نزلة العروس .. كيف اتحبون اتسونها

ياييييي انا اول وحده اشارك ونااااسه ..

شووووووفي انا بعدني صغيره واختي للحين ماتزوجت وعايشه في اوربا يعني حركاتنا على قدنا بس يمكن انفعج ماتدرين ..
بس اقولج حركة شفتها مره في عرس وعجبتني وايييييييد ..

الي هي:

طفوا الانوار وسلطوا الضوؤ على اول الممر الي بتدخل منه العروس ..

ودخلت وحده لابسه فستان عنابي وطرحه عنابيه وباقه عنابيه ودخلت على شعر يمدح العروس ..

وظلت ماااااشيه حتى وصلت الكوشه ..

الكل على باله انها العروس ..

ويوم شالت الطرحه طلعت اخت العروس ..

بعدين حطوا زفت البدر حق راشد الماجد بس بدون مسيقى ..

وسلطوا الضوووء على اول الممر وطلع دخان قوووووووي ومنه طلعت العروس ..

هذي حركه حلوه وماتكلف شي وبسيطه وحلوه وماتبي لها تخطيط وتفكير وااايد ..

عاد اسمحيلي اختي هذا الي عندي وان شاء الله باقي البنات بيفيدونج ومراراح يقصرون ..


لج مني كل التقدير والاحترام

بطه ..

تسلمين الغاليه على ردج

بس اتعرفييين احنا في الاماراات عندنا هذا في كل الحفلات انهم يطفون الانوار وتنزل العروس ويكون الضوء مسلط عليها

على العموم مشكوره عمورج وطرحج للفكره :smile:

احلى شيء انها تكون بسيطه جدااا بدون تكلف

يعني تطلع لوحدها مع الزفه اللي اختارتها

لين توصل للكوشه

هاذي احلى وارق الزفات

والله ودي افيدك لكن انا مثلك ادور على زفه حلوه ومو لاقيه
اذا لقيتي بس خبريني
على قولة المثل جبتك ياعبد المعين تعيني:dd:لقيتك تنعان

حلووو انه تدخل مع زوجها

فكرة حلوه غلا دبي


وننتظر الباجيين

ممممممممم

شوفي حبيبتي ..هالحركه سمعت عنها وشكلها حلوه..بس انا مقدر اسويها اخاف

اول ممر العروس كان فيه قفص مررررره فخم...وداخله حمامتين..ودخلت العروس مع زوجها

ووقفو عند القفص وفتحو القفص وطيرو الحمام

وكملو طريقهم للكوشه طبعا اكيد باغنية او موسيقى او شي زي كذا

ماقدرت اقول بالتفصيل لاني ماحضرت وشفت بعيني بس الفكره حلوه..لكن انا اخاف من الحمام:S

انا احب ان العروس تدخل لوحدها عشان تكون هي محط الانظار وبعدين لما تكون في الكوشه يدخل المعرس عندها بزفة سريعه مع ابو و اخوان العروسه او مع ام المعرس لان مو حلو المعرس يمشي شوي شوي بالزفه


والشئ الثاني طبعا معروف عندنا باعراسنا ان الاضاءة تنطفي وتسلط اضاءة قويه على دخلت العروس غير الدخان والليزر وهذه الاشياء


والحركه الى انا عجبتني هي ان ابو العروسه يدخل معاها بس عند المدخل قدام الضيوف وتسلط الاضاءة عليهم ويكون في بيت شعر من ابو العروسه لبنته و في شعر سمعته رووووووووووعه ويأثر وحلو بس اذا العروسه من النوع الى على طول تتأثر وتبكي الافضل انها ما تسوي الحركه هذه لانه راح يخترب المكياج

وبعد ما تخلص القصيده العروسه تسلم على راس ابوها والأبو نفس الشئ ويطلع وهي تبدأ زفتها الى الكوشه وبعدين يدخل المعرس مع اخوانها

عيبتي حركة ابو العروس من The MoOoOoN

بس احس مؤثر ...

والله يتمم على الجميع بخير

وبعد حركه قفص الحمام حلوو

وابو العروسه حلوه بعد ..


تسلموون على المرور

هاي



حنا كان عندنا عرس صار مرة حلو


كيف ؟؟

حنا اللي سويناها

وهي ؟؟؟

كل بنت من البنات تمسك شمعه فيها عود طويل شوي من تحت

ويكونوا صفين هكذا / /


وبعدين لما تيجي العروس يسووهم زي علامة الضرب ×

×

×


والعروس تهفهم الشموع ويفتحوا ليها وتكمل طريقها

أهلين أختي الأقحوان
كانت عندنه خطوبه شهر 9 وكانت الفكره هي:
انه العروس بغرفتهه بالفندق وكانت في قاعة الحفله شاشتين كبار موصله من غرفة العروس الى ما تنزل
فوقت الي كانت بتنزل العروس كلنه اهله من رجاجيل ونساء وبنات صعدنه وزفيناهه الى باب القاعه وكان المعازيم كلهم اشوفونه واحنه قاعدين انزفهه من خلال الشاشه وبعدين تركانهه عند الباب فحطينه اغنيه الدخله ودخلت ابروحهه من باب القاعه الرئيسي واهيه تتمشى سلمت على جدتهه وخالاتهه الي واقفين بجانب الممر ( عشان اتبين طبيعيه ) والى نص القاعه يوجد نوع من الاغصان والزهور فما تقدر اتواصل المشي اله زوجهه طالع من الباب الي جهة اليمين او ( اليسار) ماسك باقة الورد وجنب الاغصان توجد بنت ماسكه مخده فيهه مقص مزين بالورود فيعطي المعرس باقة الورد للبنت وياخذ المقص ويقص الغصون ويعطي البنت المقص ويقبل راس العروس و بعدين ياخذ باقة الورد ويعطيهه للعروس ويكملون مشيهم الى الكوشه والتي هي عباره عن حديقه ( مزينه بالورود والاغصان الطبيعيه)

عندي فكره حلوه كنت ابا اسويها فعرسي بس ريلي مرضى :cry: المهم ان المعرس يدخل قبل ويوصل لنص القاعه وشوي وتدخل العروس واخوها ماسك ايدها لين مايوصل للمعرس ويسلمها له ويكمل وياها المشى للكوشه والسموحه

بنااااااات انا بعد عرسي قريب بللييييييييز قولولي عن حركات زياده يمكن استفيد منكم ......

ياي افكركم حلوه