اخاف واحس اشياء تتحرك وراي

غريبه والله

شوفي يمكن افيدج مع اني صغيره ومامني فايده

يوم يطلع زوج او مو شرط

المهم شغلي شريط قرآن بالبيت وحاولي انج تقرين قرآن

انتي مثلي اختي اختي مثلج تزوجت وعاشت بالرويس لمدة طويله وزوجها دوام ليل وكانت تتصل وتخبري امي انها تحس بشيء غريب وكانت تصيح بس الحين الحمدالله سكنت قريب عنا

ع العموم حبيبي لا تصحين ولا شيء خلي ايمانج بربج قوي

وسوي مثل ماقلت لج

السموحه

حاولي تشغلين شريط سوره البقره فالنهار كامله وباليل كامله

لانها تعمل على حماية البيت لمده 3 ايام من الشياطين

الله يصبرتج بالايمان

وشغلي القران وحاولي تسكنين قريب عند اهلكم

حاولي تشغلين شريط سوره البقره سبحان الله تبعد الشياطين عن البيت لمده 3 ايام


وانتى حاااولي انج تشغلين نفسج في اشياء يدوية

حبيبتي مع اني صغيرة انتي اول مايروح زوجك شغلي شريط مسجل قران سورة البقرة

كل يوم بصوت عالي جدا واذا سمعتي اصوات لاتخافين خلك قوة ترى الشيطان ضعيف

جداجدا وانتي لا تخلين الشيطان ينتصر عليك خليك شجاعة ..

انزين اذا كان بيت اهلج قريب منكم او من منطقتكم ليش ما تروحين لهم بالليل لما يكون زوجج محد

انا الصراحه ما اتخيل اقدر ابقى في بيت بروحي ليل بطوله ولا اظن زوجي بيرضى بهالشي لانه صدق يخوف

بس اذا كنتي مجبوره وبعيده عن اهلج مثل ما قالن لج البنات قوي ايمانج بالله وشغلي لج القران وابتعدي عن اسباب حضور الشياطين مثل الاغاني والتلفزيون وغيره وخلي بيتج محفوف بالملائكه وصدقيني ما فيه شيطان يقدر يدخل بيت الله حافظنه ساعتها لان الشياطين بطبعها خوافه فلا تخلينها تخوفج ..

الله يحميج ويحفظج من كل سو يا رب

مشكورين حبيباتي على ردودكم راح انفذ كل اللي قلتوا لي عليه

عزيزتي الي فيك مجرد تهيئ لاتسترسلين فيه يتحول لمرض الجميع تجيه حالات احيانا يخاف
لكن المهم ماتشكل له مشكله بيده

دايما اقرئي الورد والقران واذا طلع زوجك افتحي عندك القران
وتاكدي باذن الله ان ربي بيطمن قلبك

الله يعينك اختي

ونا زيك بعد

اقرأي اية الكرسي

شغلي القرآن بصوت عالي

اشغلي نفسك حاولي تنسي حالك

اتصلي على اخواتك كلميهم او صديقاتك

يعني تتسلي شويه وتنسي نفسك من الخوف

فعلا اختي000شغلي القرآن بصوت عالي شوي وحاولي تشغلين نفسك بالذكر والاستغفار0

السلام عليكم


حبيبتي انا اخصائيه قريب اتخرج وبحسب دراستي وخبرتي البسيطه وقت التدريب

اقولك تراك تتوهمين ويمكن الاحساس اللي حسيتي فيه كان بسبب التعب الشخص

منا اذا تعبان يحس حتى انه يشوف اشياء ماهي موجودة وراسه يلف

وزي ماقالوا البنات صلي على النبي وسمعي قرآن ماانصحك تخلين مثلا حد من اهلك يجي عندك البيت
لانك بتتعودين ولا انك تروحي بيت اهلك لما يكون زوجك مش بالبيت بس انتي بنفسك حاولي تتشجعين
والخوف من الظلام اكيد ناتج بسبب انك لماكنتي صغيره مثلاحد خوفك من الظلام تعرفي عندنا
يخوفون العيال الصغار يقولون بيطلع لك وحش في الظلام خاصه اذا بنيمونهم فأنا اقلك استهدي
بالله وحاولي تقنعين نفسك انها مجرد تهيآت لانك لو استمريتي على هالحال فعلا راح تصير حاله مرضيه وبتحتاجين لعلاج



اذا بغيتي اي شي مني ارسليلي

مشكورين يا خوات الله لا يحرمني منكم

السلام عليكم ورحمة الله وبركاته
اختي انا نصيحتي لك بقراءة القرآن وحطي في بالج ان كل هالاشيا تخيلات واوهام وهالاشياء مش موجوده الا في راسج ودايما رددي هالفكره ان كل شي بس مجرد اوهام ووساوس من الشيطان فانتي قوي ايمانج بالله. وانتي بروحج تشجعي وسوي اختبار حق روحج مثلا اذا دخلتي غرفه مظلمه وكنتي خايفه تبين تطلعين بسرعه ضبطي روحج واوقفي وانتي في بالج "انا مابيصيدني شي فليش اخاف واركض" وصدقيني شوي شوي بتتعودين على الوضع ويصير كل شي عادي
والله يعينج ويوفقج

مشكورة يا روحي

مشكلتج مثل مشكلتي انا كنت بروحي ويا زوجي عايشين في شقه
وما كان عندي عيال........اول زواجي وريلي طلع فليل وتاخر وحسيت في حركه
في البيت تجاهلت واشوي زادت......
بس انا مع الايام ما اتحملت وطلعت من البيت وغيرت الشقه
نصيحتي اذا مب وسواس غيري الشقه او المكان اللي انتي فيه
واتمنى اني اكون فدتج
وتحياتي

انا مثلك احيانا احس حاجه وراي بس اقرا ايات وخلاص شوي ارتاح

اختي

كلنا في داخلنا خوف

وهالخوف لو ما تغلبنا عليه بيتحول الى اوهام وبيتمكن منا وصعب نتخلص منه

الشعور اللي حسيتي فيه عادي جدا ترى

ممكن تكون ثيابج تحركت ولمست جسمج عادي جدا انا دايما تصير معاي
احيانا اللحاف اللي ع السرير يتحرك شوي وتحسين كأن حد لمسج مع انه لحاف مو حد بس الاحساس يكون جذي

كلها اوهام اختي ولازم ما تستسلمين لها

اقرى المعوذات وشغلي قران مثل ما قالو لج البنات

انا في البدايه كنت اخاف من ظلي بس فكرت فيها انا لو تركت العنان لمخيلتي الخصبه ولخوفي ماراح اقدر استمر في حياتي
لازم اتغلب ع الخوف قبل لا يتمكن مني

اختي انا صحيح للحين في بيت اهلي

بس انا انفصلت عنهم في السكن نوعا ما

يعني انا لي جناح منفصل في الطابق الثالث لي انا واختي
اول ما سكنته امي كانت خايفه علي وتبي حد يرقد معاي خصوصا ان اختي كانت مسافره وقتها فراح اكون بروحي بالطابق

بس انا اصريت اني اكون بنفسي وامي كانت تقول لي لا بتخافين بتستاحشين بروحج قلت لها عادي بجرب

ما انكر اني كنت داخليا فيني شوية خوف ووحشه من المكان لانه جديد علي وقبل لا ينبني كان سطح المنزل يعني مافيه حد يسكنه مهجور نوعا ما

بس الحين كاني الحمدلله ارقد بروحي بغرفتي

قوي قلبج اختي ولا تستسلمين للأوهام

وتذكري دااااااااااايما اللي يخاف من البعبع يطلع له

وهالمقووله ترى صج اللي يخاف من الشي جد يطلع له

لانه راح يبتدي يتوهم بهالاشياء وبيصير يخاف من كل شي :)

مع ان مافي شي !!! يعني كلها اوهام وتخيلات

السلام عليج اختي شوفي نصيحتي لج عن تجربه

اولا : لااااااااااااااااااااااااااااااااا تغفليييييييين عن الذكر و داومي على الإستغفار و اقرأي قرآن .. و خلي المسجل يقرأ 24 ساعه فالبيت ... و اذكري انه البيت الي مايذكر فيه الله بيت خرب و الشياطين تسكنه

ثانيا : داومي على قرأه سورة يس و الصافات كل ليله لمده اسبوع و بتشوفين الفرق ... و لا تقطعين البقره !!


و الله يغفر لنا و يعافيج ان شاء الله

حبيبتي تعوذي من الشيطان وتذكري من قرأ اية الكرسي في ليله لم يزل عليه من الله حافظ حتى يصبح هذا مو كلامي هذا حديث شريف ومن قال (حسبي الله لا اله الا هو عليه توكلت وهو رب العرش العظيم) سبع مرات كفااااااه الله ما اهمه يعني ربي يكفيك الشي اللي انتي مهمومه منه واقري المعوذات وما عليكي خلاف ان شاء الله