عرايس قطر...تعالوا ابيكم شوي؟؟

عروس فرش 19-12-2005 81 رد 3,124 مشاهدة
ع
[a7la1=FF0000]السلام عليكم ورحمة الله وبركاته


كيف الحال بنات إن شاء الله دوم بخير ؟
بصراحه هذا اول موضوع لي...

ابي منكم مساعده وانشالله هذا الموضوع واايد بنات راح يستفيدون منه..
ابيكم تساعدوني في توزع المهر لاني بصراحه انا اكبر خواتي ولا عندي خبره او حد ممكن
يساعدني عشان جذيه طلبت منكم وانا عتبركم مثل خواتي وانشاللله تساعدوني..
بنات فديتكم انا مهر90 الف شامل اغراضي الخاص+والكوشه+والفستان+التصوير..
ابي اعرف شنو اللي اشتريه ومن وين شنو اهم شي وابي اعرف كم احدد مبلغ كل غرض
من الاغراض.............تكفون ساعدوني...

واللله يابنات محتاااااااااره وااااااايد ......... وانشالله الله مايضيع اجركم ... :)


شكرا [/a7la1]
ع
أفااااااااااااااااااااااا والله ماتوقعت اطنشون لي هئ هئ هئ هئ :( لييييييييييييييييييييييييييييييييييش؟
ر
اولا اخذي قلم وورقه وكتبي الضروري الي هو الفستان واكسسواراته مكياج عطور مب وايد لا تملين
كل احتاجاتك
جوله في الاسعار وعلى ذوقك ولا تبالغين
وسجلي
حطي لك ميزانيه حق كل شي وخلي مبلغ لك للزمن

انصحك بدار لارا اما جديد او ايجار
او محل في المنتزه لتونسيه حق الفستان
باقي فستان حق الهديه وواحد ناعم للصباحيه
وكم تايير
وجلابيات
قمصان نوم كم واحد علشان ما تملينهم وتغيرين بسهوله وملابس داخليه
الله يوفقك واي استشاره انا حاضره
ع
تسلمين الغاليييييييييييييييييييييييه..
بس ابي اعرف كم احدد لكل غرض مبلغ وكم جلابيه تكفي وكم قميص نوم و.....................الخ ..

على العموم اتمنى البنات كلهم يشاركون عشان الكل يستفيد........
انتظركم :)
ن
انا اول ماخذيت المهر قسمتهم بظرووف وكنت محدد ميزانية حق كل شئ..ومخلية احتيااااط..
ب
السلام عليكم
كلام أم حمد القطرية صحيح أخذي ورقة وقلم ووزعي بطريقة زينة
أ
انا بعد مثلج محتاره
بس انا خليت حق قمصان النوم والملابس الداخليه والبيجامات والجلابيات والملابس عدد غير معين يعني كل ماشوف شي يعجبني من هالفئه اخذه

وبالنسبه حق الباقي للحين ماكلمت لستتيي
c
في موضوع حلو حق الاخت دوحانية بيفيدج
تفضلي هنا
ا
انا عرسي باذن الله بعد شهرين لكن الحمدلله خلصت تقريبا معظم تجهيزاتي ولحد اللحين ماشيه على الجدول والله ان كل مبلغ حطيته طلع بالضبط على الاغراض حتى احتريت قلت بل يعني مافيه زياده شوي لكن والله الحمدلله ان مستانسه وفرحانه بكل اللي خذته وسويته بعطيج القائمه وشوفي انتي شنو اللي يناسبج

فستان الزفاف والحمدلله خيطته عند الفراشه حطيت له 12 الف

فستان الهديه خذته جاهز وروعه 2000

فستان الصباحيه ناعم وفيه تطريز بسيط ومنثور عليه فصوص تلمع وطلع روعه خيطته 400

وبدلات كشخه يعني بديات وتنانير وفستان ناعم 3000

جلابيات كشخه 3 مغربي 3 امارتيه 6 عاديات الخياط طلع كله 3000

واشتريت القطع كلها 3500

شنط يد وماركه انا عندي الصراحه بس خذت لي الالوان اللي ناقصتني زياده وحطيت لهم 3500

المكياج 1500

العطور الفرنسيه مع العربيه والعود المعطر والبخور 2500

الله يعزج النعل2000

الاكسسوارات 2000

قمصان النوم بس 3000

الملابس الداخليه 1500

قميص ليلة الدخله من شدو اللي في لاند مارك 2500

عبايات وشيل 3000

طقم فوط 1000

الكوشه 9000

التصوير 6000

والباقي من المهر شريت لي فيه مجوهرات والماسات خواتم وقلوب وساعه

اتمنى اكون افدتج وتستفيدين من المبالغ وعلى راحتج انتي تقدرين تقللين او تزيدين

على فكره تجهيزاتي كلها من دبي وشي بسيط اللي في قطر

وتحياتي لج الله يوفقنا جميعا لحياتنا الجديده 2006

اختك في الله / الموناليزا
c
المولنيزا وين سويتي كوشتج والتصوير ؟؟
والبوم العرس خذتيه من الاستديو ولا من مكان غير ؟؟
ع
مشكووووووووووووووووووووووره كل وحده مرت وردت علي...
بس بصرااااااااااااااااحه انا كنت ابي شرح مثل الموناليزا ....وااااااااايد حلوه..
اممممممممممممممم ابي تعطوني اماكن بعد اشتري منها...
يعني الي عندها لاتبخل علينا :)
وشكرا
ع
سوري اختي كلاسك مشكووووووووووووره على الرابط تسلمين على التعب :)
ب
اختي المونايزا انتي وايد قنوعه اشك اني اكووووووون نفسج قريت حق امي اللي كتبتيه قالت ايه هاي المره السنعه انا مهري 120 الف وبجهز برا الدوحه واحس انه يبيلي اضبط نفسي شوي...........يللا نستفيد من تجاربكم
ع
اختي قبل لاتكتبين انتي شنو تبغين بالظبط مثلا اخذي ورقه وقلم وسويلج ميزانيه مثلا

ذهب 15الف

كوشه10الاف

تصوير 8الاف

يعني مواحنا نكتبلج سعر انتي امسكي ورقه وقلم واكتبي كل اللي تبين تشترينه وحطي الارقام لين تجمعينهم تلقين 90الف كامله بس خلاص وعلى هالاساس لما تروحين سوق اخذي ورقه معاج وانتي تشترين عشان ماتاخذين اكثر من مبلغ مطلوب

اتمني افدتج
د
الموناليزا ما شاء الله عليج والله يبارك لج حبوبة .. وصدقت أم خطيبة الغالي مرة سنعة ما شاء الله .. و أحس إنج تشبهيني في

هاذي ^^

خطيبة الغالي .. باقول لج شي لا تقطين مهرج كله في التجهيز اعتبريه 100 بس وتجهزي به و خلي ال 20 تنفعج صدقيني .. و الله

يبارك لج و لا تنسين القناعة هني مطلوووووووبة وايد ..
ا
لان انا عندي ثلاث خوات متزوجات قبلي وانا آخر وحده وكل نصايحهم اني اجهز بس حق اول شهرين او ثلاث شهور وانا مهري نفس مهرج واللي زاد خليته حق تجهيزات اسبوع العرس من حلاوه ومكياج وشعر وبدكيير ومنكيير وحمام زيت تقريبا خمس 5000

باقي المهر كله طحت في الالماسات لان هذا اللي بيدوم لي الصراحه وغير ان خواتي وبنات خالتي اتفقو ان كل وحده تجيب لي هديه غير عن الثانيه وخبرج اللي ساعه لون واللي خاتم مرصع بالالوان وانا اتدلع عليهم لاني آخر وحده .
ع
الله يوفقج ان شاء الله
بس حبيت اذكر لج شغله البنات نسوا ينبهونج عليها
في اسهم بتنزل في شهر واحد وفي بعد بشهر اربعه
خلي لج مبلغ لهم وان شاء الله بينفعونج

والجلابيات ضروريه وبالذات اذا بتسكنين مع اهل زوجج بنفس البيت
في جلابيات للبيت اللي يكون قماشهم كريب الماني
وفي الجلابيات الكشخه وتكون من الحرير المشجر او الشانتون
واي سؤال انا حاضره
والله يوفقنا كلنا وانا مابقى على عرسي الا شهرين بس باقي اجيب الجلابيات من الخياط
وجلابيات البيت بفصلهم بعد العيد لان الخياييط زحمه الحين
والكوشه للحين ما اخترتها الصراحه رحت ماسيس ولا شي دخل خاطري
الموناليزا انتي من وين ماخذه كوشتج ؟
ع
هئ هئ هئ هئ ماعرفت شسوي كل ماحط شي احس الفلوس ناقصه ماتكفي شسوي؟؟؟

ترى ببكي :"(
د
بتكفي إن شاء الله بس انتي لا تحنين : )

..

بارجع للموضوع و باجيب لج قايمة بالأشيا اللي خذتها و المبالغ بنحطها عقب مع بعض.. و على فكرة ترى الأسهم بتنفع بعد اخذي

لج ..

لأن لو قصر مهرج بتزيدينه من فلوسج ^^
د
رجعنا .. جهزي الورقة والقلم و كتبي الاشيا اللي باذكرها الحين ..

( هاذي القائمة حصرتها من بعد ما سألت قريباتي و صديقتي ساعدتني فيها الله يجزاها خير ) و على فكرة أنا الكبيرة فما عندي

خوات عرسوا قبلي .. فيعني عادي تتدبر ..

الكوشة = حجز .
إعداد قائمة المعازيم = في فترة لاحقة و متأخرة نوعا ما .
اللون المعتمد للعرس = إختيار .
التصوير = حجز
الفستان = تفصيل / شراء / إيجار .
شعر و مكياج = حجز .
الحنا = حجز
ملابس السبورات = للبيت / للطلعات و الزيارات .. شراء / تفصيل .
طقم حمام = شراء .
ملابس النوم = بيجامات / قمصان نوم .. شراء .
ملابس داخلية = شراء .
أحذية / شنط / أبواك = شراء .
بخور / عود / عطورات ( عربية / فرنسية ) = شراء .
ذهب / ساعة للعرس = شراء .
اكسسوارات شعر و زينة = شراء .
مكياج / فرش = شراء .
شنط ( للمكياج / للسفر / للمجوهرات ) = شراء .
مشد للعرس = شراء .
فستانين ( للصباحية / الهدية ) = تفصيل / شراء .
جلابيات = تفصيل / شراء .
عبايات و شيل = 4 كفاية تفصيل .
جلسات للجسم إذا تحبين = الجلسة الوحدة بـ380 - 600 إذا فيها كريمات + الجلسة الأخيرة قبل الحنا بـ1160
كورسات للشعر = على حسب .
سشوار و ماكينة براون = شراء .

*الحف + الحنا + الشعر + المكياج + الحمام المغربي + مانكير وباديكير = تحطين لهم مبلغ في ظرف بروحه لأنها راح تندفع آخر شي .
*لما تحجزين الكوشة و تدفعين العربون احتفظي بباقي المبلغ في ظرف بروحه مكتوب عليه " الكوشة " , و التصوير نفس الشي .

امممم تقريباً هاذي هي .. بالنسبة لي باقول لج أنا شسويت :

- فستان العرس : خذت فستان بنت خالتي و عدلته بـ 1600 .
- دفعت عربون للمكياج / حجزت للشعر / حجزت للحنا و دفعت عربون .
- شريت قمصان نوم + بيجامات = 20قطعة مع قميص النوم مال العرس . بس اكتفيت ..
- ملابس داخلية = 16 طقم <= بازيدهم لأنهم شوي .
- العطورات = هدية من خالتي و مرت خالي .
- شنط يد = 11 شنطة بس ملونين . كفاية جذي ..
- العبايات = 4 مع الشيل , و بافصل وحدة سادة عشان آخذ شيل ملونة .
- الجلابيات = 4 حراير ,, و الباقي باشتري جاهزين و بانوع فيهم لأني باسكن مع أهل ريلي .
- مفارش = 5 عاديين لكن مب غلايا وايد و باقي لي مفرش العرس " بيض الصعو " .
- علاج بشرتي = المبلغ له الحاله .. جلسات ليزر و تقشير و سعر الكريمات .
- جلسات الجسم = احجزي عند سميرة و هي تتدبر بجسمج و أسعارها وضحتها لج فوق حالياً سويت جلستين باقي لي جلسة و الجلسة الأخيرة قبل الحنا .
- ملابس = شريت من سبلاش و من الإمارات و هاذي مخليتها على سعة لأن ابي ثيابي تكون جديدة شوي .


<=== كانت تقلب في الدفتر و تكتب ^_* بس عاد لحد يضحك علي ... و مثل ما قلت لج وهذا انا اكتشفت هالشي بنفسي القناعة مطلوبة دام إنج ما تبين تزيدين على مهرج شي .. و بإذن الله بيكفيج و بيزيد .. بس رتبي نفسج و توكلي على الله ..

هذا هو .. لا تترددين و أسألي عن أي شي تبغينه : )
X