منو تشجعني على سالفة اخراج الخادمة من حياتنا

انزين حبيبتي انتي عندج عيال؟؟؟ هل تحسين ان شغل البيت يحتاج لخادمة والا كفاية انج انتي تشتغلين بالبيت..
انا بعد عندي خدامة ,, ووجودها بعد يضيق فيني، بس انا محتاجة لها وايد,,مع ان شغل البيت مو وايد ....بس تهتم بالتنظيف وانا مسؤولة عن ولدي والطبخ...
فانتي شوفي هل بترتاحين اذا سافرت ؟؟

صعب كثير اني استغني عن الشغاله
صارت الشغاله شي ضروري من مكملات البيت الضرورية لا يمكن الإستغناء عنهاوخاصة خاصة للموظفات اللي عندهن اولاد

آنا توني متزوجه ويديده وما وراي هذيك المسؤولية الكبيرة وليلحين ما يبت اولاد ،،

بس اتوقع اني مستحيل اييب خادمه حتى لو كبرت المسؤوليه ..

اصلا اذا اروح بيت اختي والخادمه تدخل الميلس تودي شي للريال وزوجي معاهم انفجر قهر .. اموت ما اتحمل

شلون اييب لي وحده في بيتي وتشاركني خصوصيتي

آنا بحاول بكل الطرق اني اوفر كل اساليب الراحه وزوجي بعد وايد يساعدني وما يخليني اسوي شي ،،

وكل واحد متحمل مسؤولية في البيت ..


بس وجود خادمه معاي ،، هذا المستحيل

انا بعد نفسج لما كانت عندي شغاله كنت تعبانه نفسيا من وجودها والحين بكمل سنه من غير شغاله وكنت مقرره اني ما اجيب وحتى يوم راحت كنت حامل وتعبانه

بس الحين خلالالالالالالالالالالالاص تعبت وابي خدامه وقدمت بس صاير صعب ويطولون لاني صرت ما الحق على ولدي الصغير وله زوجي وعيالي الباقين وله التنظيف وله الطبخ خلالالالالالالالالالالالالاص تعبت وما عندي صبر متى توصل الشغاله....

والله انا اشوف انهم شرررررررررر لابد منه .....

والله هالخدم شغلتهم شغله

الوحدة ماتقدر تستغني
عنهم

انا الحين بس انا وزوجي وعندي خدامة علشان تنظيف البيت والغسيل .. لاني ماقدر اشتغل كله تعبانة وآلم بظهري .. ولكن الحين ناوية أغيرها مب عاجبتني

وأحسن ان الوحدة ايكون عندها خادمة على الاقل اتريحها الوحدة شو بتلحق عليه بيت وتنظيف ومستقبلاً عيال وزوج يباج 24 ساعه مرتاحة لاتشكيين ولا تتأففين

بصراحه شر لا بد منهم والله لا يبلانا من الخبيثات منهم واللي تجي مصيبه

من جد مشكله يعني خاصه لوحده مالها فتره متزوجه والمصيبه لا كانت موظفه

يعني ماتقدرين تاخذين راحتك باللبس ولا بالكلام او شئ خاص بينك وبين زوجك

وتكون الامور محدوده باماكن معينه عشان لاتشوف او لا تسمع .. قلق كذا ..

يقولون اذا انتي مو موظفه وين المشكله مايدرون ان المشكله زيها زي الموظفه خاصه اذا
فيه اكثر من بيبي يعني وشلون تنظف وتكون نفسيا تمام التمام وتهتم بنفسها زين وبالبيبي بعد
والطبخ والهوليله اللي بعدها ..... من جد انا شايله هم هالسوالف بعدين ..

يعني اقول لو في مكان وماادري اذا عندنا كذا بالسعوديه ولا لأ بس برا كثير فيه

يعني مكاتب تتفقين معاهم عن العامله اللي تحبين تجيك والمواصفات ويكون فيه اتفاقيه
يعني هم يتكفلون يجيبونها الصباح بالوقت اللي تحددينه وتكون مثلا عارفه طبيعه عملها
اذا مجرد تنظيف او تكون لها خلفيه بالعنايه بالطفل زي البيبي ستر او لها خلفيه بالطبخ وكله باجره اكيد
ولها وقت تخلص وتروح وعندها من ياخذها من نفس المكتب او الموسسه يعني ماتشيلين هم نومتها عندك

خاطري بكذا احس يعني بالساعات اريح لك ونفسيا تطمنين ...

وش رايكم اخواتي مو احسن كذا ..؟؟

مو مشكلة نقدر نستغني عنهم بس نقدر نقوم بأشغال البيت بروحنا من طباخ وغسيل مواعين وغسيل الملابس وكيهم وتنظيف البيت


وتدريس العيال وتوجيب الاهل وفوق هذا كله تشتغلين من الصبح للعصر :mad2::mad2::mad2::mad2::mad2: انا عن نفسي يوميا ارجع البيت


الساعة 3.5 العصر متى انظف واغسل واطبخ وادرس حرام عليج انا اشسويت في دنياي........:dd::dd::dd::dd::dd::dd:

الساعة 3.5 العصر متى انظف واغسل واطبخ وادرس حرام عليج انا اشسويت في دنياي........>> منال الكويت





موووتيني ضحك

حبيبتي أنا صارلي 3سنوات متزوجة وكنت قايمة في شغل البيت بروحي وماني بحاجة خدامة بس بعد ماجبت البيبي بصراحة طلع الشيب في راسي ما قدرت أستحمل أكثر من 3 شهور ورحت جبت خدامة بس الوقت اللي يكون زوجي في الدوام تجي وتنظف الشقة وتمسك البيبي وقبل لايجي زوجي من الدوام بنص ساعة أخليها تنوم البيبي وتجمع الملابس وتروح عند (خالتي) أم زوجي تغسل الملابس وتكويهم وبعد ما تخلص من الملابس تاخذ البيبي وتوديه عند خالتي وهذي حالتي للعلم أنا ساكنة في بيت حمولة وهذا أرحم وااااايد من السكن بشقة بروحي

انا انصحك تستغني.....عن الخدامة .....

انا مستعدة اعمل اشغال البيت كله ولا ادخل خدامة بيتي.....

من كثر ما سمعت عن الخدامات .... صار عندي عقدة منهن......

حلوووو لو بيتك يكون صندوق لا تخرج الخصوصيات منه ... ويبقى كل شيء مكنوز ....

انا مااتخيل اني اييب خدامه لو عرست



والي تقول كيف نقدر نستغني عنهم


ابا اعرف يداتنا كيف عاشن في البر والوحده ماشاء الله اتييب فوق 10 عيال


والله الوحده تقدر اتعيش بدون خدامه لو نظمت حياتها عدل^_^

عن نفسي اكررررررررررررره كلمة خادمه
والله اخاف من الخدم وايد وايد وايد ومستحيييل ادخل خادمه في بيتي الا اذا ان شاء الله يبت لي خمس عيال وتعبوني وايد بييب لي خادمه تييني ساعتين والا ثلاث في اليوم تخم الحوي وتنظف الدرايش ومع السلامه لان الشغل الباقي الحمدلله مب صعب عليه وانا في بيت ابويه ما داني اخلي الشغاله تجيس شي حتى ثيابي روحي اغسلها واكويها والحمدلله اني مش من النوع الاعتمادي ابدا ابدا ابدا

الصراحه الشغاله هم على القلب , وانا عزيزتي مثل حالتج اول خادمه ونفسي تكون اخر خادمه لكن شتسوين اذا العيال بيطلعون ويلعبون ,صدقيني محد يساعدج في عيالج الا خادمتج ,بس اهم شي تراقبينها من فترة لفترة ....
الله يكون في عونج وعوني معاج ...

أنا كنت أبدآ ماأحب الشغاله تجي بيتي أحب يكون بيتي هو مملكتي وليا وحدي مايشاركي فيه لاشغاله ولا غيره
لكن جاتني ظروف حملي بطفلي الثاني وكان ولدي صغير عمره 9شهور فكان لازم أجيب شغاله لأني كنت تعبانه مره مع الحمل
فجبتها في بداية حملي ولما ولدت كنت دآئمآ أحس نفسي ماني طايقتها وماأبغى أشوفها لما يكون زوجي في البيت وبعدين ماتحملتهاوخليت زوجي يسفرها وهي ما خلصت إلا نص عقدها يعني بس سنه جلست عندي الآن أنا مرتاحه تجيني شغاله ثلاث ساعات في اليوم تشتغل وتروح قبل مايجي زوجي لكن تجلس عندي أبدآ ما حأوافق

أنا من مكة وما أدري في شغالات تبع مؤسسات تشتغل في البيت لساعات محدده ثم تروح يعني ماتنام في البيت
إذا وحدة من مكة تعرف زي كذا مؤسسات وتتعامل معاها ياليت دلني عليها .وبدعيلها .

ما سمعت ان في مكة في مؤسسات تجيب خدامات بالساعة مع انها فكرة روعة إلا لو حبيتي تتعاملي مع المتخلفات وما أنصحك طبعا تدخليهم بيتك لأنهم حرامية ومجرمين وفيهم أمراض والأهم ما عندهم اقامة يعني ما بترتاحي طول ما هم عندك
بس أعتقد إنس سمعت عن بعض مؤسسات الاستقدام في جدة ممكن تجيب خادمات بالساعة للي عندهم مناسبات بالضبط زي اللي تستأجريهم في صالات الأفراح بس بيكونوا للضيافة وبس

شوفوا انا مااحب شغل البيت مو عجازة بس مااحب اشتغل
مااطيق غسل المواعين والكنس والتنظيف
مع العلم انه اذا شفت وسخ والا شئ قمت ونظفت لاني مااحب الوصاخه والقذارة واذا شفت امي تعبانه قمت وشلت عنها لكن تبيني انظف كل شوي مستحيل انا مااشتغل
وفي نفس الوقت انا مااطيق شئ اسمه شغاله
والله اللي جابرني عليها ان ام زوجي ساكنه معانا وهي موجودة عشانها
فهي مهونه الموضوع خالتي لانها بروحها اصلا ماسكه خصوصيتي ومو مرتاحه
لكن لو انا لحالي بالبيت
الله يكتب لي اعيش ببيت لحالي مع زوجي وولدي اللهم امين
اكيد باذن الله راح استغني عن الخادمه
مع اني ادرس
فيه الحين غسالة الصحون والغساله الاتوماتيكيه وغيرهم
ولو عندي عزيمة كبيرة او تنظيف شامل اجيب هذولي اللي بالساعه واعطيها فلوسها وتروح في حفظ الله
لكن اجيب وحدة تناظرني وش لابسه في الطالعه والنازلة
اعووووووذ بالله
تصدقون ان الشغاله تقعد تناظرني لو نحفت او سمنت وعيونها في صدري او وجهي او شعري
ومااسمع منها
الا
مدام صغير
مدام حلو
شعرك حلو
شعرك كثير
جسم حلو
والله ودي افقع وجهها
بس مااتعودت ارفع صوتي على احد