيعيه.....وديها الدكتور وبعد العلاج حطي لها بس السودو كريم...

مرحبا الغاليم ممكن يكون من الحفاظ استخدمي حفاظ اسمة موني بتحصلينة في الجمعية واستخدمي كريم سيباميل مكتوب علية كريم علاجي خاص

اانا بعد بنتي نفس الشي...

من زمان وهي على هذي الحاله....

استخدمت لها سودو كريم وما فاد....

استخدمت لها كيناكوب ويخف ويرجع مره ثانيه....

المنطقه عندها حمرا وفيها حبوب....

غيرت لها نوع الحفاظات مع اني كنت استخدم بامبرز وهي الاحسن......

كنت اغسلها كل مره اغير لها الحفاظ الحين قللت عدد الغسلات....

بس مافيه فايده

جمانه .. والله مب قادره اوديها لاني ما اشوف زوجي لانه مشغول .. و ما عندي حد اقوله ... و اليوم المفروض يكون فاضي بعد طلعت له شغله و هدنا وراح .. الحينه ما اعرف شو اسويلها .. احاول اني ما احط لها اي كريم .. بس البودرة اللي قلتي عنها


الفجر البعيد .. انا شفت البنات يمدحونه وايد و هيه كان فيها احمرار بسيط لا يذكر .. بس غبائي خلاه يزيد و الحينه ندمانه الف مرة على هالتجربه


خلود .. انا افكر اني اغير لها الحفاظ لانه من اول ما استخدمت رقم 4 موجب و هيه بهذه الحاله ... ما اعرف من الكريم ولا الحفاظ


بنت كيوووت ... نفس ما تقولين بالضبط احمرار و حبوب صغيرة و الحينه بدأ التسلخ و احسه منتفخ .. هذا غير انه متجعد و مسود .. و الله صرت ما احب المسها ... حتى زوجي اليوم شافها بطل عيونه و يقولي شو هذا ليش مخلتنها جذي ؟؟


يعني فالذمه شو اسوي ؟؟؟ غامضتني و ادري بها صارت ما طيق الحفاظ ... و انا مب قادره اعرف شو السبب الحفاظ ولا الكريمات ؟؟ بقوله يودينا العياده باجر .. ان شاء الله ما يكون مشغول بعد ...

بسالكم ليش ما تستخدمولهم كريم زينك اويل .. وما بتحصلونه الا فالمستشفيات الحكومية ...

والله وايد وايد مفيد ...

حبيبتي الله يعافي بنتج ان شاء الله..

اول شي لازم تغيرين الحفاظ..

ثاني شي لازم تغيرين الكريم وتحطين فازلين فعلا فعلا مفعوله رائع...

ثالث شي لازم تنشفين المنطقه عدل من الماء...

حبيبتي ومرات يكون الاحمرار حساسيه من نوع من انواع الاكل فإذا كنتي اكلتيها نوع يديد فيمكن يكون هو السبب,,,

الانواع اللي تسبب حساسيه المانجو...البقدونس..الفروله..الطماط...

فاتمنى يفيدها ها الشي..

وها الاشياء ما تمنع ذهابج للمستشفى,,

البجعه .. والله تعقدت من شي اسمه كريم


العهد ... ما اعطيها هالانواع من الاكل اللي ذكرتيها .. بس ممكن اللي تقولينه صح ..
بشوف باجر ان شاء الله اخليه ياخذني للطبيب و اشوف بس ان شاء الله ما يكون مشغول تعبت

الله يشافيها يارب ..

لاتنسين تطمنينا عليها اول ما توصلين من عند الدكتور