السلام عليكم ورحمة الله وبركاته
كيف حال عرايسنا اليوم.. أتمنى تكونوا بصحه وعافيه..
اضع بين أيديكم اليوم صور تجهيزاتي ليوم ولادتي بحياتي..
الفكره العامه للتزيين كان عباره عن حديقه وورد حتى مفرش سريري وسرير البيبي كان بنفس الفكره..
فنبدأ بهالصوره
الشكل هذا الحين ببيتي حاطته بالمدخل .. بس يوم كنت بالمستشفى كنت حاطه الشجره من بره عند باب الجناح وبجنبه الاستاند بنفس الشكل في الصوره ما عدا السبت اللي بالوسط..
أما لما كنت ببيت أهلي بالأربعين كنت حاطه الشجره عند مدخل الغرفه والستاند والسبت بجنبه
هذا السبت الكبير اللي فيه التوزيعات..
هذا الستاند مسويته بدل التعليقات اللي تنحط عند الباب ينكتب عليها بيبي جيرل.. سويت ستاند كتب لي الوالد عليه
"الدكتوره\ حياة
في هذا اليوم (التاريخ) قدمت الى الدنيا قبل موعدي المحدد بشهرين وأنا الآن بالحاضنه فادعو الله لي لعله يشملني برحمته بفضل دعائكم.."
وبعد ما طلعت من المستشفى كتب لي دعاء:
"اللهم يا من أنبت مريم نباتاً حسناً تكرم على أمتك التي أسميناها حياة فأطلق عقالها وأنبتها نباتاً حسناً وأتمم عليها عافيتها.. آمين"
وكان الكل يقراها ويدعيلها..
وهذا السبت اللي نضيف فيه الشوكولاته و واحد ثاني مثله للمعجنات..
وهذي الشجره حطيتها بزاوية غرفة النوم بجنب السرير
وهذا الزرع من فوق نازل من فتحة الجبس
أما التوزيعات فكانت بسيطه لأننا سويناها بيوم وليله بعد ما دخلت المستشفى..
الكيس من الأورجانزا وعليها كريستالات سواروفيسكي وبالوسط Baby Girl .. وبالوسط من فوق مريله صغيره وعلى جنب شوكولاته صغيره على شكل قلب.. وممسوك الكيس بمشبك غسيل صغير وعليه فص كريستال..عشان يقفل الكيس..
وداخل الكيس نوعين من الشوكولاته ومعهم كرت مثل هذا
بس مسويه فكره ثانيه تابعه للديكور وبنزلها لكم بس أجهزها.. هذي بوزعها بالسابع..
أتمنى تعجبكم،،
