ممكن نصيحة

السلام عليكم
انا مشاركة جديدة في هدا الموقع الكتير متميز وانا كتير مبسوطة اني انضميت الكم خاصة اني بحاجة اسمع نصائحكم في فترة الخطوبة
انا من حوالي 5 اشهر مخطوبة من شب الحمد لله كتير مرتاحة معو انا من سكان فلسطين وهو فلسطيني بس بيشتغل بالامارات . في الاربع اشهر الماضية كانت الاتصالات بينا عن طريق الجوال والانترنت وانا كنت احس حالي اني مش مبسوطة لانو الهدف من فترة الخطبة انو نتعرف على بعض اكتر ونتقرب اكتر ونحس بهمومنا ومشاكلنا بس هدا الشي ما قدرت عليه وهو بعيد عني حسيت انو راح تمر الايام والشهور وراح يرجع من شان نتزوج واحنا ما بنعرف بعض منيح
من شان هيك انا طلبت منو انو ييجي هون لفلسطين وانو يترك شغلو بالامارات من شان نكون قريبين لبعض اكتر . وبالفعل هو ترك الامارات وصارلو حوالي شهر عنا بالضفة . وكتير هلا العلاقة قوية بينا والحمد لله الامور ماشية تمام
بس في شغلة انا خايفة منها وما عندي خبرة فيها
انا تقريبا يوميا بشوف خطيبي وبييجي عنا عالبيت وبنكون مع بعض لحالنا مرات ساعات والحمد لله في انسجام ، بس انا اللي ملاحظتو انو كل يوم بينا بكون في اشي جديد يعني لمس وتقبيل وضم ، انا مرات بحس حالي بعمل اشي غلط وبخاف كتير انو يتطور الوضع .( طبعا مستحيل انو يصير شي لا سمح الله) بس انا بدي اعرف انو لاي حد ممكن تكون علاقتنا وكيف ممكن انا اتحكم بالموضوع يعني اني متلا ما اقبل بطلبات معينة هو بطلبها مني. يعني انا بدي اعرف انو شو الصح في العلاقة بين الخاطبين وكيف انا لازم اتصرف؟؟؟ ياريت تساعدوني