ممكن اللى استخدم فرد سوفت اندبيتفل يدش ليحط لنا ملاحظاته ...

السلام عليكم........

اختي انتي طلبتي رأي البنات بكل امانه وانا بقول وبصراحه......

انا واعوذ بالله من هالكلمة شعري مجعد شوي واستخدمت هالتمليس حوالي 4 مرات وبين كل مرة ومرة مالا يقل عن سنه ... والنتائج اوكي ويتم حوالي 4 شهور .. لكن أخر مرة استخدمت اللي حق الصغار على اساس انه ممكن يكون ضرره أقل.. لكن شعري من المقدمه احترق وصار منتف وصعب تمشيطه ..وازداد جفاف شعري..ما ادري وين الغلط.. لكن قررت ما استخدمه........وهذا عن تجربة

واي كان نوع التمليس لابد بيكون له تاثيرات جانبيه..

انتبهي على شعرش اختي......

تحياتي.......

يزاج الله خير اختى ....ما قصرتى وشكرا لامانتج ....

كله ولا الشعر ....يحترق بيصير اتقول حد منقع فيه شلق وما فينا ويا التعليقات

:)

وعليكم السلام ورحمة الله وبركاته

*·~-.¸¸,.-~*هلوات *·~-.¸¸,.-~*

أنا لي سنين أستخدمه ... واذا تكبرت عليه ارجع له

كنت بالبداية استخدم العادي ... لكن الحين استخدم النوع اللي بالأعشاب

وبالنسبة لنوعية شعري .. شعري كثير والشعرة سميكة شوي .... لكنه موب ناعم حيل

يعني رطب هو لكنه خشن شوي

ومع سوفت يجنن .. انا استخدم الدرجة العادية / المتوسطة = normal

لان فيه 4 انواع :
القوي
المتوسط
والخفيف
وفيه حق الأطفال اللي ذكرته الأخت اللي قلبي

وفعلا بالنسبة حق الأطفال .. تراه قوي ولا يغرك انه للأطفال لأن اختي وبنات عمتي مرة جربوه

وطيح شعورهم .. على بالهم ان تأثيره خفيف .. لكن انتبهي تقربينه

والله اني مستمرة عليه من سنين .. وكل ما جربت غيره أرجع له .. يمكن اشوف كم شعرة طاحت منه

لكن هذا شي طبيعي لانه كيماوي ... لكنه الأفضل بالنسبة لي ...

واللي بالأعشاب ريحته حلوة

وشعرك باول اسبوع بيصير مسبسب وروعه لكن مع الوقت بتخف لمعته .. لكن بتبقى الماده موجوده بالشعر

وبعد فيه منتجات تابعه له : شامبو وبلسم وكريمات حماية بس والله مالقيت الا الشامبو والبلسم

لكن سمعت عن منتجات ثانيه تابعه له وتثبت الماده لأطول فتره ..

بس عن تجربة انصحك فيه ..

لكن انتبهي يوم تحطيه لازم يكون شعرك مو نظيف ... يعني اقعدي كم يوم لا تغسلين شعرك

يعني مثل الصبغه .. لأن ضرر الكيماوي على الشعر بيكون أقل لو كان مو نظيف

وشي ثاني اتبعي التعليمات على الورقة ولا تحاولين تزودين المده من عندك

ولا تحاولين ابد تمشطين الشعر والماده على راسك .. اقصد وانتي خلاص حاطتها بشعرك

واذا تحممتي غسلي شعرك بروقان وشوي شوي

واستعملي الكريمات اللي معه .. تجي بظروف ...

عماتي وبناتهم وانا لنا سنين عليه ومحد اشتكى منه الحمد لله ... الا من حق الأطفال ..

انتي شوفي شعرك وش نوعيته وخذي اللي يناسبه ..

حبيت افيدك .. واذا تبين تسألين انا بالخدمه ..

الله معاك ....

أختي انا جربت سوفت اند بيوتفل على اختي وشعرها من النوع المووج ولكن مش خشن يعني اهو جيد نوعا ما بانه ما ينشف الشعر بس في نفس الوقت ما يمنع التجعيد والتمويج بالشعر لما يكون شعرج مبلل اشحلاته يهبل بس ينشف خلاص
بس انا رحت الصالون وجربت رد كادوس احد الاخوات ذكرت هذا الفرد وقلت اجربه ما بقول صدقيني او بسوي دعايه للمنتج لكن صج صج ارتحت لما سويت هذا الفرد مع ان اللي في الصالون هاوشتني وقالت ان شعري مو محتاج فرد لانه بس مموج بس مع الفرد حسيت انه طبيعي لما تسشورين شعرج ما تحسيني مثل الشعر الناعم الطبيعي ينكش معاج بالاخير بس والله الاستشوار مع فرد كادوس احس كاني وحده من هذولي اللي يسون دعايات الشامبون كل شعرة منفصلة من الثانية وتنساب وتطير مع الهوا ههههههههههههههههههههههههههه
بس ما بخش عليج الاطراف شويه راح تحسين انها واقفه بس انا ارطبها والفها على داخل بالاستشوار بس مو احرقه شويت هوا اسستشوار
الله يوفقج

جربت للاطفال وللكبار وجربت انواع ثانيه امريكيه كلهم اوكي بس طبقيهم عدل ولا تلعبين وسمي قبل كلشي

انا كنت استخدمه بصراحه محد دمر شعري غيره الى يومك وانااعانى منه مع انى وقفت استخدامه من 5 سنوات وصار حتى الشعر الي يطلع جديد ماهو مثل الاول والله كان شعري قوي وكثيف الحين تغير كثير مو مثل الاول

هو ادمان صراحه بس الحمدالله افتكيت منه والحين سويت اليوكو وشعري عال العال نعومه ولااحلي

تبين الصراحة اختى لا تستعملينة كلش
بتاتا
واللة دمر شعرى من جدام تقصص وصوب الاذن تنتف ولين يطول اشوى يصعب تمشيطة كلش مو زين واللة تحسفت حتى يوم قصيتة الحين يالسة اعالجة عشان يرد نفس قبل

اني
استعملته وبكل كل امانه اقولك لاتقربي منه صحيح هو في المرة الاولى يسوي لك خداع ولا يستمر بعد والشعر يصير خشن ويتساقط ويضعف صراحة ما اقدر اوفيه حقه عن موزين وسمعتي المثل اللي يقول خلك على مجنونك لايجيك اجن منه:dd: