لو تقدم لك احد وكان شرطة ؟

السلام عليكم

والله أختي ماأدري بس خل تستخير

ونتظري باقي ردود البنات

والله يسر لج ولاختج كل خير

هي استخارة بالاول ورتاحت

ارناق:
مرحبا
اختي تقدم لها شخص وعلية ديون وشترط ان تساعدة لفتح بيت لهم (شقة )وهي مترددة تخاف ان يتمادى على معاشها
مع ان الكل يمدح فيه بس هي ناوية ترفضة وخايفة ايشرايكم

مراحب

عجيب كلام خطيب اختك !!!

على كيفه يشترط هو جاي يخطب ولا هو اللي انخطب !!

انا لو من اختك استخير اول شيء وبعدها اكلم اهلي واقولهم فلوسي انا حره فيها

ومحد له حق فيها هو بيتزوجني عشاني ولا عشان فلوسي

شي ثاني كمان الزوجة اذا عطت الزوج فهو عرفان منها وحب لزوجها كمساعدة وتقدير للضروف

لا اكثر يعني مو وااااااااااجب عليها تنفق على الزوج والشرع واضح في هذا الشيء

لا وكمان جاي يتشرط !! يمكن لو سكت هي راح تساعده من نفسها ..

المهم خليها تستخير وهذا المهم وتحاول تكلم اهلها وتستشيرهم في هذي النقطة

والله يوفقها يارب

السلام عليكم ورحمة الله وبركاته

هلا اختي.

في هذا الزمن يحتاج الرجل لمراة عاملة تعينه على الحياة..

يعني ما راح يقدر يلبي لها كل طلباتها لو كانت ما تشتغل..

فلا تحط هذي السالفة على بالها..

هي بنفسها راح تعطيه معاشها سواء قال والا لا..

وراح تحصل أجر وثواب لو ساعدت زوجها ولو بدرهم..

ما فيها شي يا اختي..

هذا رأيي أنا والله يسهل..

السلام عليكم و رحمة الله و بركاته

هلا بيكي أختي...

طيب أختي و ما رأي أهلها ؟

و هل فعلا حالته المادية لا تسمح ؟

طيب إذا حالته المادية لا تسمح من البداية...ما الذي جعله يقدم على خطوة الزواج ؟

يعني لو تزوج...و بعدين لقى صعوبات مادية...و طلب من زوجته...بنقول وقتها طيب...حلال إنها تساعده...

لكنه جاي يطلب مساعدة مادية من البداية ؟!

فيها شوية شك بصراحة...

عموما...خليها تستخير و تحاول تفهمه و تعرف عنه أكثر..و ضروري يسألوا عنه كويس...و الله يوفقها إن شاء الله...

نور المدينة:
السلام عليكم ورحمة الله وبركاته

هلا اختي.

في هذا الزمن يحتاج الرجل لمراة عاملة تعينه على الحياة..

يعني ما راح يقدر يلبي لها كل طلباتها لو كانت ما تشتغل..

فلا تحط هذي السالفة على بالها..

هي بنفسها راح تعطيه معاشها سواء قال والا لا..

وراح تحصل أجر وثواب لو ساعدت زوجها ولو بدرهم..

ما فيها شي يا اختي..

هذا رأيي أنا والله يسهل..

نور المدينه اعذريني انا اختلف معاكِ في اللي قلتيه

المرأة تعطي زوجها برضاها مو بتشرط لا وقبل الزواج بعد !!

اسلامنا وشريعتنا وضحت كل شيء .. واحنا مو بالهند عشان المرأة يصير واجب عليها تأثث بيتها

انا مااقول لا تساعده بس تساعدة من نفسها من دوون تشرررط

وبس ..

مودة

والله اختي أنا اشوف انه ما فيها شي إذا كانت راح تساعده في المصاريف يعني يساعدون بعض والحين هالايام شرط الريال انها تكون تشتغل عشان يساعدون بعض بس ما يكون قصده غير جذي وبالاخير خليها تستخير وتشوف ترتاح ولا لأ

مرموم:



طيب إذا حالته المادية لا تسمح من البداية...ما الذي جعله يقدم على خطوة الزواج ؟

مرموم تسمحين أعلق على هالنقطه

عزيزتي اذا كل واحد حالته المادية ضعيفه بنقوله لا تتزوج إلان وأنت مقتدر

احس فيها ظلم شوي.. هو شوذنبه ؟؟ بس أهم شي انه الواحد يسعى للزرق الحلال ويتوكل على الله

وضروري الطرف الثاني يكون مقتنع ومتفهم عشان تستمر حياتهم بكل تفاهم وبالصبر لين الله يفرج عليهم

لفتت نظري هالنقطة وحبيت أبدي رايي فيها حسب ما فهمته .. وان شاءالله كلامي ما يزعل.. والسموحه منج



وبالنسبة لصاحبة الموضوع

حلو انه الوحده تساعد ريلها من نفسها.. بس موحلوه الريال ياي يخطب ويطلب المساعده

الله يوفقها ويكتب لها اللي فيه الخير ان شاءالله

الريال لو عطته ويه بيتمادى في حقها و معاشها
فرضا اختج تعبت بعد العرس و قالت بترك الشغل هو شو بيسوي بيطلقها و لا ما بيروم يعيشها

بصراحة ها مب حل ما دامها على البر احسن الها تتركه و الله يعوضها

و فالنهاية على راحتها هي

السلام عليكم ورحمة الله وبركاته

انا من رأي الاخت زمان الصمت


من اولها بيشرط اصلا عيب على الريال انه يشرط على المرأه عطيني فلوس؟؟

ماادري احس انه طريقته بايخه

وشكرا

السلام عليكم و رحمة الله و بركاته

هلا بيكي أختي business_girl...

مستحيل أزعل...أحب النقاش الحلو...

اللي قصدته إنه عارف إنه مش راح يقدر يفتح بيت...طيب ليش ييجي يتشرّط على بنت الناس ؟

كان ممكن يقول لها و الله بنسكن في بيت أهلي...لحد ما الظروف تنفرج...و أكيد بنسكن في شقة لوحدنا...

أو أنا الحين أسعى جاهدا إننا نسكن في شقة لوحدنا علشان راحتك...

لكن ييجي و يقول لها...شوفي بتزوجك بس على شرط تساعديني من معاشك علشان نسكن في شقة..أحسها صعبة شويه...

هذا كل قصدي كان :)

السلام عليج
انا من وجهة نظري ما فيها شيء لواساعده لاني بكون زوجها بس قبل لاترد تصلي صلاة الاستخارة افضل خقها

والله يسر لها امورها ويوفقها ويا ولد الحلال

انا لو اييني واحد يخطبني جذيه بقوله الباب يوسع جمل..ماباقي الا ادفع له المهر بعد

عاد مب طايح حظنا لهاي الدرجه

والله الصراحه شرطه غريب وصعب

يعني تبتدي حياتها بديون

اذا كان مديون ما يقدر على متطلبات الزواج ليش يخطب

خليها تستخير احسن والله يوفقها

مرموم:

السلام عليكم و رحمة الله و بركاته

هلا بيكي أختي business_girl...

مستحيل أزعل...أحب النقاش الحلو...

اللي قصدته إنه عارف إنه مش راح يقدر يفتح بيت...طيب ليش ييجي يتشرّط على بنت الناس ؟

كان ممكن يقول لها و الله بنسكن في بيت أهلي...لحد ما الظروف تنفرج...و أكيد بنسكن في شقة لوحدنا...

أو أنا الحين أسعى جاهدا إننا نسكن في شقة لوحدنا علشان راحتك...

لكن ييجي و يقول لها...شوفي بتزوجك بس على شرط تساعديني من معاشك علشان نسكن في شقة..أحسها صعبة شويه...

هذا كل قصدي كان :)

وعليكم السلام ورحمة الله وبركاته

هلا حبيبتي مرموم

دام جذي كلامج صحيح 100%

ومعاج حق ..

هو ما اشترط يعني الشرط الملزم بس قالها ايشرايك نتساعد لما الله يفرجها

السلام عليكم ورحمة الله وبركاته

أنصحها إنها تستخير و تسألون عن الريال المتقدم أكثر

الصراحه الوحده حره براتبها و أكيد البنت من نفسها لما تشوف زوجها محتاج راح تسانده بدون ما يقولها ...

أحلى لما يكون من طيب خاطر بدون جبر أو شرط

خليها تحدد موقفها اول يعني اما برفض او قبول بينها وبين نفسها وبعدها تصلي استخاره على اساس القرار اللي اتخذته وتشوف ان الله يسر لها الزواج منه بتتزوجه وان حصل شي وفرق بينهم فهو من الله سبحانه وتعالى بس اهم شي تحدد قرارها بقبوله او رفضه وعقب تصلي الاستخاره والله يكتب اللي فيه خير لها امين

صح انا زمنا صار صعب وايد وحده ما تصفق ..

وانه اغلبية الشباب يبوون وحده تشتغل عسب تساعدهم في الحياه ..

لكن من اولها يقووولها تساعديني هذا شي مرفوووض .. كان ممكن يتزوجون ويسكن في بيت اهله واذا حست انها متضليجه وتبا تطلع ابيت بروووحها وتعرف انه ما يقدر اكيد هي بروووحها بتقترح عليه انها تساعده لكن من اووولها يقووولها بنفتح بيت وانتي ساعديبني احسها مش حلوه اصلا الريال مش حلوه انه يطلب من زووجته الا اذا هي عطته من نفسها غير اما يشرط عليها هالشرط عسب يتزوجها احس السالفه بايخه ..

جنه يقووولها هذا ثمن زواجي منج ولا بتمين في بيت هلج !!!