بكاء الرجل..!!

مشكورة على الموضوع يا إخت فوفوفوفو

بس يا ليت أشوف ريلي يبكي عشاني أو عشان كل اللي قلتيه ... :sad:

تدرين من تزوجنا من ثلاث سنوات لين أحين ولا مره شفته يبكي .. لحظه بذكر :think: .. تذكرت مره وحده فحياتي
شفت عيونه تدمع .. تدرين متى ؟؟؟ لما كان مندمج بمسلسل خليجي ما أذكر شو إسمه .. وتوفى شخص في المسلسل
بكى من كثر الحزن ... ( متأتر الريااااااااال ) ،، وأنا بعد ساعدته بالبكااااااااء :smile:

حتى دووووووووم أذكره أقوله أنا لما ولدوني بعملية قيصرية ما أحس إنك بكيت علي .. يقولي ما شرط أبكي وأذرف
دموع هذا يدل على حزني .. صح أنا حزين بس .. هالشي فقلبي .. أحتفظ فيه لنفسي .. الدموع والبكاء ما شرط تكون دليل ..

وأنا مقتنعة كل الإقتناع إنه الريااااال شوي جامد .. يعني في نفس هالمواقف .... صعب تنزل منه دمعة ( الأغلبية )

عيل ليش الله ميزه .. عن المرأة .. وعطاه حق القوامه ؟؟ لأن المرأة بطبيعتها عاطفية ...
والسلام ختاااااااااام

بسم الله الرحمن الرحيم
السلام عليكم ورحمة الله وبركاته

حلوو
موضوعك خطيير (y)

قمة الإحساس أن يشعر الزوج بزوجته إلى درجة البكاء

والله بتكون أمها داعيتلها اللى زوجها يبكى من أجلها


:)

اذا بكى الرجل في فلم او مسلسل بكيت معه
فما بالك ارى زوجي يبكي من حبه لي
اجهش بالبكاء

:cry:

دمتم سالمين
اختكم شريفة

مرحبا
موضوع موفق ياعمري
انا ما تزوجت بس برايئ ان بكاء الرجل لاي سببفرصة نادرة الوجود وخطيرة للمراة لانها ممكن اتقرب بينهم وممكن اتباعد بينهم
لان الرجال لما يبكي اذا حس ان مرته بس واقفة او قاعدة اتطالع فيه رح يحاول يجمد دمعته ويقسى على حزنه ومع الايام بقسى على كل شي ، ولكن الزوجة الشاطرة اللي تستغل اول دمعة تسقط لتجعل الرجل يسبح في دموعه،ليش وكيف؟ تابعوا معي
في بكاء الرجل لاي سبب كان تفريغ للكبت الداخلي والامور المحزنه في حياته (بس يخلص بكاء بكون ما شالله انسان كله حيوية ونشاط)، بكاء الرجل امام المرأة يجعل المرأة تكشف الجانب الحنون من الرجل او ان الرجل يفشل في اخفاء ذلك الجانب القاسي ويظهر حنانه الذي سيستعمله معها بعد البكاء لانه سيكون قد استسلم
انا مش عارف اعبر الموضوع فيه تعقيد

أهلين خواتي والله ما قصرتوا في ردودكم...
ومشكوريييين وجزاكم الله خير على المرور ومشاركاتكم الرائعه
أولا ...اختي أم عذبه ترا فعلا الرجال ما يحب يبين مشاعره يحس انه هذي اللحظه لحظة ضعف منه
ثانيا..مشكوره اختي تنثر الكون عطرا على مرورك وعلى رايك بس صدقيني في كثير موفقين برجال ما يصيحون بس معك حق في ان بكائه قمة الاحساس
ثالثا..اختي شريفه بالعكس صدقيني اذا شفتي زوجك يبكي بتنصدمي وبتحاولي تهدي الموضوع وتغيريه
رابعا..اختي سيدة اعمال معك حق في كلامك تدرين ان زوجي دايم يقولي اذا بكيت حظك فضفضتي وارتحتي وطلعتي اللي في خاطرك بس انا كيف افضفض ما اقدر..

وهلا والله فيكم

انا شفت دموعه مره.. في ايام الحب الصامت

وطبعا..... انا بقيت ابكي طوال عشرة ايام متوالية.. وصابني الالم والحزن الكبير

فادعو الله ان ما اشوف دموعه مرة ثانيه لا علشاني ولا غيره

بس يكون سالم.. اكون سعيدة

نسيت اشكركي يا فوفوفوفوفو

تحياتـ

مممممممممم هلا

والله انا هب متزوجه بس اذكر مره واحد من اهلنا يدته توفت ويوم خبروا انها توفت كان قاعد عندي بالميلس فأول ماسمع الخبر مارام يمسك نفسه فدخل الغرفه وهو يصييييييييييييح فبعد كمن ساعه دخلت عليه الغرفه وشفته قاعد نفس الطفل كيف يوم يصيح كان منزل راسه فيوم ناديته بأسمه رفععراسه والله صج صج يوم شفته شوي وبتخبل ويه وعيوني مليااااااااااااااانه دموع

وصج حسيت بحساس غريب بداخلي

للعلم الولد مو صغير تقريبا عمره 19 سنه يعني واحد فاهم وبالغ وريال بعد

وبس

وشكوره ع الموضوع الطيب

موضوع قوي شوي وأحسه نادر في مجتمعاتنا الخليجية لأنه أحس الريال يفكر أنها بكاء على حرمة ولو على زوجته ضعف منه

المهم أنا أول مرة شفت ريلي ينزل دموعه وويهه يحمر لما قلت كلام قوي يذكر بمسؤولياته تجاه عياله ما لقيت الريال إلا وويها محمر

وعيونه تدمع ساعاتها والله ما تمالكت نفسي وقمت أصيح بصوت ( بس مب صراخ) لأني حسيت قلبي إنكسر نصين لأني خدشت

رجولته ولين ألحين كل ما أذكر الموقف قبل لا أرقد أصيح :cry:

صعب صعب للغاية الريال يطلع دموعه

انا زوجي اول مرة جفته يصيح كنت بولد
انا كنت متمالكة نفسي وخااايفة مابي اصيح وهم يدخلوني غرفة العمليات لاني ولدت قيصرية
الا اهو يصييييح
وطبعن صحت معاه

السلام عليكم

موضوع حلو وانا اعتبر بكااااء الرجل مش خدش في رجولته وانماااااا يهز المرأه وايد ..

عن نفسي زوجي بكى مره لاني ترقدت في المستشفى وكنت وايد تعبانه .. وفي مره بعد انكسرت ريولي وكان هوو السبب ..

لكن احلى المرات كانت لما كان يتكلم عن مشاعره تجاهي ولما يا يقوول كلمه احبج بكى .. واحيان بعد كانت تصير بينا مشاكل

ويبكى لمن اروح عنه بيت اهلي ويشتاق لي .. وانا من اشوف الدموع في عيونه اموووووووت ماقدر اتحمل على طول احاول

امسحهم .. مايهون عليه .. ربي يحفظه لي ان شا الله

مشكوريييييين خواتي على المرور ابداء ارائكم
وجزاكم الله الف خييييييييييييييييييييييير

انا الموقف اللي صار كان غريب شوي ..
يات فترة اييني هبوط في الضغط و تصيبني مثل الاغمائات لدرجه اني ما احس بعمري و انا شاله بنتي فأحاول دايما اكون منتبها و احطها على الارض عشان ما يصير فيها شي .. و انا ما كنت اعرف سبب هالاغمائات و الدوخه


مرة كنت في السيارة و شوي صار خلاف بيني و بين زوجي لاني طول الوقت مضايقه لاني تعبانه و هو كان مشغل انشوده فرشي التراب و انا دخت و بديت اقوله انتبه حق البنت .. يوم شافني جذي

تأثر و تخيل اني ( بعيد الشر عني ) بموت .. و انه بيخسرني و انه بنتي بتتربا بدون ام عاد سواها فلم هندي يوم صديت عليه الا عيونه حمر .. اقوله بلاك يقولي ماشي ما يبا يحسسني ان فيه شي اونه العدسات تحرقني ...

قلت له انا ما فيني شي لا تخاف .. غمضننننننننننننننننننني

انا اللي استغرب منه مع كل شي يكابرون ههههههههههههه

بسم الله الرحمن الرحيم

السلام عليكم ورحمة الله وبركاته


موفقة اختي الكريمه على طرح مثل هالموضوع

موضوع كله احساس ومشاعر .. تطرقتي لنقطه حساسه جداً ولها تأثير عظيم بحياة المرأه ( التي تقدر دمعة الرجل )

آراء مختلفه انطرحت جميلة ومختلفه في نفس الوقت

أنا عني عشت هالتجربه بصراحه مع اني مش متزوجه بس عيوني شهدت بكاء الرجل

الرجل الأب ( للأسف )
الرجل الأخ

شعوري لحظتها شي ماينوصف .. بشع بصراحه الشعور .. لما الوحده فينا تشوف الرجل الموجود بحياتها ( يـبـــــــــكي )

صعبه بس برأيي الرجل الزوج لو ذرف دمعه من دموعه لزوجته بيكون اتوقع رجل صديق وحبيب وقريب لزوجته
لأن الرجل الشرقي ياخواتي مش بسهوله تنزل دمعته جدام حرمــــه .. والرجال طبعا بشروطبيعي ان كل رجل تختلف فيه سايكلولوجيته عن الثاني


بالتالي اقول للي تتمنى تشوف زوجها يذرف الدمعه لجلها حاولي تكتشفين مايخفيه زوجك من دمع وراء عيناه
وبكتشفين ساعتها ان زوجك ممكن هذا اذا ماكان اكيد انه رجل مفعم بالمشاعر الحلوه أحلى من دمعه ينزلها لجلك أو لجل أي سبب كان

وبالنهايه ادعي الله انه ما يذوقنا أحزان رجالنا

بس حلو اننا نشوف دموع فرحه أو عواطف جميله من عيونهم

وأشكر الأخت التي طرحت الموضوع مره أخرى لإتاحة لنا فرصة ابداء الآراء بموضوع قمه في الأهميه


ولـــكــم منـــــــي طيــــــــب التحــــــــايا

السلام عليكم :9_33:

صار موقف صعب لكن عدي على خير الحمد لله دمعت عين زوجي (w)

ولدي عمره 9 شهور طاح من السرير على راسه في السراميك وراحت بنتي ركض :angry:

عند أبوها وقالت ألحق أخوي ماااااااااااات وصل عندي ودموعه مغطيه وجهه

بصراحه زوجي تدمع عينه يوم يتكلم عن أمة لانها توفت قدام عينه :
:

في موقف يكون وياي تدمع عينه بس أستحي أقول

خلاص بقول في اللقاءات الحميمه وعند الاستفسار يكتفي بالسكوت ما يرضي يجاوب :21_207:

والله شي صعب..دمعة الرجل غالية عليه..

وأنا بقدر دمعة الرجل لكن ما أحب الرجل (الصيااح)!! إللي كل يوم والثاني صاح
أنا ابي انا اللي لما أصييح هو يدللعني!!
والله أنا أستاهل ريل يدلعني!

الله يعطيني ويرزقني ولا يحرمني ياااااااااااااااااااااارب يا ميسر يا الله

والله موضوع حلو وجميل
انا اول مرة شفت دموع زوجي انه كان هيسافر واحنا الاتنين مش متعودين على كده يعني هو بيسافر تلات او اربع ايام بالكتير اوي فكان فيه مرة كان هيسافر تلات شهور ساعتها قعد معايا ومسك ايدي وقال لي الخبر ده ساعتها انا كنت عاوزة اعيط بس مش رضيت ابكي ادامه ومسكت نفسي بالعافية وفضل يقول لي هتوحشيني والحاجات دي فهو اللي بكى فانا كمان بكيت على بكاؤه لاني اصلا كنت ماسكة نفسي بالعافية
والحمد لله عرفنا بعدها بكام يوم ان السفر اتلغى وسافر تلات ايام وجه بس
هههههههههههههه

وفيه مرة تانية شفته بيبكي انا جوزي والدته متوفية من زمان اوي كان هو عنده 12 سنة يعني كان طفل يعتبر وجوزي بيحب والدتي جدا جدا جدا لانها بتعامله كانه ابنها بالظبط وهو بيقول لي انا بحس ان والدتي لسة عايشة وبعد ما قال لي الكلام ده عينه دمعت شوية طبعا عشان افتكر والدته
وعلى فكرة الزوج لما بيبكي ادام زوجته بحس انه عاوز شوية حنان زي حضن دافي تلعبي له في شعره والكلام ده
ولا انتو ايه رايكو