موضوع خاص في البنات فقط فضيحة بعض الشباب

*__________________________________________________________________*


مع أدلة أو دلائـل تدل على عدم الزواج عن طريق التعارف , وأسباب عدم الزواج عن طريق التعارف، وأسباب وطرق ونماذج من المتعرفين بأسلوب جديد مختلف عن كل المواضيع والمواقع المشابهة



موقع مشروح من راعي الموقع والشرح بيكون بنفس اللي يكون على لسان الشباب واللي يحدث بينهم وطبعا بما أن الشرح من شاب بيكون عارف الشباب واللي يدور في بالهم وأنفسهم لأنة هو واحد منهم ويعرف أكيد أكثر من أي وحدة باللي يدور بينهم واللي يفكرون فيه ، والكلام بيكون بكل صراحة وبدون تكليف حتى توصل الحقيقة إن شاء الله إلى أكثر البنات ما يعرفونها.

تساؤلات

هل البنت يوم تتعرف على واحد بينتهي هذا التعارف أو الحب إلى الزواج؟؟؟



أكيد مستحيل لأن البنت يوم تتعرف على واحد وتطلع معاه ، تصغر في عين هذا الشاب ( هذا الشيء يتكون داخل نفسية الرجل ولو بين أو مثل عكس هذا ) وهذا الشيء أكيد وطبيعي لأنها تخلت عن شرفها وعفافها وقبلت إنها تكلم و تطلع مع واحد غريب فكيف يتزوجها ، أصلا حتى المخطوبين بشكل رسمي الرجل أو الخطيب ما يعرض على خطيبتة إنها تطلع معاه أو تعمل شيء معاه غلط قبل الزواج

فكرة_كل ما تتنازل البنت وترضخ لطلبات اللي متعرفة عليه تصغر زيادة وزيادة في عينة وفي نفسه ( وطبعا هو ما يهمه تصغر في عينة شوية ولا كثير هو أهم شيء عنده إنه يتسلى ويستمتع فيها ) .







ليش الشاب يوهم البنت اللي متعرف عليها بالزواج ويعيشها في عالم الحب ؟



لأن الشاب يفكر في البنات أو في البنت تفكير جنسي ، وتسلية في شرفها وعرضها ، لـين ما يحصل البنت اللي ما شاف عليها الغلط ويتزوجها ، حتى لو كانت بنت مب زينة مدام هو ما شاف عليها الغلط خلاص عادي ، وكل الشباب يقولون إن اللي ترضى إنها يرقمونها و تطلع معاهم هذي وحدة صايعة ، وهي أصلا تبغي هذا الشيء وترضى لنفسها هذا الشيء ( والرضا يعني الموافقة منا على فعل هذا الشيء)، وهو إذا ضيع هذه الفرصة بتروح عند غيرة ، وهي تستاهل اللي يجيها او يحصل لها من علاقتها مع الشباب أو احد الشباب ، ولهذا السبب يستحلون فيها أي شيء ، على أساس إن اللي تبغي تحافظ على نفسها ما تكون مثل هذي البنت اللي فكرت بالتعارف أو تكوين أي علاقة غير شريفة وغير شرعية ومشت في طريق الغلط

الشباب أو الشاب هو في أغلب الأوقات هو اللي يطلب ويلح على البنت ، بس مدام هي وافقت في النهاية ، أي شيء يحصلها أو يعمله معاها هي من الموافقة الأخيرة للبنت (وهذا رأي الشباب)







وفي بنات يفكرون (يوهمون أنفسهم)ويقتنعون بأن الشخص اللي تكلمه أو تحبه هو غير عن كل الشباب اللي تسمع عنهم أو تقرأ قصصهم في المجلات***؟



ملاحظة : هذا السبب اللي ضيع الكثير من البنات هذه الثـقة لشخص غريب محرم عليهم لان مب معقولة إن بنت تعمل شيء غلط مع واحد وهي مش مقتـنعة بأن هذا الشخص ما بيتزوجها ، لازم تكون مـقـتـنـعة ، ولو حتى تصديق وعد بالكلام بأنة بيزوجها.

هذا السبب القوي في نفسية البنت و اللي يخلي وخلا الكثير من البنات إنهن يتنازلون عن شرفهم وعفافهم ، لأن البنت تشوف هذا المتعرفة عليه غير عن كل الشباب ، هذا لأنها حبته ووثـقت فيه وسلمت نفسها له ، ويوم سلمت نفسها لهذا الشخص الغريب (أصبحت مثل بنات الشوارع في نظر هذا الشاب ونظر الناس وكل واحد عرف بعلاقتها معاه) على أمل والوعد بالزواج ، وللأسف والله الكثير من البنات يغلطون مع بعض الشباب وهم مصدقين ومقتنعين و عندهم أمل كبير بالزواج بعد الغلط ، وتقول البنت منهم خلاص هو غلط معايه يعني أكيد بيصلح غلطته وبيتزوجني وان الغلط هذا دليل على قرب الزواج ، وهذا تفكير الجاهلات

والكثير من البنات اللي اختربن ما تنصح صديقاتها وتحذرهم من هذا الطريق ، بل بالعكس تساعدهم على أنهم يتعرفون وتشجعهم على الانحراف و تزين لهم التعارف والحب وغير ذلك ، وهذا الشيء يكون بطريقة مباشرة وغير مباشرة و الأخطر الغير مباشرة بدون ما تذكر لهم مخاطر هذه العلاقات المحرمة

وهذه حالة نفسية في كل شخص خربان أو ماشي في طريق أو بطريقة غلط غير الطرق المعروفة والشرعية ويحاول يخرب غيره عشان يكون مثله وما يكون في طريق الغلط لوحدة







وهل من المعقولة إن الواحد بيروح عند أهله ويقولهم أنا أريد أزوج بنت تعرفت عليها أو شفتها في مكان وأعجبتني وابغي أزوجها؟؟؟


أكيد أهل الولد ما بيرضون وبيقولون تبغي تتزوج وحده ما نعرف من وين محصلنها او من وين جايبنها أو متعرف عليها أو يقولون تريد تتزوج بنت من بنات المراكز والشوارع . طبعا الولد مستحيل يعمل هذا الشيء ويوضع نفسه في هذا الموقف اللي بدايته ونهايته معروفة ، لا و بالعكس بعد ، إذا قال لأهله بيتهمون البنت اللي متعرف عليها بأنها بنت حرام تريد تخدع الولد وتريد ترمي بلاها أو مصيـبـتها على الولد..الخ

ملاحظة : حتى لو كانت البنت تقول أنا بنت حلال وبنت عائلة معروفة محترمة وسمعتي ما عليها كلام ، هذا الرأي حتى لو كان حقيقة أو صحيح فهذا مقتصر عليك وعلى اللي حوليك ، بس أهل الولد ما يعرفون هذا الشيء وحتى ما بيفهمون هذا الشيء وخاصة في مسئلة الزواج ( وخاصتنا لأنة ولدهم تعرف عليك بالترقيم... وغيرة ، وهذا الشيء يدل على أنة البنت مب زينة و مب محترمة وأخلاقها ما زينة والتعارف بالترقيم وغيرة سمة أو صفة تـنـتسب لبنات الشوارع والمراكز ..وغيره

وطبعا الشباب عندهم كذبة معروفة لهذي المسئلة يقولون للبنت انه بيقول لأهلة انك صديقة أختي أو عرفـتـك عن طريق أختي وأنتي صديقتها وخلاص وفي طبعا كذبات أخرى على حسب الوضع

تحسون من هذي الكذبة أو الخطة لتغطية العيوب والعيب الكبير في علاقتهم والخروج عن المألوف(وهم ما ذكروها إلا لأنهم يعرفون أن في شيء مب طبيعي في علاقتهم) ، وأنها في الأصل كذبة وليش هو مطر للكذب مدام هذا الشيء مب عيب أو يجوز (هذي الكذبة مخصصة للبنات) ثاني شيء حتى من هذي الكذبة لو كنتي مصدقـتـنها هو بيكذب على أهلة على امة وأبوه ، هل تتوقعين من واحد مثل هذا الكذاب إنه ما يقدر يكذب عليك بعد?! ، وإذا هو قالك إنه يكذب عشان هو يحبك وإنه بيكذب على أهلة عشانك وعشان هذا الحب ، أنا أقول هو يكذب عليك عشان تستمرين معاه في علاقتكم وبس . وفاقد الشيء لا يعطيه

وإذا جالك أنا برتب مع أهلي أو أنا متفاهم وياهم ، تتحرين هذا الكلام بهذي السهولة تتحرين إنه هو يوم كذب عليك يقدر يكذب على أهلة وخاصة مع أبوه أسئلتهم بتختلف عن الأسئلة اللي تسئلين فيها نفسك وتسألينه فيها هذا الكذاب اللي متعرفة عليه ، وشعورك وأنتي تسألين هذي الأسئلة تختلف عن شعور أهلة وخاصة أبوه يعني أنتي شعورك تريدين منة إنه يطمنك بأنه مب كذاب ويريد يتزوجك ، لاكن أسئلة الأهل لازم يكون فيها استنكار لهذا الشيء ولازم في نوع من الرفض يختلف عن نوع سؤالك ، أنتي سؤال في نوع من الترجي والطلب عشان يتزوجك







ما هو تفكير الشباب ورأيهم إذا عرفوا أن واحد من الشباب متعرف على بنت?


والله للأسف في نسبة كبيرة من الشباب يشجعون بعض على الرذيلة وكل واحد يتمنى أن يتعرف ويعمل نفس الشيء مع هذي البنت لأنهم يقولون بأنه هذي البنت لا أختك ولا من أهلك ولا تقرب لك عشان هذا يعملون فيها أو معاها اللي يريدونه وهذه قاعدة لازم كل وحدة تعرفها والله زين ( ***لا أختك ولا زوجتك ولا من اهلك ولا تقرب لك***)

وهذي بعض الدلائل والإشارات التي تدل على الواحد بأنه ما بيتزوج بنت متعرف عليها من قبل ؟

إذا كلمت البنت واحد وأعطته اللي يريده ، واختلى بها أو حصل بينهم شيء غلط ، بس خلاص بعد ليش يتزوجها مدام هو حصل وحدة (فري) وأعطته اللي يريده ليش يتزوجها مدام اللي يريده منها خلاص خذاه وبرضاها ، وعلى فكرة يوم البنت تكتشف أو تحس بعد فوات الأوان إنها انخدعت وتبدأ تقول وتلح على هذا الشاب اللي خدعها ، أنت لازم تتزوجني بسرعة ، يا انه يعمل معها مشكلة ويختـفي أو يهرب منها ويقول لها أنا بسافر أو بيرد عليها بكل صراحة أنتي عطيتيـني برضاك وما في احد غصبك على شيء ، وأنا بصراحة ما قدر أزوجك أو بصراحة ما أبغي أزوجك . وهذا اللي أسمعة كثير ودوم من أهل التجارب واللي يرددونه الشباب.

مثال أتخيلي انك تسألين هذا اللي متعرفة عليه وتكلمينه وقلتي له كم صديق عندك محترم وزين مثال إذا قالك عشر أصدقاء ، قولي له ليش ما تعرف واحد منهم أو تعرف عشرة على أختك أو بنت عمك عليهم وتخليها تختار منهم اللي تشوفه مناسب لها يعني وسيم ، يحبها جدا و يوعدها بأنة يتزوجها ، يعني مثل ما أنا اخترتك ورضيت أتعرف عليك ليش ما تخلي أختك وبنت عمك بعد مثلي ، عشان يجربون الحب وحلاوته ، أكيد ما بيرضاها أو ما بيعملها ، لان هذيل من بنات أهلة وله غيرة عليهم ، بس أنتي لا أخته ولا زوجته ولا من أهله ولا تقربي له فليش يغار عليك وهو يرضا لك بس ما بيرضاها على بنت من بنات أهله









إذا كان صديق الولد اللي متعرفة علية ، يعرف كل شيء عن علاقته مع البنت وسوالفه معها ولو كانت بسيطة وعادية بالنسبة لها، لازم تعرف انه اللي متعرفة علية ما بيتزوجها !؟؟



لأنه يخاف أن صديقه يطلع علية كلام من وراه أو يعايره أو يعيب علية في يوم من الأيام ويقول أنت متزوج وحدة متعرف عليها - يعني تـنـفهم إنها صايعة - وأنا قلت في البداية إن اللي تتعرف ولله إن يعتبرونها أغلب الشباب إنها وحدة صايعة إذا ما كانوا الكل، عشان هذا أي وحدة تتعرف على واحد وتعرف إن صديق هذا اللي متعرفة علية يعرف بالموضوع ، يعني مستحيل يتزوجها ، والله صعب وما في احد من الشباب يرضاها لنفسه كل أصدقاءه وحتى الصيع يوم بيتزوجون يتزوجون وحدة مب متعرفين عليها من قبل ، وما في احد يعرفها ، وهو يتزوج وحدة متعرف عليها وأصدقاءه يعرفون بالموضع ويعرفونها أو يعرفون عن علاقتهم قبل الزواج أو سمعوا عنها.

وهو أصلا مب يخاف ! هو متأكد إن صديقه أو أصدقائه بيتكلمون من وراه بكلام يدل على انه هذي البنت صايعة وهو تزوجها ، ولأنه لو هو كان بهذا الوضع لعمل مثلهم







ومن الدلائل أو الإشارات التي تدل على أن الواحد ما بيتزوج وحدة متعرف عليها ، إذا عرف إن هذي البنت كانت لها علاقة مع واحد من قبل ((طبعا العلاقة مع واحد ثاني ما اقصد فيها الزوج السابق أو الخطيب (الخطيب الرسمي) السابق



السبب : يخاف أو بيفكر بنقطة معينة بأن هذي البنت أكيد أو يمكن حصل بينها وبين اللي متعرفة علية قبل شيء مب زين ، وبعد ما شبع منها تركها أو خلاها

وبتكون ذريعة الشاب لنفسه لخداع هذي البنت وهو بعد : بأن هذه البنت متعرفة على شاب قبلة يعني بنت لها سوابق وبيقول أكيد هو شبع منها وبعدين تركها ، ومب مشكلة اذا كملت اللي بدأه غيري أو إذا كملت عليها ‘ وإذا أنا ما استغليتها في ألف واحد غيري بيستغلونها ، وهي أكيد في أي وقت تريده بتتعرف على واحد ثاني وهذا الثاني ما بيترك هذي الفرصة وبيستغلها ، وأنا أولا من غيري .

ملاحظة : وفي الكثير من القصص اللي حصلت تدل على صحة هذا الكلام ، وفي قصص تدل عليها صحة هذي الفكرة ،ومن القصص أن واحد يقول لزوجته أو خطيبته ، أنا كنت أحب أو كنت متعرف على وحدة من قبل (يمكن قصده من هذا الاعتراف يريد التأكد من خطيبته ، فالبنت يمكن تقول مدام هو اعترف خليني أنا بعد اعترف ، ونطلع كل الخبايا ونكون صريحين مع بعض من البداية ، فالبنت تعترف إذا كانت تحب أو كانت عندها علاقة مع واحد من قبل ، وبعدين خطيبها يزعل ويعصب وتحصل مشكلة كبيرة بينهم وأغلب الأحوال يفترقون ، فنصيحة لكل بنت كانت لها علاقة مع واحد من قبل إنها ما تفكر إنها تعترف لخطيبها أو لزوجها مهما كانت الأحوال ، وحاولي تمثلين انك من بدايت حياتك وأنتي شريفة وانك تـنـتـقدين الفساد في المجتمع وتحاولين تنصحين البنات من خطر التعارف والتلفونات وغيره ، وان ملفك نظيف من هذي السوالف .

فكرة البنت من هذا النوع إذا تبغي تعمل أي علاقة مع أي واحد بالحرام بتحصل مليون واحد بس إذا تبغي تتزوج ما بتحصل ولا واحد بطرق التعارف و كل أشكاله










وفي طريقة سهلة وبسيط دوم يستخدمونها الشباب عشان يستدرجون البنت يقول للبنت ابغي أكلمك على التلفون أو اطلع معاك عشان نتعرف على بعض أكثر ......الخ

والبنت لا تفكر إنها تتعرف على أساس إن اللي يدور بينها وبين واحد تكلمه عن أمور الدين لان في الكثير من القصص أن واحد ملتزم يكلم وينصح وحدة أو وحدة ملتزمة تنصح واحد وتنتهي علاقتهم في الوقوع في الزنا، يعني البداية يكون الكلام في الدين وبعدين كلام عادي وبعدين شوي شوية لين ما يقعون في الغلط ، فالبنت أو الشباب لا يفكرون يخدعون نفسهم.

ونصيحة للبنات أي بنت تبغي تحافظ على نفسها تحافظ على أوامر الله تعالى لين ما يكتب لها الزواج قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم وأرجوا من كل شخص وصلت له هذي الرسالة أن ينشرها ويوزعها على كل شخص يجدر يوصله هذي الرسالة حتى لو كان غني عنها لانه يمكن هذا الغني يرسلها لوحدة محتاجة وحتى اللي مب محتاجة يمكن تضعف في يوم من الأيام وكل إنسان معرض إنه يضعف أو ينخدع والدال على الخير كفاعلة والأجر إن شاء الله اجر النصيحة والتنبه من الغلط.







بعض الاستفسارات أو الاعتراضات على بعض كلام الموقع



في بعض الأشخاص قالوا أن مب كل الشباب مب زينين أو يدعون للرذيلة وهذا الكلام صح ، بس أنا اقصد بكلامي الشباب اللي متعرفين على بنات وعندهم أفكار ودعوات لهذه العادات القذرة ، واقصد كل واحد بدئ يتعرف أو يدخل في هذا المجال ، يعني مدام الواحد تعرف على وحدة يعني هو منهم وهو اللي اقصده بكلامي

وفي نسبة قليل من الشباب ردودهم غبية يعني يقولون انه الكلام في الموقع يعرفونه من زمان (المواضيع الخاصة بالبنات)وأنا وياكم ، يعني أكيد بما انك واحد من الشباب شيء طبيعي تعرف هذا الكلام وتفهمه وتحس فيه ولأنك أكيد تعرف أو مر عليك هذا النوع من الشباب وتعرف شو اللي يعملونه في البنت المتعرفين عليها وشو يحصل بينهم ، وشو النتائج ، وما في شيء غريب، بس المواضيع المخصص للبنات للبنات ، لأنهم ما يعرفون مثل الشباب باللي يفكرون فيه الشباب واللي في أنفسهم ، وصحيح انه هذا الرد اللي أحصله من بعض الشباب المفروض ما يفكرون فيه ، والمفروض ما يردون عليه بهذا الرد ، بس والله شيء زين لأنهم يعترفون أو موافقين على كلامي ، وهذا دليل على صحة كلامي . وهذا الدليل بستغله عشان يتأكدون البنات أكثر وأكثر بالمواضيع والأفكار المكتوبة

وباختصار أنا ترجمت الأفكار والأمور اللي تصير وترجمت خدع الشباب وحالات المتعرفين ونتائج التعارف والنقاط اللي تجدر منها البنت تكتشف العيب والخطأ والخطر ووهم الزواج عن طريق التعارف في مواضيع وأفكار مكتوبة






وفي بعض البنات يـبررون ويحتجون بمثل ( أصابع أيدك مب نفس بعض) على نجاح وعلى انه في أمل كبير في نجاح علاقاتهم قبل الزواج حتى لو كانت اغلب العلاقات اللي يعرفونها كلها فاشلة واغلبها البنت تطلع من هذي العلاقة خسرانه ، وهم أصلا جاهلين من قال هذا المثل وجاهلين بمعنى وأهداف هذا المثل





أولا هذا المثل أو الحكمة أو القول ، يـقال إن: الخليفة عمر بن الخطاب رضي الله عنه ، أول ما قال هذا المثل لموقع من المواقع أو حدث من الأحداث (وهذا اللي سمعتة من أحد المحاضرات)

أصابع أيدك مب نفس بعض بس طبعا قالها باللغة العربية الفصحى

ثاني شيء هل معقولة عمر بن الخطاب بيقول هذا المثل لكل وحدة متعرفة أو لها علاقة محرمة أو اتصال محرم مع واحد قبل الزواج هل معقولة إن حكمة ومثل عمر بن الخطاب تشجيع للبنات على هذا التعارف والمواعد وعلى أن صحيح إن الكثير من البنات خسروا شرفهم ونخدعوا من هذه العلاقات اللي قبل الزواج بس لان أصابع أيدك مب نفس بعض يمكن تـنجح هذي العلاقة لأنة أكيد من مبين خمس أصابع صبع ناجح وفيه خاتم الزواج والبنت عاد تجلس تدور وتلف لين ما تحصل الصبع اللي يناسبها وكل مرة تجول هذا هو الصبع الصحيح والناجح

هل معقولة حكمة عمر بن الخطاب رضية الله عنه تنفهم هذا الفهم الغلط وتستغل للتكوين علاقات حرام والاستمرار فيها

بس حاشاه الفاروق عمر بن الخطاب والعيب في الناس اللي تفهم الأشياء غلط وتحللها على كيفها للاستمرار بالغلط والحرام

ونقطة ثانية مهمة: قال الله تعالى ( ولا تقربوا الزنا إنه كان فاحشة...) صدقة الله العظيم

في هذه الآية أمر الله تعالى بعدم الاقتراب من الزنا(يعني كل الوسائل المؤدية إلية..الخ) ومب بس الأمر بعدم الوقوع بالزنا لا بعد أمر بعدم الاقتراب من الزنا وكل الوسائل المؤدية أليه

ومن الأمور اللي فيها اقتراب من الزنا

إذا البنت تعرفت على واحد وتكلمه عن طريق التلفون فيه بهذا الكلام تتقرب أو تقترب من الوقوع بالزنا والله أمرها بعدم الاقتراب من الزنا..وفي أمور كثير مثل الدارس المختلطة... وغيرة

والمشكلة في موضوع التعارف البسيط ، إن كل واحد يحب يطلع أو يبين للثاني إجابياته (وخاصة الشباب) فإذا مثلا كانوا يتكلمون عن طريق الشات أو الماسنجر او التلفون ، تتكون رغبة في نـفـس كل واحد بأنه يكلم الثاني أو يشوف الثاني ، وكل واحد طبعا معجب بالثاني وكل واحد يقول نفسي أشوف هذا الإنسان ..ومن هنا تبدأ العلاقة تتطلب إنها تزيد وتتمادى للأسوأ
*__________________________________________________________________*
منقوووووووووووووووووول