أفكار لهدايا الحج - منتديات عروس

ن

نسيم البرايح

عروس مشرقة

13-12-2005 | 01:51 PM

بنات بقيت استشارتكم أمي بتروح الحج هالسنة بقيت اسوي لها مفاجأة لين ترجع اقصد لين رجعت اكيد بيزورونها الأهل وبتعطيهم هدايا احنا نسميها (صوغة الحج) ههههههههههه

اقصد الهدايا اللي بتوزعها على اقاربنا و أهلنا ما ابقى المعتاد سجادة وتمر وماء زمزم لااااااااااااااااااا ابي شي مختلف فيا ليت تفيدوني عشان ما ترجع الا هداياها جاهزة

واذا في محل بالبحرين يغلفون يا ليت تفيدوني والكمية تقريبا 100 حبة

العام انا شفت حماتي مسويه صناديق مبيته ( قديمة) وداخلها دهن العود و عود وشريط اسلامي

بقيت أفكار غير

ر

ربي غفرانك

عروس برونزية

13-12-2005 | 02:03 PM

ممكن تحطين مصاحف بس تكون تنقرى مب الصغيره كلش معاها اذكار مع حصن المسلم ممكن تحطين
تمر الي مغلف او شكلاته معاه او ورد مجفف
خيطي اكياس من قماش اورجنزا قد الكف حطيهم فيها
اطبعي اوراق مكتوب فيها حج مبرور وذنب مغفور
او تقب الله طاعتكم
لا تنسونا من دعائكم
حطيهم في صينيه وزينيها للتقديم

ص

صلصوحه

عروس ماسية

13-12-2005 | 02:09 PM

حلوه فكرة ام حمد

E

Esha3rah

عروس جديدة

13-12-2005 | 07:33 PM

troomeen ba3ad
et76een
b5oor w mid5an w syadah :)also nice
***********
ba3ad etromen et76een
ge6a3 7ag el jalabiyah w sayadah w wgayat 9alah

ن

نسيم البرايح

عروس مشرقة

14-12-2005 | 08:40 AM

مشكورين على الأفكار الحلوووة

حصلت انا بعد فكرة اني اسوي سلال اللي تجي من سعف النخيل مع الغطاء وينحط فيه بخور وعود وشريط وتمر ويتغلف مع كارد بسيط

ربي لا يحرمني منكم

م

مناهل78

مشرفة سابقة

14-12-2005 | 09:57 AM

شريط قرآن مع تمر وكتاب أدعية مع مخلط عربي (ربع تولة أو نصف تولة، تحصلين منها في القرشي روايحهم حلوة وأسعارهم مناسبة) كلهم حطيهم في أكياس أورجنزا مع بطاقة صغيرة.... والله يتقبل منها. وترجع لكم سالمة.....

ب

بحرينيه عسل

عروس ذهبية

14-12-2005 | 11:16 PM

نسايم البرايح حبيتي والله عمرج اطول من عمري تصديقين من كم يوم افكر ادخل المنتدى واطلب افكار لاني الوالدة الله يخليها بتروح الحج السنة لاول مرة وابي اسويلها شئى هالون فيليت الاخوات يفيدونا وانتي بعد اذا لقيتي افكار تفيدني وشكرا يالغالية.

ب

بحرينيه عسل

عروس ذهبية

17-12-2005 | 12:50 AM

وينكم يا مبدعات افيدونا شوي.

د

دلوعة حبيبي

مشرفة سابقة

17-12-2005 | 05:54 PM

هلا حبيبتي..

الله يردها لكم بالسلامه..

حبيبتي..
الهدايا بهذي المناسبه خياراتها قليله يعني مثل:

قرآن - سبحه - كتاب أذكار - وغيره مثل ما اقترحوا البنات..

بس تدرين الوالده بتكون راجعه من الحج وطبعا عشان تكسبينها أجر أكبر وأكثر كل ما قروا القرآن والأذكار (تخيلي الأجر) حلو توزعين أشياء تاخذ عليها أجر.. صح ولا لأ؟؟

ممكن تاخذين مصحف صغير كبر الكف ويتلبس بقماش مخمل فخم وزينيه بكلفه مناسبه وسوي له جيب صغير من بره وحطي بوسطها سبحه.. وشفتي الفاصل اللي بالقرآن الحبل.. اربطي بآخره كرت فيه الدعاء..
وجيبي تل مقصوص دائري وحطي القرآن بوسطه وجيبي ترتر أو خرز فيهم لمعه وانثريهم بوسطها وجمعي التل واربطيه بشريط مناسب.. وحطي حبة شوكولاته بوسط الشريط..

وممكن بدل التل تحطينه بصندوق خشب كبر المصحف وتزينين الصندوق بالورد وتلفينه بشريطه مخمل..

وحطيهم بصندوق خشب زينيه بسبحه كبيره وورد ولوحه مكتوب عليها الدعاء.. واللي يجي يحمدلها تعطونه منها..

والفكره بالتزيين كل ما كانت أغرب اعطتها تميز..

أتمنى تعجبك الفكره..